الموضوع: ارجو الافادة نويت اشترى فيرنا زيرو بس محتار

طبعا مستحيل ادفع فلوس فى الصينى

يا باشا خلاص الصينى دلوقتى داخل بقوه و بقا بينافس الكورى و قرب ينافس اليابانى و فى عربيات دلوقتى صينى احسن من كورى كتير انا كان معايا فيرنا 1500 سى سى كانت جميله بس تكيفها مكانش عاجبنى الصراحه جايز كان كومبريسر بس مطولتش روحت بايعها بعد سنه انما كانت زى الفل و مو 2006

دلوقتى انا معايا DFSK Glory عربيه عائليه و ملاكى 7 راكب 1500 سى سى و 115 حصان و تكييف جمييل و مريحانى و الفول اوبشنز منها فيها كل حاجه زى اير باج و ABS ب 100000 فى ناشونال موتورز
عموما خليك فى الفيرنا لو عاجباك الى بيتقال دى حاجات فرديه و مش تقدر تعمم و التاكسيات كلها فيرنا لو كانت مش حلوه كانت منتشرتش

انا معايا حاليا فيرنا، و لما اخويا جه يشترى زيرو انا اللى اشتريت ليه ال byd ،
فيها ABS و EPD غير ازاز كهربا ملون و مرايات كهربا ......الخ.
F3 = 82 000
F3 auto= 94 000
L3 = 94000
L3 auto = 105000
و عن تجربة برقبة الفيرنا
و موديلات ال L3 دى تحفة
( الbyd شغالة تاكسى فى القاهرة )

شوف اللى يرحيك و اعمله
الفرنا عملية لاقصى درجة ممكنة و صيانة سهلة جدا و قطع غيار رخيصة و فكل مكان
بس هى مش للجري و مش واسعة و لكنها مازالت عائلية

الصيني حتلاقي اوبشنز و وسع و برضو مش للجري و تعطيك احساس بالفخامة و عائلية جدا
و قطع غيار اعلى من الفرنا و صيانة اعلى من الفرنا .
الصيني ممكن تركب له قطع غيار يابانى من عفشة لسيور و حتى المكنة و الفتيس

ميزة الفرنا على الصيني :
1- الفرنا تستحمل الهري ليل نهار (الصيني لا و اسظال سواقين التاكسي)
2- صيانة و قطع غيار ممتازة جديد و استيراد كل الدرجات (الصيني اعلى و في حاجات مش حتلاقي منها بتاتا استيراد و ساعات جديدها فى التوكيل فقط و حتى لو تاجر جبهالك حتاخدها باعلى ثمن زى مثلا لو احتجت تجيب فتيسها الاصلي )
3- تمسك سعر اعادة بيع و خاصة انها خلاص اخر سنة (الصيني تعلق نمر تنزل ممكن 5 تمشي شوية تنزل كمان )

الصيني :
شعور بالفخامة (بس مش ببلاش)
واسعة و عائلية جدا
يركب لها قطع ياباني عمرها اطول
بعض الصيني استهلاكه اقل من الفرنا