هو إحنا شعب متدين بطبعه فعلا ؟؟؟؟.....

**Abo_Mazen** · 25-06-2015 09:22 AM

المشاركة الأصلية كتبت بواسطة imhotep

تشابكت الاطراف و اختلطت الاوراق و بالتالى احتاجت لفصل
الاخلاق جمع خلق و الخلق هو الطبع. . . عشان كده يقال فلان اخلاقه كويسة او اخلاقه سيئة يعنى طباعه. . . و هذه الاخلاق كأفكار فى ذهن الانسان تنعكس على تصرفات يمارسها الانسان فى مجتمعه تجعل المجتمع يؤيد نظرته له من حيث اخلاقه جيدة ام سيئة
طيب هل الاخلاق سابقة على الدين ام ان الدين هو منبع الاخلاق؟
نقطتين. . . الاولى ان الاخلاق صفات اجتماعية يتحلى بها الفرد و يتعامل بها مع افراد مجتمعه تجعل افراد هذا المجتمع اما يمتدحون خلقه او يذمونه. . . و بالتالى فالخلق و الاخلاق قرينة وجود البشر على الارض. . . و الدليل ان اول اتنين اخوة على الارض كان احدهما (حقودا) على اخيه و قتله بسبب هذا الحقد و الحسد
النقطة التانية هستعين لتوضيحها هنا بصديق اسمه جيمس هنرى بريستد. . . اللى كتب كتاب اسمه فجر الضمير رصد فيه التطور الخلقى فى الحضارة المصرية القديمة و انصح الجميع بقراءته لانه كتاب اكثر من رائع. . .
رصد ايه عمنا بريستد. . . رصد مثلا نصوص تعود للاسرة الرابعة يعنى بنتكلم على سنة تقريبا 2700 قبل الميلاد بتنهى الانسان عن اشتهاء زوجة جاره. . . رصد نصوص بتحض على الفضيلة و تمدح الخلق القويم. . . و رصد ايه كمان. . . رصد بعض قمم الرقى الخلقى لما يقول المتوفى اثناء محاكمته (اقسم انى لم الوث ماء النهر) و ده فى فصل اسمه فصل الاعتراف السلبى هو الفصل السادس من كتاب الموتى الفرعونى بينفى فيه المتوفى عن نفسه كل الموبقات اللى تخليه يدخل النار و كان لها مفهوم معين عند المصريين القدماء. . . للدرجة دى كان الرقى الاخلاقى بيعتبر مجرد تلويث ماء نهر النيل جريمة قد تطيح بفاعلها الى اسفل سافلين جهنم
من الاخر رصد كل تعاليم تحض على كل الاخلاقيات الحسنة التى تحض عليها الاديان كلها و رصد ايضا تحريم لكل الاخلاقيات السيئة. . . امتى الكلام ده. . . 1700 سنة قبل الديانة اليهودية. . . و 2700 سنة قبل المسيحية. . . و 3300 قبل الاسلام
يعنى ايه الكلام ده يعنى الفراعنة دول كانوا كلهم قديسين و اولياء. . . طبعا لأ. . . كانوا زيينا بالظبط. . . رغم كل التعاليم الراقية دى كان فى الممارسات الحياتية اللى كتير منها بيبقى نفعى. . . زى مثلا زواج الاخوة عند الملوك لضمان استمرار النسل الملكى رغم ان ده ما كانش معروف عند عامة الشعب لكن المصلحة اقتضت كده لفئة معينة. . . و زى كمان ما كانت الاخلاق الزبالة من اسنغلال و جشع و كذب و غيره بتسود وقت اضمحلال الدولة و دى فترات معروفة فى التاريخ المصرى القديم و تم رصد نصوص تؤرخ لاضمحلال الاخلاق فيها ايضا
اذن الاخلاق قديمة قدم البشرية و كلما اتى دين من الاديان قام بالحض على الفضائل و النهى عن الرذائل المعروفة فى عصره. . . دى كل الحكاية. . . و كل ما بتظهر ممارسات انسانية و الناس تبقى مش متأكدة من كونها صواب اخلاقيا ام خطأ بيرجعوا للدين عشان يعطى الاطار العام للسلوك عن طريق التنظير

نرجع لنقطة تانية. . . حكاية الانفصال (و ليس الفصل) بين الاخلاق و الدين. . . هل ده عادى و طبيعى؟ هقول هو المفروض انه مش عادى و مش طبيعى لكنه ممكن و بيحصل و ممكن يبقى سائد كمان. . . و الدليل واقعنا المرير من ملايين بتروح المساجد و الكنائس لكن لا يوجد اثر للممارسات الدينية دى فى تصرفات الناس الحياتية الا فيما اصبح نادرا. . . و ايضا وجود مجتمعات كاملة تكاد تكون لا دينية لكن تسود فيها اخلاق جيدة. . . يعنى امريكا مثلا الكذب فيها من الكبائر و اللى بينكشف كذبه يبقى اتجرس و ضاعت سمعته على عكس الممارسات الزوجية خارج اطار الزواج مش مستهجنة رغم انها من الكبائر عندنا احنا دينيا و ايضا اجتماعيا رغم ان الكذب عندنا احنا عادى جدا رغم ان كل الديانات بتحرمه. . . اذن المسألة مسألة تطبيق او عدم تطبيق لاخلاقيات يتعارف المجتمع على قبولها او رفضها مع وجود داعم دينى احيانا او عدم وجوده فى احيان اخرى و فى هذه الحالة نبحث عنه

اخيرا و عود على بدء. . . عنوان الموضوع و هل شعبنا متدين بطبعه ام لا. . . بناء على كل ما سبق. . . المصرى متعود على توقير الدين و رجاله و ده لان الدين فى نفوس الناس له مكانة كبيرة و تاريخنا مليان قصص ناس استشهدت عشان دينها و دى قمة العطاء ان الانسان يبذل حياته دفاعا عن شئ. . . المصرى كمان بشكل عام يواظب على ممارسة شعائر دينه وده واضح من الملايين اللى بتروح الجوامع و الكنايس كل يوم جمعة و احد و المصرى كمان حريص على مظاهر التدين و حريص على اظهار الحاجات اللى تخليه يبان متدين قدام باقى افراد مجتمعه . . . طيب هل ممارسة الشعائر دى لها انعكاس ايجابى على اخلاقيات المصريين . . . ده مربط الفرس لان هنا الاجابة تأتى بالسلب و ده اسبابه كتير و كلها اسباب اجتماعية اسهب بعض المشاركين فى الموضوع فى شرحها

نقطة اخيرة بس عن العبارة دى. . . ان المصرى متدين بطبعه. . . العبارة دى اصبحت سيئة السمعة عند الكل بسبب سوء الاستخدام. . . استخدمها الناس خطأ للحصول على احساس خاطئ بتفخيم الذات الجمعية للمجتمع و ان احنا ميت فل و اربعتاشر رغم ان كلنا بنشتكى فى حياتنا اليومية من ممارسات زى الزفت
و اساء استخدامها كمان الحكام اللى كان من مصلحة بعضهم انه يأكد الشعور ده لدى عامة الناس و تدعيم الاحساس النفسى بالتعويض عن جودة حياتهم quality of life اللى زى الزفت عشان عامة الناس متلتفتش للحكام و تلومهم على معاناتهم. . . كما استغلها البعض الاخر من الحكام عشان (يبيع) نفسه و بضاعته لدى الناس عشان يجيبوه للحكم بسبب قناع التدين لكن مع الامتحان سقط القناع و ظهرت نوعية الاخلاق الحقيقية

ادى كل الحكاية

يعني برضه هي القصه كلها تقديس ..مش أكتر ..لكن للأسف ..مفيش التزام بالدين

**JOHN YOUSSEF** · 25-06-2015 09:45 AM

المشاركة الأصلية كتبت بواسطة banzai

الشعب المصرى معر** بطبعه
خلايا النفاق فى ال dna فى دمه
العواله و الشحاته حته من قلبه
عبادة فرعون فى الهندسه الوراثيه لجسده منذ فرعون الاول
الشعب المصرى كائن بيضوحباطى منحط اجهل من بهيمه اصبحت جيفه لانها لو كانت حيه تعلم واجباتها اليوميه

لو عايز تتكلم بلاش تعمم لان فيه ناس فى الشعب المصرى محترمة و ماتقبلش الكلام دا على نفسها
انت حر توصف نفسك او اللى تعرفهم بكدة لكن ما توصفش شعب بحاله فيه ناس ماتقبلش الكلام دا

**eslamrace** · 26-06-2015 01:17 AM

قبل اى حاجه شخصيا بعتبر كلمه متدين هو الشخص العالم بدينه ويعمل به ويطبق اخلاقياته فى المجتمع

طيب مبدأيا شخصيا مبحبش التعميم فقطعا المقوله انا مش معاها من المبدأ اصلا قبل التحليل

ثانيا المقوله دى ان كان المقصود بيها ان الشعب x بيتولد متدين فده اكيد اما تسويق سئ لشئ ما او مدح كاذب لغرض ما لان اللى بيتولد بيتولد بفطره سليمه ولكنه كالصفحه البيضاء بيبتدى يتكتب فيها من الدوائر المحيطه العائله فالاقرباء فالاصدقاء فالمجتمع وفى زماننا اللى احنا فيه بقى كمان العالم المحيط بينا بياثر فى الاطفال
فتخيل بقى الاجيال اللى بتطلع شكلها ازاى ومتربيه على ايه فحتى لو كنا فى زمن ما متدينين او بنحترم المتدينين فالان انسي لان التربيه بقت اصعب وتداول المعلومات ساهمت بشكل كبير فى تشكيك المجتمع فى اى قامه او قيمه سواء دينيه او اجتماعيه بسبب ان اى جهه لو حاولت تقدرها مهما كانت الجهه دى حتطلعلك فئه تجيبلك اخطاء ممكن من 20 سنه مكانش حد حيعرفها وبالتالى مبقاش فيه اى جهه مقدره بشكل كامل حتى الجهات الدينيه سواء اسلاميه او مسيحيه كله بقي مباح النقد بشكل كامل وباي شكل

من النهايه محدش متدين بطبعه ولو كان فى حد دلوقتى مبقاش متدين بطبعه بقى متدين علشان هو محترم وبيطبق مكارم الاخلاق "اى ما يكون دينه" وبالتالى الموضوع ملهوش علاقه لا بالشعب ولا بالدين ولا بالقيادات الموضوع له علاقه بالتربيه القويمه من المجتمع للفرد وبما ان مجتمعنا دلوقتى وفى الفتره الاخيره "اخر 15-20سنه" استخدم كل ما هو جيد بشكل سئ يبقى انسى الشعارات دى كلها وخلينا نتكلم على العيوب بشكل عملى علشان نقدر نحلها

لو عايز النهايه احنا مش شعب متدين بطبعه ومفيش شعب متدين بطبعه بس احنا مجتمع قادر يبوظ الطباع الحميده لاى شخص بسبب افعالنا وتربيتنا اللى بنربيها لاجيالنا الجديده واوحش حاجه بدأنا نربي عليها عيالنا الانحياز وتطرف الفكر لاى جهه وعدم احترام الرأى الاخر .

تحياتى .

**Abo_Mazen** · 26-06-2015 02:00 AM

المشاركة الأصلية كتبت بواسطة eslamrace

قبل اى حاجه شخصيا بعتبر كلمه متدين هو الشخص العالم بدينه ويعمل به ويطبق اخلاقياته فى المجتمع

طيب مبدأيا شخصيا مبحبش التعميم فقطعا المقوله انا مش معاها من المبدأ اصلا قبل التحليل

ثانيا المقوله دى ان كان المقصود بيها ان الشعب x بيتولد متدين فده اكيد اما تسويق سئ لشئ ما او مدح كاذب لغرض ما لان اللى بيتولد بيتولد بفطره سليمه ولكنه كالصفحه البيضاء بيبتدى يتكتب فيها من الدوائر المحيطه العائله فالاقرباء فالاصدقاء فالمجتمع وفى زماننا اللى احنا فيه بقى كمان العالم المحيط بينا بياثر فى الاطفال
فتخيل بقى الاجيال اللى بتطلع شكلها ازاى ومتربيه على ايه فحتى لو كنا فى زمن ما متدينين او بنحترم المتدينين فالان انسي لان التربيه بقت اصعب وتداول المعلومات ساهمت بشكل كبير فى تشكيك المجتمع فى اى قامه او قيمه سواء دينيه او اجتماعيه بسبب ان اى جهه لو حاولت تقدرها مهما كانت الجهه دى حتطلعلك فئه تجيبلك اخطاء ممكن من 20 سنه مكانش حد حيعرفها وبالتالى مبقاش فيه اى جهه مقدره بشكل كامل حتى الجهات الدينيه سواء اسلاميه او مسيحيه كله بقي مباح النقد بشكل كامل وباي شكل

من النهايه محدش متدين بطبعه ولو كان فى حد دلوقتى مبقاش متدين بطبعه بقى متدين علشان هو محترم وبيطبق مكارم الاخلاق "اى ما يكون دينه" وبالتالى الموضوع ملهوش علاقه لا بالشعب ولا بالدين ولا بالقيادات الموضوع له علاقه بالتربيه القويمه من المجتمع للفرد وبما ان مجتمعنا دلوقتى وفى الفتره الاخيره "اخر 15-20سنه" استخدم كل ما هو جيد بشكل سئ يبقى انسى الشعارات دى كلها وخلينا نتكلم على العيوب بشكل عملى علشان نقدر نحلها

لو عايز النهايه احنا مش شعب متدين بطبعه ومفيش شعب متدين بطبعه بس احنا مجتمع قادر يبوظ الطباع الحميده لاى شخص بسبب افعالنا وتربيتنا اللى بنربيها لاجيالنا الجديده واوحش حاجه بدأنا نربي عليها عيالنا الانحياز وتطرف الفكر لاى جهه وعدم احترام الرأى الاخر .

تحياتى .

إمممم ..كده في جانب آخر للموضوع ما كنتش واخد بالي منه ...الجانب ده هو .. غياب القدوه ...

والله يا أخي الكلام والنقاش هنا بيخلي الواحد ياخد باله من حاجات ما كانتش تخطر على باله ..فعلا اللي فهمته من كلام حضرتك إن في مشكلة في غياب القدوه ..القدوه اللي كانت موجوه زمان متمثلة مثلا في رجال الدين ..أو بلاش رجال الدين ..هنقول العلماء ..وبعدين القدوه دي بدأت تفتقد ..أو على الأقل بقي عادي إن تلاقي اللي بيحاربها ويشكك فيها ..فعلا مهمة النقطه دي ..

**إنسانة** · 27-06-2015 04:21 AM

المشاركة الأصلية كتبت بواسطة abo_mazen

ما هو الدين نفسه في قوانين بتحمي الناس من بعضيها ..المثال اللي حضرتك ضربتيه ده مثال مقتطع الأصل ..الدين فيه كل حاجه خاصة بالمعاملات وخاصة بالأخلاق وخاصه بكل شئ ..هي أصلا القوانين الوضعية مفترض إنها مستمده من الدين ..الدين بقى اللي هو شامل الأخلاق والمعاملات والعبادات وهكذا

يعنى ايه مقتطع من الاصل !

حضرتك بتقولي جارة اذت جارتها النبي قال في النار فانا بقولك وحده علت الصوت "ماشي يدخلوها النار عشان علت الصوت"

بس انا مالي ؟ انا مالي بمستوى ايمانها ؟ انا مالي هي ايه ملتها ؟

في النهاية فيه ازعاج "مش عايزاها تولع في جهنم" بس عايزاها تتوقف عن ازعاجي بخفض الصوت ودا حله قانون غرامة بسيط هيحل المشكلة ويردع اي حد من اي مله وخلصنا

يبقى القانون حل مناسب ليتعايش اي حد مع اي حد

**إنسانة** · 27-06-2015 04:25 AM

المشاركة الأصلية كتبت بواسطة eso101

(إن الله يزع بالسلطان ما لا يزع بالقرآن)
مش معنى كدا إن القرآن أو الدين نص على كل الأخلاقيات .. أو فصل تفصيل دقيق لـ كل العقوبات ..
مش حاسة إن دا لو حصل هيخلي العملية جامدة ومفهاش مرونة وغير قابلة لمواكبة التطور المستمر ؟
ربنا خلق لنا عقل .. والطبيعي إن يكون فيه مساحة كبيرة للتطور الطبيعي في السلوك البشري
لكن السؤال اللي لازم تسأليه لنفسك ...وأنا هنا متفق معاكي تمامًا إن الدين مش مصدر الأخلاق ( الوحيد )
( لكن الأديان في فترة عملت ثورة أخلاقية محدش ممكن ينكرها )
طيب .. نستبعد الدين ..
( الأخلاق ) شيء موجود في النفس البشرية منبعها من النفس البشرية .. بس إيه مصدرها ؟
أصل مفيش ( جينوم ) مسؤول عن الأخلاق دا شيء ( ميتافيزيقي ) ملوش مصدر مادي
فكري كدا ليه الأديان لعبت على الشيء الميتافيزيقي دا تحديدًا ونمت الخوف من الخطأ جواى الإنسان
وأنا هنا مابستبعدتش دور البشر في فرض القوانين على من لا يرتدع

استخدام مصطلح الجينوم غلطة او مغالطة ؟ استاذي الي اعرفه ان حضرتك مهندس بترول فاكيد مش متخصص في الهندسة الوراثية , غير اني بالمنطق وحده ممكن اقولك انا مش محتاجه اعرف هل فيه "جين" مسؤل عن الاخلاق ولا لا كفايه ان فيه وعي

انا مش عايزة حد يسرقني فبتالي مش هسرق حد , انا مش عايزة حد يإذيني فمش هأذي حد , من هنا البشر بقي عندهم وعي بالامور المشينة و نمو الاخلاق وتوصلوا لقوانين والبشرية مرت بفلسفات كتير ومن خبرات البشرية المتراكمة

توارثوا مجموعة قيم والمباديء وتنازلوا عن جزء من فلسفات اثبت الجزء دا منها عدم اخلاقياته "زي فلسفة المنفعة" وفضيحة فورد

يبقى لما البشرية توصلت ان الفلسفة دي فيها شق بيحصل لا أخلاقي توقفت عن استخدام الجزء دا منها وابتدت تدرس المواقف جيدا وتحاول تصيغ لها فلسفة ممنهاش ضرر لحد فعلا

دي القيم اللي دخلت في تربية الاجيال وهي بتنشأ فبتالي جيل قادر على توريث القيم دي لجيل بعده من الخبرة المتراكمة , الخبرات المتناقلة بين الاجيال وكل جيل يضيف او يلغي ويحتفظ بالنافع حتى لو هو مش فاهم انه كدا بيعيد تشكيل الوعي الجمعي للمجتمع فبتالي " تشكل الوعي المجتمعي وتطور التطور الكبير اللي وصلناله دا"

فلما نيجي احنا جيل 2015 نبص لاخلاقيات جيل 1000 هنحس باننا مستحيل نقبل القيم دي على نفسنا او على اطفالنا واحنا مش عارفين الخطوات اللي شكلت الثقافة دي جوانا جت ازاي

فهو اساسا لو جين هيفضل المستساغ قديما مستساغ حديثا !

واخلاقيات قديمة اصبحت اليوم مشينة ومجرمة زي العبودية احنا كبشر في 2015 مش قادرين نتخيل إن قبل 1000 سنة كانوا الناس بيبعوا وبيشتروا البشر في السوق , دا مش متكسب ديني دا مكتسب نماه البشر

وفي بعض الاحيان المتكسب الديني بيأخر التطور في اخلاقيات البشر وممكن يرجع البشرية لنقطة الصفر بعد تطور اخلاقي حصل في 1000 سنة

يعني ممكن اخلاقيات معينة تسيطر على منطقة فيرجعوا العبودية او يستطو على ناس وياخدوا فلوسهم ويوزعوا اطفالهم ونسائهم بدون حتى اي احساس بتأنيب الضمير لاسباب فكرية

رغم انها في عرف البشر النهردة دي افعال ميعملهاش حد طبيعي ميعملهاش الا مريض نفسي محتاج مصحة يخرج منها سليم او يسجن ويتم ابعاده عن الناس لانه بيشكل خطر على الناس يعني بيرتكبوا عدد من الجرائم بسبب الفكرة دي "سرقة , قتل , اغتصاب , تجارة رقيق , تجارة اطفال"

كوارث اخلاقية كانت موجودة زمان وكان مستساغة اما بسبب قلة الوعي او ثقافة او البشر مكنوش كونوا خبرات بمدى اضرارها , مكنش العلم تطور واكتسبنا كل المهارات دي للتعايش مع نفسنا في سلام نفسي وبدني , حصل تطور في وعي المجتمعات نتقبل التطور الجديد ونقول ان القديم عفى عنه الزمان

**إنسانة** · 27-06-2015 04:42 AM

المشاركة الأصلية كتبت بواسطة أبو آسر

الدين نص على الأخلاق الحميدة وحث عليها وحذر من مخالفتها علشان يمنع جارتك من البداية أنها تؤذيكي بأصواتها المزعجة سواء وجدت عقوبة دنيوية على مثل هذه الأفعال أو لم توجد
يعني في غياب دولة القانون عندنا في مصر مثلا ، مفيش حد هيمنع جارتك أنها تؤذيكي غير الدين اللي حث على الأخلاق
لكن افترضنا أن جارتك بدون دين .. فلن يمنعها شيء من إزعاجك وقتئذ لأنها لا تخشى عقاب أخروي لأنها بلا دين ولا تخشى عقاب دنيوي بسبب انعدام دولة القانون وبالتالي فلن يمنعها شيء من إزعاجك .. من أمن العقوبة أساء الأدب

مش سليم ان اللي بدون دين لن يمنعه شيء وكانما الدين الي بيخلي الناس عندها اخلاق

الغالبية العظمى مش هيئذي جاره اصل ايه اللي يخليه يؤذي حد في حاله ولكن بيحصل ان قلة من البشر بيحتاجوا "ردع"

القلة دول مفيش حاجة هتردعهم الا القانون يعني هيعرف انه هيتعاقب عقاب واقعي هيحصله في لحظة مخالفته للقانون

وفيه قلة من القلة دول مش بيكون مهتم بالعاقب القانوني دا ودا كمان مش هيردعه دين ولا ايمان ولا قانون دا هيردعه عقوبة السجن والتدرج في العقوبة من شديدة لأشد

دا علم نظم مجتمعات ونجح القانون بالفعل في تنظيمها رغم انعدام ايمانها في غالبية شعبها بينما الفوضى تضرب المجتمعات الي مفهاش قانون رغم ارتفاع مستوى تدينها وايمانها

كان ايه الداعي من توصل البشرية للقانون لو الدين وحده يكفي ؟

كانت ايه الاضافة اللي معرفتهاش البشرية واخترعتها الاديان ؟

**إنسانة** · 27-06-2015 04:53 AM

المشاركة الأصلية كتبت بواسطة madokira

اه فيه فطره طبعا بتتطمس زى استباحه الدم انما لو اقتنعت حضرتك مثلا ان مفيش اله ايه المانع ان حضرتك تتجوزى والدك

طمس ايه وفطرة ايه واي استباحة دم !

و يعني البنت الي عندها دين نفسها تتجوز باباها والي مانعها الدين يعني !

مش هرد على مشاركات بالمستوى دا

**أبو آسر** · 27-06-2015 05:00 AM

المشاركة الأصلية كتبت بواسطة إنسانة

مش سليم ان اللي بدون دين لن يمنعه شيء وكانما الدين الي بيخلي الناس عندها اخلاق

الغالبية العظمى مش هيئذي جاره اصل ايه اللي يخليه يؤذي حد في حاله ولكن بيحصل ان قلة من البشر بيحتاجوا "ردع"

القلة دول مفيش حاجة هتردعهم الا القانون يعني هيعرف انه هيتعاقب عقاب واقعي هيحصله في لحظة مخالفته للقانون

وفيه قلة من القلة دول مش بيكون مهتم بالعاقب القانوني دا ودا كمان مش هيردعه دين ولا ايمان ولا قانون دا هيردعه عقوبة السجن والتدرج في العقوبة من شديدة لأشد

دا علم نظم مجتمعات ونجح القانون بالفعل في تنظيمها رغم انعدام ايمانها في غالبية شعبها بينما الفوضى تضرب المجتمعات الي مفهاش قانون رغم ارتفاع مستوى تدينها وايمانها

كان ايه الداعي من توصل البشرية للقانون لو الدين وحده يكفي ؟

كانت ايه الاضافة اللي معرفتهاش البشرية واخترعتها الاديان ؟

مش صحيح
في مصر مثلا الناس قبل ثورة يناير كانوا إلى حد ما ملتزمين وفي حالهم لكن لما انعدم القانون بعد الثورة مباشرة كثرت حالات السرقة والنهب والبلطجة والقتل وكل الجرائم بشكل غير متوقع وغير مسبوق .. ليه ؟
لأن الناس دي معندهاش دين - حقيقي - إلا من رحم الله واللي كان مانعهم القانون فلما راح القانون أصبح مفيش رادع
أيام الصحابة خاصة خلافة الأئمة الأربعة كان يوجد وازع ديني ووازع دنيوي أيضا وهو القانون اللي كان برده مبني على الدين لذلك عم الأمن والأمان والسلام ولم يذكر التاريخ إلا حوادث فردية قليلة وكانت أغلبها من غير المسلمين أو ممن يدعون الإسلام وهم في الواقع منافقون لكن الجو العام كان جو مثالي لم ولن يتكرر
الناس في أوربا حاليا معندهاش دين لكن عندهم قانون ولو غاب القانون هيبقوا همجيين برده وهيعملوا كل شيء ومش هيمنعهم شيء لأن مفيش رادع وشوفي عقب أي ثورة أو مظاهرات بيحصل إيه من نهب وسرقة وفوضى وما أحداث أمريكا الأخيرة عنا ببعيدة !
ومن فترة كنت اتفرجت على فيلم أجنبي ملخصه إن في يوم في السنة مباح فيه اللي عايز يعمل أي حاجة يعملها والشرطة والإسعاف والقضاء وكافة المرافق واخدة أجازة في اليوم ده ومحدش هيتحاسب على اللي هيعمله في اليوم ده وكان بمجرد ما يبدأ اليوم ده كنت تلاقي الشوارع مليانة أناس يعيثوا في الأرض الفساد ويفعلون كل ما يحلو لهم من قتل واغتصاب وسرقة وبمجرد انتهاء اليوم يرجع كل شخص إلى ما كان عليه وكأن شيئا لم يكن ! فكرة الفيلم دي لم تأتي من فراغ
فمتحاوليش تقنعيني إن في إنسان مثالي لدرجة إنه هيمتنع من فعل شيء كده من نفسه بدون خوف من رادع يردعه سواء ديني أو دنيوي لأن النفس البشرية أمارة بالسوء كما أخبر الله تعالى ولا يمنعها من الشر سوى شيء يردعها لأنها جبلت على ذلك