توكيل بيجو اتصل بى من 10 دقائق لأن فيه عربية 508 محجوزة بأسمى جاهزة للأستلام المشكلة انى كنت طالب لون اسود هم قالو لى اللون هو فيرانى رمادى غامق و قريب من الاسود انا قلت لهم هروح بكره اشوف العربية ....بس مش عارف ايه اللون الفيرانى الرمادى الغامق ؟ و بكره هقرر استلم العربية و خلاص و لأ اقولهم انا طلبت الاسود و ده بيأخذ وقت اطول فى التسليم ...المهم قبل ما اروح بكرة عاوز اكون فكرة كويسة من دلوقت و شبه اكون اتخذت قرار لأنى واثق لو استنيت لبكرة اول ما هشوف العربية هخذها فورا ياريت لو فيه صورة كمان للون الفيرانى الرمادى الغامق ده يبقى كتر خيركم الموضوع مكنش على بالى لحد المكالمة اللى جت لى.