الموضوع: إتهام باطل باطل

تابعت المنتدىقبل شرائى للفيليشيا
و بعد شرائها لاحظت الأتى :-
أولا الإتهام الباطل بإن مشكلة السخونه عيب من عيوب الفيليشيا إتهام باطل تماما
السيارة الفيليشيا زيها زى أى نوع اخر إذا كانت لا تعانى من مشكله يجب إصلاحها خاصه بالسخونه و التبريد فلازم العربيه هاتسخن .
الأعضاء اللى بيشتكوا من أن العربيه بتسخن أقولهم محتاجين واحد بيفهم يعرف العيب فيها ايه
العربيه عاديه جدا فى وسط الزحمه و الحر بتوصل 90 و ده طبيعى بالنسبالها و مجرد ماتوصل 90 بتشتغل المروحه لحد ماتنزل 80 توقف المروحه و هكذا ..
أما فى البرد او الشتا او الطرق المفتوحه انا لسه امبارح جاى على الطريق الزراعى بس باليل كانت تقريبا 3 او 3 و نص قبل الفجر المؤشر بتاع الحراراه مابيوصلش ل 80 من اصله و معظم الوقت فوق السبعين بشرطه او اتنين ..
يعنى أداء طبيعى جدا للفيليشيا .
طبعا ده بسبب التأكد من حاجات كتير اولا صلاحيه دورة التبريد و عدم وجود تسريبات او أماكن مسدوده ..
ثانيا التأكد من صلاحية الثرموثتات و أنها تعمل عند درجه الحراره الصحيحه
التأكد أيضا من سلامة مؤشر الحرارة و هو عيبه ان السلك بتاعه ممدود بطريقه محتاجه حمايه شويه يعنى الأفضل تريح الكابل و تلف شيكارتون على الراس البلاستيك اللى جواها الريشه النحاس علشان تتأكد من ثباته فى مكان قراءة الحراراه
التأكد من صلاحيه المروحه و انها بتلف بكامل طاقتها و بتفصل عند درجه الحراره المظبوطه و هى تقريبا 80 او 82 ..
دورة التبريد عبارة عن مجموعه اجزاء يعنى اذا لاقيت مشكله فى جزء و حليتها م شمعنى كده ان مافيش جزء تانى محتاج اصلاح برضه لان اكيد اتأثر بالعطل اللى كان موجود و انت صلحته يبقى تراجع على كله
الرادياتير .. قربه المياه و خراطيم التوصيل .. فايظ المياه .. المروحه .. الثرموثتات .. مقياس الحراره ..
مش عايز افكركم كمان ان فى بعض المواتير بها عيوب قد تكون سبب فى الحراره الزائده يعنى بعيد عن دورة التبريد
خصوصا لو فيه تسريب من دوره التبريد داخل الموتور .. معظم الناس هاتقول عادى هو بس المشكله ان الزيت لونه هايغير و مش عارف ايه ..
لا طبعا لأن خواص الزيت بتتغير و مش بيأدى دوره بنفس الكفاءه غير ان فيه ناس كتير معتقده ان الزيت مالوش علاقه بتبريد الموتور .. هو صحيح الزيت مش وظيفته التبريد لكن ايوه له علاقه كبيره بتبريد الموتور .. أزاى ؟؟ أقولك
الموتور عباره عن معدن و المعدن بيوزع الحراره لكن ده لا يمنع ان تركيز الحراره فى مكان معين من المعدن حتى مع توصيله للحراره بيخلى الموتور يتأثر جدا بالحرارة المسلطه على هذا الجزء .. لكن الزيت وظيفته انه بيسحب الحراره من الأجزاء الساخنه جدا ليوزعها لباقى الموتور و بالتالى تقوم دوره التبريد بالمياه بسحب هذه الحراره يعنى الزيت ببساطه بيوزع الحراره على كل اجزاء الموتور لتتمكن مياه دورة التبريد بسحبها و تبريده..
يبقى لو عندك مشكله فى الموتور او فيه تسريب فى دروة التبريد يؤدى لفقد الزيت لخواصه هاتسخن العربيه ..

فى انتظار ردود من له رأى أخر

أي عربية مادام دورة التبريد مظبوطة عمرها ما هاتسخن
مافيش عربية بتسخن بدون سبب