الموضوع: ثقافة الشعب المصري في إختيار سياراته

المشاركة الأصلية كتبت بواسطة john youssef

تعالوا نشوفها بطريقة تانية
انا ايه اللى يخلينى اشترى عربية مرسيدس ولا بى ام ولا اى حاجة من الغالى دا فى شوارعنا البايظة
احتمالات التصادم عالية جدا نتيجة سوء التخطيط لكثير من الطرق و اخطاء نسبة كبيرة من السائقين بالاضافة لرعونة سائقى الميكروباصات و التوكتوك و فتونة سائقى النقل
انا اصلا 95 % من قيادتى اقل من سرعة 100 كيلو/ساعة يبقى ايه لزمته السيارة الغالية

انا بأمكانى اشترى سيارة و اتنين بى ام او مرسيدس من اعلى الفئات بينما سيارتى الحالية ب 60 الف و تفى بالغرض.. و عمرى ما ادفع مبلغ فوق ال 100 الف فى سيارة ... ليه
لان تمنها هيقل مع الوقت و ابقى غبى لانى بضيع فلوسى
السيارات المحترمة يا اخوتى فى بلدنا غالية جدا جدا و الغلو فى السعر لا يناظر قيمتها الفعلية بالمرة
اشترى شقة افضل بعد سنة واحدة اكسب فيها مبلغ و قدره
و كل ما اصبر عليها كل ما سعرها يزيد و اكسب فيها
باعتبره تبذير شديد انى اشترى فى بلدنا و شوارعها سيارة ب ربع مليون او نص مليون
نظرية اقتصادية فاشلة تماما

برضه كلامك بيصب في بند ..أو بيقع تحت بند ..الحالة الإقتصاديه العامه ..سواء لينا أو للبلد

فعلا تلاقى شخص على سبيل المثال طول الشهر مشوارة من الشغل الى السكن الى مشوار خفيف يوم الاجازة مثلا يشترى شوية طلبات ومعظم المشاوير داخل البلد ومشوار او اتثنين طول العام سفر الى المصيف كمثال
فمن التبذير انه يشترى سيارة غالية وبها وسائل امان وسيفتى بالشئ الفلانى لانها تسير على سرعات 200 كم
بينما هو يسير اقصى سرعة 90كم طوال العام