الموضوع: موجة جديدة من الغلاء

المشاركة الأصلية كتبت بواسطة باسم يوسف

معلومات مفيده اوي في موضوع امريكا و الصين

نروح نحول الجنيهات المصري ليوانات صينيه و لا ايه ؟؟؟ :))))

الصين بقالها فترة بتعمل حركة نص كم فى نظر العالم كله .... و هى محاولة ابقاء قيمة الايوان الصينى منخفضة !!!!!

يعنى كل ما امريكا تحاول ترفع قيمة الايوان الصينى ..... الصين نفسها توقعه ... بعدة طرق ... ذكر بعضها انها بتشترى دولار ... او تطبع ايوان جديد و تضخه فى السوق ... طب ليه ؟؟!!

تخيل حضرتك لو معاك 100 دولار و عاوز تشترى منتج معين ... و عندك تشترى من انجلترا .. بس ده معناه انك حتحتاج فوق ال 110 دولار مثلا علشان تشترى المنتج الانجليزى .... جنيه استرلينى

او 105 دولار علشان تشترى منتج من المان ... يورو

1و 70 دولار فقط ... و تشترى منتج صينى حالته 80 % من الى حتشتريه من المانيا ( مثلا ) !!!

انا حشترى المنتج الصينى ....
فلو عملة الصين ارتفعت ... يبقى الى كنت حشتريه ب 70 ... حشتريه ب 90 مثلا .... لآ لآ لآ ... ساعتها انا اروح اشترى المنتج الالمانى

ده مثال فقط

تقبل تحياتى

المشاركة الأصلية كتبت بواسطة hilal

انا شخصيا اعتقد انه لا يوجد من ينازع امريكا حاليا زعامة العالم
نسيتم ان معظم الابتكارات والاختراعات مصدرها الغرب وبصفة خاصة امريكا وليس الصين
هل سمعتم عن دواء للسرطان مثلا اختراع صيني؟
هل سمعتم عن دورية علمية محترمة مصدرها الصين؟
كذلك نجد ان اكثر من 90% من الصور والاخبار التي تتداولها الميديا في كافة انحاء العالم مصدرها وكالات امريكية

باختصار امريكا عبارة عن منتخب العالم
وليس معنى انتقال بعض المصانع كثيفة العمالة الى الصين للاستفادة من رخص الايدي العاملة انها اصبحت منافس
هذا مجرد رأي وقد اكون مخطئا

ان شاء الله الصين حتكون على المسار العلمى قريبا .... علشان هى بالفعل على المسار الاقتصادى

المشاركة الأصلية كتبت بواسطة banzai

و الله يا فندم صدقنى الامريكان ميختلفوش عن اى بشرى اخر هما اولا و اخيرا tv watchers
و اللى بيتقالهم فى التلفزيون و القنوات الاخباريه و ال talk shows بيصدقوه

انا مصدق حضرتك .... و حتى لا اكون متجنيا على احد .... انا مشفتش و لا عاشرت كل الجنسيات علشان اقول لحضرتك اذا كان الامريكان مختلفين عن بقية الاجناس و لا لآ ..... و لكن ... يعجبنى الى حد ما ... ادائهم الاقتصادى ... عجلة الاقتصاد سريعة جدا ... و كبيرة جدا ... و من الممكن اشرح لحضرتك ما اقصده بهذا الكلام لاحقا ....

اما عن فرجتهم على التليفزيون ..... محترفين تليفزيون ... عندهم الاخبار دى حاجة زى الاكل و الشرب ... سى ان ان و فوكس نيوز و مختلف قنوات الاخبار ... و بيصدقوا الى فى التليفزيون ...
شعب معندهوش ثقافة خارجية .. على عكس الاوربيين ... الى بيتقالوا فى التليفزيون بيصدقوا على طول

الويك اند .. فسح بالنهار و شرب باليل ... بقية ايام الاسبوع ... شغل من الساعة 8 صباحا و حتى 5 مساءا بلا كلل او تعب .... الواحد اتعلم يعنى ايه شغلك .. و الاكتر منهم ... الانجليز
يعنى ايه تعمل شغل .. و تعمله كويس ... و مش مهم تكون بتحبه .. المهم تعمله على اكمل وجه

شعب الى حد كبير مرح و يحب الكلام و الرغى .. و مسالم الى حد كبير ... و كمان عشرى !!!!!

الى بحكيه لحضرتك ده ... فى متوسط عموم الشعب الامريكى .... يعنى متروحش حتت مقطوعة و تقولى كلامك غلط .. انا بتكلم عن الناس الى زينا كدة .. فى مستوانا

اجتماعيا ... انا مشفتش حد بيهتم بالاطفال زيهم ... ملاعب كبيرة مجهزة فقط للاطفال .. رعاية تربوية اتمنى اشوف نصفها عندنا فى بلدنا

التخطيط ... اتعلموا من دكاترة التخطيط فى العالم .... الانجليز
شعب مفيهوش حاجة مميزة ... و فى المجمل ... بيعجبنى نمط حياته اكتر من الانجليز

يلا ... ربنا يهديلنا الحال :)

تقبل تحياتى

المشاركة الأصلية كتبت بواسطة eslamrace

رأيي الشخصى فى موضوع علاقه الصين بامريكا بيتخلص فى ان ظهور قوى جديده على الساحه الدوليه بخلاف امريكا دى بدايه تغييرات عالميه ومش شرط لظهور القوى دى اندثار القوه الامريكيه ولكن بالتاكيد حيقل تأثيرها فى التحكم فى تطورات الامور وسياسه الامر المباشر واجب التنفيذ لان ببساطه مع وجود قوه اقتصاديه عسكريه زى الصين ومحاولات الروس لفرض انفسهم على الساحه الدوليه كقوه سياسيه عسكريه خلت الدور الامريكي يتقلص والدول الاخرى بقي عندها بدائل اخري للتفاوض غير الوجهه الامريكيه

ولذلك الموضوع مش ان امريكا حتنهار ولا لأ الفكره هل امريكا حاليا هى القوه الوحيده المتحكمه فى مجريات الامور فى العالم كما فى ال 15 سنه من نهايه التسعينات وبدايه الالفينات اكيد لأ وده فى مصلحه كتير من الدول خاصه من تتحكم فى مقدراتهم الاداره الامريكيه ولذلك النفوذ الامريكي بدأ يقل فى كتير من المناطق ويحل محلها هيمنه الروس او الصينيين وده اللى مخللى الامريكان حاليا فى قلق وبيحاولوا دايما ميخسروش القوى الجديده اللى ظهرت ومن الاخر ممشينها مفاوضات مع الجميع بدل الاحتكاك المباشر والتهديد الاقتصادى والعسكري
ولكن المقلق فى الامر الازمه الاوروبيه اللى بيمر بيها الاتحاد الاوروبي حاليا دى اللى ممكن تخللى قوه عظمى زى الاتحاد الاوروبي تختفى وتتفكك وترجع دول صغيره مشغوله بمشاكلها وتبقي القوه الوحيده فى المنطقه دى المانيا وبرغم قوتها الا ان تفكك الاتحاد حيأثر بشكل او باخر عليها

تعليق صغير على كلام ا/ banzai بخصوص مدن الاشباح فى الصين انا شخصيا مش عارف اذا كانت المدن دى فى صالح الاقتصاد الصينى او ضده لان كل ما قراته عن الموضوع مش موضح مصير المدن دى وكل ما تم ذكره انه تم بناءها كمدن سكنيه ولم تلقى اقبال سواء من الصينيين او الاجانب بالرغم ان فى منها مدن سياحيه
فلو امكن حضرتك تفسر وجهه نظرك فى كونها دعم للاقتصاد الصينى .

تحياتى .

متفق مع حضرتك فى اغلب ما ذكرته ... التاريخ بيقول كدة .... دوام الحال من المحال ... و حييجى يوم ان شاء الله سيزول سلطان امريكا ...

و اعترض على قلة النفوذ الامريكى فى اى منطقة .... امريكا الان بتشتغل بالريموت كنترول ... بمعنى .. انا تسخر من يحارب عنها ... و لأسباب معروفة و احيانا تكون خفية عن الجميع ....
عذرا ... اين هيمنة الروس و الصينيين ؟؟؟
و اين مفاوضات امريكا ؟؟؟ المفاوضات الى دخلتها امريكا ممكن حضرتك تعتبرها مفاوضات شكلية فقط ... بداية من مساعى السلام فى الحرب العالمية الاولى .... لغاية اخر مفاوضات ( مش عارف امتى كانت اخر مفاوضات )

المفاوضات دى لواحد مش واثق من مركزه ... نفسه يجيب بقية حقه الى اتاخد غصبا عنه و مش عارف !!!

و اعترض على نقطة اخرى .... من امتى الاتحاد الاوربى قوة !!! ؟؟؟ ... الاتحاد الاوربى اتكون ليشكل قوة اقتصادية لمواجهة الهيمنة الامريكية .. او الروسية او الصينية .. و ان شاء الله لو كانت نفعت ... كانوا ممكن يكونوا قوة اجتماعية الاول ... و بعدها يبدأوا فى تكوين قوة عسكرية و هكذا

سبحان الله ... الاوربيين مش بيحبوا بعض .... و مش حبالغ لما اقول ... شبه استحالة انهم يتفقوا مع بعض ... و الكلام ده على مر التاريخ ... بيحاربوا بعض من زمان جدا

الاتحاد الاوربى ... لما يهدده دولة صغيرة زى اليونان ... فده اتحاد ضعيف جدا

انت عارف حضرتك مين الى تأكدت انهم دكاترة فعلا ...... الانجليز ... رفضوا انهم ينضموا للاتحاد ده ... و قالوا ان ده اتحاد حيضعفنا اكتر

و بجانب قوة المانيا .... متنساش حضرتك قوة فرنسا

و انا معاك فى انتظار ا/ banzai لشرح اكثر عن المدن الصينية
تقبل تحياتى

تعليق صغير على كلام ا/ banzai بخصوص مدن الاشباح فى الصين انا شخصيا مش عارف اذا كانت المدن دى فى صالح الاقتصاد الصينى او ضده لان كل ما قراته عن الموضوع مش موضح مصير المدن دى وكل ما تم ذكره انه تم بناءها كمدن سكنيه ولم تلقى اقبال سواء من الصينيين او الاجانب بالرغم ان فى منها مدن سياحيه
فلو امكن حضرتك تفسر وجهه نظرك فى كونها دعم للاقتصاد الصينى .

اللي انا فهمته انهم بيجمدوا الدولار (اللي ملوش لزمه في رأي البعض) علي هيئه عقارات في المدن تجيب مليارات بعد كده لما تتباع او لما يتعمل بيها مشاريع زي قري سياحيه مثلا