الموضوع: موجة جديدة من الغلاء

جدعان والله ....

متعونا كمان و كملوا حواركم

يخرب بيت اللي يزعلكوا يا شيخ

المشاركة الأصلية كتبت بواسطة banzai

يا باشا اولا الحقوق الدوليه و الانسانيه اللى بتتكلم عليها دى اساسا المفروض تكون على اللى اخترعوا النظام المالى العقيم اللى الدنيا ماشيه عليه دلوقتى لانه يقوم على استعباد البشر

بالنسبه لليونان فهيا عماله تستلف بقالها سنين اشمعنى تسيبراس قرر يفوق الناس دلوقتى بالذات ؟
الوضع فى اليونان دلوقتى ان تسيبراس وقف قال للناس ان الوقت جه لنتخلص من عبودية الاتحاد الاوروبى و هو طبعا يقصد المانيا على وجه الخصوص
راح البنك المركزى الاوروبى ECB قالك طيب وقفلى بقا السيوله النقديه فى بنوك اليونان بس الموضوع ده عمل عليهم باك فاير , لانه خلى الناس بتغلى و كرهوهم اكتر و صوتو ب (لا ) للاستدانه مره اخرى
و صرح تسيبراس بان الديون اللى عليه للاتحاد الاوروبى غير شرعيه و انه اليونان مش هتدفعها
دلوقتى زى ما اليونان متضرره فالمانيا متضرره من نواحى كتير , حضرتك لو اخدت قرض من البنك بيخليك تسده بالفوايد , القروض بقا بفوايدها ضاعت على البنك المركزى الاوروبى اللى هو دلوقتى بيراهن فى ظل وقف العمل فى البنوك اليونانيه بحاجه من اتنين , اما تحدث حرب اهليه فى اليونان و اما يحدث انقلاب على تسيبراس
لكن على صعيد اخر ماذا لو حدث انقاذ لليونان من روسيا و الصين على سبيل المثال
ايطاليا و اسبانيا المتخمين بالديون للاتحاد الاوروبى هما كمان هيقولوا يا فكيك اهرب يا معلم و قل على الاتحاد الاوروبى السلام

هل اللى بيحصل فى اليونان ده له علاقه باعلان ال IMF - international monetary funds
عن عزمه اصدار عمله جديده تتكون من سله من العملات ينضم اليها اليوان الصينى و الذهب
فى رأيي المتواضع بالتأكيد.

انا مش فاهم ايوتها حاجه

تسيبراس قدم الليله عرض جديد للمسؤلين عن منطقة اليورو euro zone للاستدانه و التقشف وصفته وكالات الانباء الاوروبيه بانه استسلام تام لليورو زون
امال كنت بتعمل استفتاء ليه ؟ و كمان مهو اليونانيين رفضوا اى استدانه جديده فى الاستفتاء ده بنسبة 61% هتواجههم ازاى ؟
طيب انت مدفعتش القديم ازاى بتوع اليورو زون هيوافقوا على الجديد ؟
هل دى اشتغاله للاوروبيين لحد ما الدرخمه تنزل فى نظام الصرف فى اوروبا و ما يتبعه من تقليل قيمه اليورو بنسبة 10-20% , هل تسيبراس باع لليونانيين الترماى و اشتغلهم طيب هل الناس هتوافق على كده ؟ ولا كله هيضرب فى بعضه لو تم الموافقه على طلب الاستدانه الجديد اللى فيه شروط مجحفه اكتر من اللى الناس رفضوه من 5 ايام ؟
هل تسيبراس مجرد مطيه بعد كل شىء لاصحاب البنوك ؟

المشاركة الأصلية كتبت بواسطة banzai

انا مش فاهم ايوتها حاجه

تسيبراس قدم الليله عرض جديد للمسؤلين عن منطقة اليورو euro zone للاستدانه و التقشف وصفته وكالات الانباء الاوروبيه بانه استسلام تام لليورو زون
امال كنت بتعمل استفتاء ليه ؟ و كمان مهو اليونانيين رفضوا اى استدانه جديده فى الاستفتاء ده بنسبة 61% هتواجههم ازاى ؟
طيب انت مدفعتش القديم ازاى بتوع اليورو زون هيوافقوا على الجديد ؟
هل دى اشتغاله للاوروبيين لحد ما الدرخمه تنزل فى نظام الصرف فى اوروبا و ما يتبعه من تقليل قيمه اليورو بنسبة 10-20% , هل تسيبراس باع لليونانيين الترماى و اشتغلهم طيب هل الناس هتوافق على كده ؟ ولا كله هيضرب فى بعضه لو تم الموافقه على طلب الاستدانه الجديد اللى فيه شروط مجحفه اكتر من اللى الناس رفضوه من 5 ايام ؟
هل تسيبراس مجرد مطيه بعد كل شىء لاصحاب البنوك ؟

الموضوع كله ان القياده اليونانيه ضهرها للحيطه تخيل ان دوله مستلفه من الاتحاد الاوروبي ومش بس الاتحاد الاوروبي ككيات لا وبنوك كبيره داخل الاتحاد الاوروبي وخارجه ومنظمات دوليه وشويه دول تانيه تخيل كل الديون دى وكمان مفيش انتاج اليونان دوله انتاجها ضعيف جدا والسياحه عندهم كانت بتجيب شويه دخل اتضربت وممعهاش تسد ولا مليم
كل اللى فات ده بيمثل موضوع الديون الخارجيه وكمان البلد عليها دين داخللى للبنوك جوه البلد كل ده فيما يخص الديون طيب هما قالوا مش دافعين والشعب قرر انه مش عايز قروض ومش حيسد القديم يعنى من الاخر اعلان رسمي بافلاس الدوله "فى حاله الافراد اللى بيحصل ان الدائن بيحجز على ممتلكات المدين ولكن فى حاله الدول ده صعب يحصل " وافلاس الدوله معناه ان الديانه يخبطوا راسهم فى الحيط طيب اذا افترضنا "وده مجرد فرض" ان الديانه سكتوا
عندك مشكله تسيبراس فى الشعب اللى عايز يعيش ده مش محتاج فلوس ياكل ويشرب وكهرباء وميه ومرتبات وغيره وغيره "كل ده بدون تقشف لان الشعب رفض التقشف" يعنى من الاخر تخيل واحد عنده اولاد واسره ومعندوش حد بيشتغل فى البيت غير ابنه الصغير ويا دوب بيجيب الاكل بتاع البيت ومفيش اى مصدر دخل تانى واستلف من طوب الارض ومش عايز يسد وبيقول لعياله عايزين نعيش على قدنا علشان نقدر ناكل ونسد اللى علينا العيال رفضت وبيطالبوه بمصروفهم كمان حيتصرف ازاى غير انه يستسمح اللى استلف منهم وبلطج عليهم انهم يدوه علشان يأكل بيته ويكمل لحد ميلاقى حل

هى دى حاله اى قياده حتمسك اليونان دلوقتى سواء تسيبراس او غيره بلد شبه معدومه الايرادات وعليها مصروفات للشعب حيجيب منين وميقدرش يستلف علشان مسددش القديم ومش عايز يطبق خطه تقشف الديانه علشان الشعب شايف انه مش مطالب يتحمل قروض مستفادش بيها ولما تعرف نسبه الفساد فى اليونان تعرف ان علشان تحول البلد من استهلاكيه لمنتجه علشان البلد تقدر تكمل محتاج معجزه فى زمن انتهت فيه المعجزات يبقى الحل ايه ؟؟؟؟؟؟


تعالى بقى لوضع الاتحاد الاوروبي الناس دى بقى فى موقف منيل بنيله يمكن اكتر من اليونان ليه بقى اقولك انا تخيل ان اليونان استمرت معاهم والاتحاد فضل قائم اللى حيحصل ان اليونان حتطلب مساعدات تانى والاتحاد مضطر يديهم فلوس تانى وهم عارفين ان اليونان مش حتسددها ولا فى يوم من الايام حتبطل تستلف يعنى اتب فى ظهر الاتحاد متعب ولا فائده منه
لو الوضع وقف على كده نقول تمام ونتحمله انما المشكله ان عندك كمان على الاقل 3-4 دول داخل الاتحاد وضعها اما مقارب او على وشك انه يكون شبه وضع اليونان زى مين زى ايطاليا واسبانيا والبرتغال "وكان فى انفوجرافيك ححاول اجيبه بيوضح وضعهم" المهم تخيل الناس دى لو اليونان فضلت تسحب ومتسددش من الاتحاد وضع شعوب الدول دى ايه لما تلاقى اكتر من 1/3 ميزانيتها رايح على سداد القروض واكتر من 1/3 ايراداتها قروض جديده اكيد حيعملوا نفس اللى حصل فى اليونان ادى كمان 3 اتب فى ظهر الاتحاد الاوروبي تخيل بقى 4 بلدان عايشه سفلقه على قفا الاتحاد اللى هو من الاخر حيبقى المانيا لا وكمان حيبقوا مضطرين يدفعوا ديون اليونان للبنوك المحليه علشان متتقفلش" زى معملت امريكا فى ازمه العقارات "تخيل انت رد فعل الالمان ايه غير كلام ابيح ونقلب الطرابيزه وده طبعا فى حاله استمر الوضع كده وده صعب

طيب تخيل بقى الاتحاد اتفك واليونان اعلنت افلاسها كل دوله علشان ترجع تعمل عمله جديده وتطبق نظم جديده فى التعامل حتأثر كتير على المستوى الاقتصادى ليهم وكمان كل الدول اللى مستلفه من الاتحاد فلوس او مجمده يورو مش حيسكتوا والموضوع مش حيبقى بالساهل كده وده برضه قرار مش سهل
يعنى الموضوع معقد تعقيده اى خيار فيها فى خساره على الاتحاد ككل .

انا متخيل ان تسيبراس لو بأيده دلوقتى يهاجر استراليا ويعتزل العمل العام لانه اى اختيار حياخده مش حيعجب الشعب استلف علشان ياكلهم حيبقى ضد الاراده الشعبيه مستلفش الشعب مش حيلاقى ياكل وحيتقال عليه كل الصفات اللى ممكن تتقال فى رئيس دوله عالم تالت فى اقاصي الارض علشان كده هوه شغال مفاوضات لعله يلاقى حل وسط ولو عمل كده "وانا اشك انه يعرف " يبقى معلم كبير .

فى انتظار الايام القادمه اللى دايما لما بنستناها بنلاقى حاجات مبتخطرش على بالنا بتحصل واظن مزيد من التسويف والتسويف الى النهايه السوداء المحتومه .
تحياتى .

وده الانفوجراف بتاع شبكه rt عن ديون بعض دول الاتحاد الاوروبى

المشاركة الأصلية كتبت بواسطة eslamrace

وده الانفوجراف بتاع شبكه rt عن ديون بعض دول الاتحاد الاوروبى

شايف اسبانيا و ايطاليا عليهم كام
و من ناحيه تانيه فى حرب مستعره شغاله بين امريكا و الصين دلوقتى فى الاول كنا بنقول الاسواق الماليه دى اشتغاله بس على المستخبى , دلوقتى بقت على عينك يا تاجر
امريكا بقالها اسبوعين بتضرب سوق المال الصينى خسرتهم 3 تريليون دولار فى 15 يوم متخيل الرقم كان فى مدبحه فى سوق هونج كونج و شنغهاى من يومين
بيحاربو اليوان جامد الايام دى هل لانهم مش عايزينه يدخل سلة عملات صندوق النقد المدعم للعمله اللى فى سبيل اصدارها , لان ده كارثه على البترودولار , ولا كمان علشان يضمنوا عدم وجود انقاذ من البريكس لليونان
الصين طبعا مسكتتش راحت عامله حركة بيع مهوله فى سوق نيويورك مهو انت لو فلوسك بتخلص بتجمع من اللى انت مسلفهم , بس الامريكان مسكتوش هما كمان قالك طيب وقفلنا بقى سوق نيويورك و مفيش بيع
من الاخر فيه هجمات الكترونيه عليها و مش هنقدر نفتحها فى اطول مده يقفل فيها سوق نيويورك منذ افتتاحها
اللى هيا عندها بدل الباك اب سوفت وير الف باك اب
قفلت اسواق امريكا من هنا فتحت اسواق الصين من هنا هيخسروا الجلد و السقط , راحت الحكومه الصينيه قالتلك اللى هيبيع هيتحبس محدش بايع الا بعد 6 شهور لينهى سوق اموال شنغهاى و هونج كونج اليوم فى اللون الاخضر انا كنت متابع تلاقى مؤشر شنغهاى و هانج سنج -400 بعديها ب 30 ثانيه بقى +650 الكلام ده موجود فى توم و جيرى فقط
مساااااااخر
فى ناس امريكان قالتلك لو سوق مال الصين وقع انا هنتحر ناس كتير كانت على اعصابها امبارح
ده غير ترقب الاوروبيين ليوم الاتنين القادم و فتح بورصات اوروبا و ما تسفر عنه احداث اليونان
الاسابيع اللى جايه دى هيبقى فيها ضحك للصبح بس المؤشرات غير مطمئنه , الضرب تحت و فوق الحزام ده هيوصل لايه ؟!