الموضوع: لادا جرانتا ...نتوكل على الله ولا ننتظر !!!!!

المشاركة الأصلية كتبت بواسطة svneleven

مكتوب في البروشور atm يعني اعتقد اختصار automatic يعني فتيس عادي.
عاوز أقول حاجة تاني ان ضمان بي ام دابليو سنتين بردو لكن بدون حد اقصي لل كيلومترات.

automated manual transmission

شكلها لايوحي بقوة الروس كانوا المفروض يعملوا حاجه شبيهه بالرنجلر الأمريكي بس تكون إقتصادية
أو كان الأمل يجيبب نيفا أوربان لإن السيارات الروسية في مصر اللي بيجيبها عشان الشاسيه القوي والعفشة القوية بس مش أكتر

لو حد اشترى العربية يقولنا رأيه فيها إيه

المشاركة الأصلية كتبت بواسطة kokololososo

شكلها لايوحي بقوة الروس كانوا المفروض يعملوا حاجه شبيهه بالرنجلر الأمريكي بس تكون إقتصادية
أو كان الأمل يجيبب نيفا أوربان لإن السيارات الروسية في مصر اللي بيجيبها عشان الشاسيه القوي والعفشة القوية بس مش أكتر

هي النسخة الروسية من رينو لوجان ..... بالفكر الروسي اقوى بكتير من اللوجان
دا غير انها بديل ال 2107 و 2105 بتتصنع على نفس الخطوط
سيارة عامة الشعب ارخص سيدان في روسيا (كلام من على الفيس بوك)(احد ملاك السيارة قدم شكوى في شركة الامل بسبب الضمان العرة بتاعهم ......... و كانت رد لادا روسيا هو التعجب من تصرف الامل و اكدوا انهم بيسيبوا هامش ربح ممتاز جدا للموزعين خارج روسيا للاهتمام بخدمة ما بعد البيع و لان سياسة الشركةهي التوسع في التصدير )

و الروس بيعتبروا جرانتا هي اسرع عربية سيدان عملتها لادا في تاريخها
جرانتا من 88 حصان و تقريبا 109 حصان و 120 حصان

لادا كالينا اسرع هاتش باك 1.6 120 حصان و 140 حصان

المشاركة الأصلية كتبت بواسطة Omar Sarray

العربيه من رغم شكل جديد كليا الا انها م حتنجح كمان لعده اسباب

قوتها 105 حصان
106 حصان
اتوماتك ب4 سرعات
الفتيس مانيوال مبرمج 5 سرعات amt
من شركة الالمانية
شاشه عاديه جدا مفهاش معلومات كتير اصلا
العدادت من سنه 90 مفهاش حاجه متطوره
العربيه من جوا مش مصفحه
مفهاش ليد ولا فتحه سقف
وفيها 2 سنسور بارك نقطتين ورا بس مش اربعه
مفهاش ريموت مفتاح عادى
مفهاش كراسى جلد
العربيه مش متطوره دى متصنعه للفقراء الى معندوش فلوس يدفع كتير
فعلا هى سيارة الفقراء الفة الاولى بعد ما تخرج من الجمارك بتوقف على الامل باقل من 58 و الامل بتكس فيها17 الف
مجرد تغيير شكل لا اكتر ولا اقل

أنا جيبت المانيوال وماشية معايا 400كيلو
تقييمى للعربية .
1-هتحتاج كاسيت وسماعات ف حدود قدرتك الشخصية.
2-هتحتاج فرش جلد للحفاظ على الفرش الفبريكا من البهدله.
3- هتحتاج تركب إنذار للعربية أو وحدة رفع إنما هى فيها سنتر .
تم شراء الإحتياجات سابقة الذكر للسيارة 350فرش +إنذار ووحدة رفع 365+كاسيت وسماعات ستى ساوند 280
الإجمالى هو 995 أما الغطا والشماسة والطاسات (قوية جداً على فكره) بتستلمها من المعرض. بدون تكاليف إضافيه.
تكلفة السيارة 75ألف+الترخيص+الإكسسوار السابقة ذكره+طقم دواسات مطر= 77500جنية.
السيارة محركها 88 حصان للمانوال والنقلات 5 .
الدبرياج ممتاز جداً والفتيس ناعم مش خشن وكذلك الداش بورد أو لوحة العدادات بها كافة القراءات التى تحتاجها كسائق ومضاف إليه بيان حالة النقلة (سهم لأعلى فى حاله وصول الRPM ألى 3 والعكس ).
التكييف صوته يكاد يكون منعدم و4 درجات أقلها بارد بشكل معقول والسربنتينه لها مروحة خاصة .
الفرامل حاضرة جداً والنسخة الأتوماتك بها ABS ولكن الفرامل بشكل عام جيدة.
الهيكل الخارجى شكله مقبول وحجم الشنطه عالى بالنسبة للوجان (أزيد من اللوجان ب50لتر تقريباً)
العفشه يجب تجربتها بنفسك لانك سوف تندهش من عدم إحساسك بأى شىء بالخارج من حصو على الأرض أو نقرات بالطريق أو تكسير بسيط بالأسفلت (مقارنة بالفيرنا واللانوس).
السيارة مرتفعه عن الأرض وعلبة باور الدركسيون كهربى ومن أعلى وبالتالى سوف تشعر بسهوله حركة الدركسيون وكسر زاوية الكوبلن جيد جداً ف الركن كما الأفيو .
كهرباء السيارة بنسبة 80% أفيو بالدوائر الكهربائيه وسويتش الشنطة وخريطة توزيع الفيوزات وحساسات الكهربا أيضاً .
عزم المحرك كما ذكرت جيد بالمقارنة بوزن السيارة لذلك سوف تندهش من إستجابة السيارة للنقل اليدوى السريع (شد مع سيارة برلينس على طريق الواحاتFPV). وسيارات أخرى كثير فى نفس الفئه بمعنى المحرك 2.2RPM والغيار على الخامس والسرعه 95كم/س . ويمكن متابعة منحنى التسارع للسيارة بجهاز OBD2 للمحرك ال1600. وقياس معدل إستهلاك الوقود ولو إنى أرجح تأجيل ذلك لبعد صيانة ال1000 كيلو .
الصالون جيد وليس ضيق ولكن معقول وتقييمى له مقبول من حيث الحجم ولو إن اللوجان تتفوق فى هذه النقطة ب 3سم ,
الإمكانيات الداخلية لمقصورة القيادة تتيح للسائق قيادة جيدة من حيث شكل وحجم الدركسيون وحجم مراية الصالون ومرايات الأبواب ويجب الملاحظة إنها ف النسخة المانيوال تتحرك باليد وليست كهرباء .
الزجاج الأمامى كهرباء بالمقارنة مع النسخة الأعلى ف الأربع أبواب كهرباء .
السيارة مرتفعه عن الأرض بريادة عن اللوجان وطبعاً بالمقارنة مع الفيرنا واللانوس والسينوفا وغرفة الشكمان معزوله وليست من النوع الساقط (كبالى) وبالتالى لا يحتك الشكمان وبالإضافة لوجود مصفح حماية أسفل المحرك يعزل الصوت ويحمى الكرتيرة والفتيس وغيره .
الخراره جيدة ولكن لا يجب التحدث عنها إلا بعد مراجعه ال1000كيلو لأسباب فنيه يعرفها السادة المهندسين جيداً .
هذه مراجعه مبسطة للسيارة.
هى ليست شامله بالطبع ولكن بالمقارنة مع السيارات ف السوق ورداءة التقفيل للسيارات حالياً كالأفيو واللانوس والفيرنا رغم إنها سيارات عظيمة فى وجهة نظرى إلا إن سعرها المتزايد يعتبر (بالنسبة لى شخصيا) عيب لعدم قدرتى على شراء سيارة يصل سعرها أعلى من الروسى تجميع روسى إلى 10ألاف جنية فرق سعر فاضية ..(حط سعر للجنوط وغيره لو مش ناوى تجيبها فاضيه).
رابط مقارنة بين اللوجان والجرانتا
فى حالة نقل الموضوع برجاء ذكر إسم المصدر لأن هذا الموقع له الفضل بعد الله سبحانه وتعالى على .