هعمل نضارة نظر ومحتاج مشوراتكم

**Mahmoud Naguib** · 03-07-2015 04:46 AM

أنا برضه ناوي أعمل نظارة وف نفس حيرتك بالظبط ويارب حد يفيدنا
هل عدسات الترانزيشن أفضل من الفوتو جراي والفوتو براون وأفضل لي !؟
أنا عايز نظارة تكون فيها أنتي ريفليكشن علشان بقعد وقت طويل جدا قدام الكمبيوتر
وبرضه تحميني من الآشعة فوق البنسجية اللي بتسببها الشمس !

**أبو آسر** · 03-07-2015 05:30 AM

أنا سألت في مغربي عن موضوع الترانزيشن والفوتوجراي فقالي الاتنين واحد ! فوتوجراي أو فوتوبراون هي ترانزيشن
أنا كنت عاملها قبل كده بس مش عملية زي النضارة الشمس يعني هتحجب الشمس بنسبة 50% مثلا لكن مش 100% زي نضارات الشمس
كنت شفت على النت عدسة ترانزيشن بس تقريبا بتتحول كاملة لنضارة شمس وبتدي حماية 100% من UV زي النضارات الشمس وبتتحول بسرعة (حسب كلامهم) من شفاف لغامق والعكس ، تبع شركة Carl Zeiss اسمها PhotoFusion وسألت مغربي عليها قالي لأ مش موجودة بس عندنا زيها فرنساوي أصلي وبتبدأ من ألف جنيه ! فأعتقد لو موجودة هتبقى معدية أوي

**أبو آسر** · 03-07-2015 05:06 PM

المشاركة الأصلية كتبت بواسطة mahmoud naguib

أبو آسر ..... النظارة دي حلوة جدا شفتلها فيديوهات وقرأت عنها !
بجد يعني مكسب ومميزة أوي
https://www.youtube.com/watch?v=idlhg0nonrm

تسلم لأنك دليتني عليها

العفو يا محمود
بس دي غالبا مش هتلاقيها هنا ولو لقيتها هتبقى غالية فحت للأسف

**Mahmoud Naguib** · 04-07-2015 12:47 AM

المشاركة الأصلية كتبت بواسطة mrbebo

المهم زمن التغير من الشمس للشفاف قد ايه ؟؟
انا شفت فيديوهات كتير وكلها اخدت زمن 10 دقايق من حالة الشمس للحالة الشفافه وكلها فيديوهات اجنبيه غير اني رحت محل وعملي تجربه بالعدسات دي واخدت وقت طويل جدا علشان ترجع شفافه لكنها بسرعه بتتحول لشمس

أعتقد مش مشكلة كبيرة موضوع الوقت خصوصا انها كمان بتتحول لشمس بسرعة وده المطلوب
كونها بتاخد وقت ف العكس فبرضه الدنيا مش بتضلم فجأة !
ممكن نعتبرها شمس ونقلعها لحد ما ترجع
بس المهم هل هي موجود ف مصر !؟!
وسعرها لو موجودة هتبقى بكام

**MRBEBO** · 04-07-2015 08:33 AM

المشاركة الأصلية كتبت بواسطة mahmoud naguib

أعتقد مش مشكلة كبيرة موضوع الوقت خصوصا انها كمان بتتحول لشمس بسرعة وده المطلوب
كونها بتاخد وقت ف العكس فبرضه الدنيا مش بتضلم فجأة !
ممكن نعتبرها شمس ونقلعها لحد ما ترجع
بس المهم هل هي موجود ف مصر !؟!
وسعرها لو موجودة هتبقى بكام

موجوده 650 و ب 750 هما 2 كاتيجوري واحدة احدث من التانيه

**Mahmoud Naguib** · 06-07-2015 08:06 AM

فين يابيبو الاقيهم ...... ضروري جدا

**MRBEBO** · 06-07-2015 11:57 PM

المشاركة الأصلية كتبت بواسطة Mahmoud Naguib

فين يابيبو الاقيهم ...... ضروري جدا

بص في اي محل كويس وبيفهم انا مش عارف انت ساكن فين بس لو جنبك c&co اسئل عندهم او اي حاجه بنفس المستوى بركه منير نصيف اي محل تاني مش شرط حد معين بس يكون فاهم مش تقوله ترانزيشن تلقيه بصلك كده