الموضوع: هو إحنا شعب متدين بطبعه فعلا ؟؟؟؟.....

المشاركة الأصلية كتبت بواسطة subhimust

ما هو سواق الميكروباص ده اللي بيسب بالدين

هههههههههههه

المشاركة الأصلية كتبت بواسطة باسم يوسف

"الشعب الماسري العزيم"شعب متدين بطبعه بأماره حصول "ماسر" علي المركز "التاني" في التحرش الجنسي بالسيدات و الدخول علي المواقع الاباحيه و ان شاء الله الشعب يشد حيله عشان يبقي في المركز الاول

ده موضوع كتبته بعد رمضان اللي فات

http://www.nilemotors.net/nile/384721-a.html

ياباشا أنا فاهم والله ..بس كنت بطرح السؤال عشان عاوز حد من أصحاب نظرية ..إحنا شعب متدين بطبعة ...يحاول يقنعني بالنظرية دي ..بس واضح إن مفيش ..وكل الناس عارفه إن المقوله دي إما مضلله ..أو بتقال لأغراض تانيه ...

المشاركة الأصلية كتبت بواسطة anaslbda

الموضوع ببص له كالآتي: الفكرة في مش في التديّن بخالص معناه.. الفكرة في احترام وتقدير الدين, بمعنى سواق ميكروباص مثلاً لا بيصوم ولا بيصلّي ولا..الخ ومع ذلك لو مشغل أغنية والأذان أذّن بيقوم موطّي صوت الكاسيت من باب التقدير وهكذا..
احترام الناس وتقديرهم لأهل الدين سواء لبس أزهر أو إمام جامع وكده.
لكن التديّن الخالص قلباً وقالباً ده في البطيخ

برضه كلامك صح ..هي القصه كلها قصة شكل ومظاهر ..لكن من جوه ..فاضييييييييييييييييييييي

المشاركة الأصلية كتبت بواسطة إنسانة

ربط الاخلاق بالدين ربط غير دقيق في الاساس

في تجربة تم عملها على فئران لدراسة سلوكها تحت تاثير الزحام الشديد

تم وضع فئران في قفص متسع عاشوا بسلام تزايدت اعدادهم زادت معدلات العنف والاقتتال حتى ان جيل الاباء قتل الابناء

الزحام و الوضع الاقتصادي يجعل من البشر شخصيات عنيفة

انظروا الى القنوات المصرية الجميع يصرخ "سياسي,ديني,رياضي" بنبرات حادة وعدائة "طوال الوقت" , لماذا يصرخون !!!

قمة الظلم هو فصل الأخلاق عن الدين ...!!!!!!!!!!!!!!!!!!!

الإسلام جه عشان يقوم الأخلاق ..آجي أنا النهارده أقول ربط الأخلاق بالدين غير دقيق ..إزاي ؟؟؟؟!!!!!!

حَدَّثَنَا حَاتِمُ بْنُ عَقِيلٍ ، قَالَ . ح يَحْيَى بْنُ إِسْمَاعِيلَ ، قَالَ . ح يَحْيَى الْحِمَّانِيُّ ، قَالَ . ح أَبُو مُعَاوِيَةَ ، عَنِ الأَعْمَشِ ، عَنْ أَبِي يَحْيَى مَوْلَى جَعْدَةَ بْنِ هُبَيْرَةَ ، عَنْ أَبِي هُرَيْرَةَ رَضِيَ اللَّهُ عَنْهُ ، قَالَ : قَالُوا : يَا رَسُولَ اللَّهِ ، فُلانَةُ تَصُومُ النَّهَارَ ، وَتَقُومُ اللَّيْلَ ، وَتُؤْذِي جِيرَانَهَا ، قَالَ : " هِيَ فِي النَّارِ " ، قَالُوا : يَا رَسُولَ اللَّهِ ، فُلانَةُ تُصَلِّي الْمَكْتُوبَاتِ ، وَتَصَدَّقُ بِالأَثْوَارِ مِنَ الأَقِطِ ، وَلا تُؤْذِي جِيرَانَهَا ، قَالَ : " هِيَ فِي الْجَنَّةِ " .

طبعا الحديث السابق واضح ...فلانة تصوم بالنهار وتقوم بالليل ..يعني دين ..وتؤذي جارتها ..يعني مفيش أخلاق ..النبي عليه الصلاة والسلام قال ..هي في النار ...

وفلانة أخرى تصلى المكتوبات ..يعني يدوب فجر وظهر وعصر ومغرب وعشاء وحتى الصدقه بتاعتها كانت عبارة عن لبن مجفف ..أو أطعمة مجففه ..دليل على قلة قيمتها ..فالنبي عليه الصلاة والسلام قال هي في الجنة

قمة الظلم فصل الأخلاق عن الدين ..وأنا أعتقد إن أحد مداخل العلمانية هو مدخل فصل الأخلاق عن الدين