الموضوع: لادا جرانتا ...نتوكل على الله ولا ننتظر !!!!!

هي العربية نزلت أصلاً ؟!
أعتقد العربية محدش لسة جربها أو سمع عنها حاجة

العربية نزلت وناس استلمتها فعلا من حوالى يومين وبيشكروا فيها،بس التوكيل سىء جدا وبيتعاملوا مع الناس بعجرفه شديده،ده غير ان الريموتات متلخبطه والطاسات فيه منها مش موجود،المانوال 75 الف والاوتو فول اوبشن 92 واحتمال كبير سعرهم يزيد عشان الدولار

المشاركة الأصلية كتبت بواسطة ahmscu

العربية نزلت وناس استلمتها فعلا من حوالى يومين وبيشكروا فيها،بس التوكيل سىء جدا وبيتعاملوا مع الناس بعجرفه شديده،ده غير ان الريموتات متلخبطه والطاسات فيه منها مش موجود،المانوال 75 الف والاوتو فول اوبشن 92 واحتمال كبير سعرهم يزيد عشان الدولار

فين الSpecifications الكاملة ليها ؟!

واضح انه الدنيا معكوكه فعلا
وواضح انه الوكيل هيضيعها تماما ,,
منتظر رائى الخبراء فى تقييم الموتور والفيتيس والعفشة عشان طرقنا الجميلة الناعمه :)

http://www.nilemotors.net/Nile/465383-a.html

اتفرج على اللينك دا و اعرف شوية معلومات حلوة

باختصار كدا لادا جرانتا هي الاعلى مبيعا فى روسيا لان الروس استبدلوا خطوط ال 2107 و 2105 بجرانتا

ارخص سيارة سيدان فى روسيا تباع فى روسيا بما يعادل 46000 جنينه مصري

شاسيه و موتور و فتيس تكنولوجيا رينو صناعة روسي (تعتبر نسخة من لوجان تقريبا )

جرانتا الاعلى مبيعا فى روسيا لانها رخيصة جدا .... هي سيارة فقراء روسيا
و على فكرة روسيا بتصنع لوجان و الروسي اللى ما يقدرش يشتري لوجان المصنعة فى مصانع رينو فى روسيا بيشتري جرانتا المصنعة فى مصانع لادا.


لكن طبعا الامل فضلت تاخر في نزول السيارة لحد ما الدولار ارتفع ارتفاع طفيف ..... و كان السبب في زيادة سعر جرانتا هو ارتفاع الدولار
رغم ان الامل وعدت ان سعر جرانتا حيكون 75 لاعلى فئة
انا عارف ان بعض الخبراء حيهاجموا كلامي بحجة الجمارك و الضرائب و الدولار.
و انا قلت قبل كدا يا جماعة لادا = ارخص سعر شراء و قطع غيار و صيانة
لادا بتصنع و مش بطور .... اخدت تكنولوجيا رينو في مقابل شراء رينو لافتوفاز
فسيارات لادا رخيصة لانها مش بتصرف لا على تطوير ولا دعاية
سعر 46 الف جنيه اللى بيشتري بيهم الروسي بيشمل نسبة مكسب المصنع و المعرض البائع فاكيد الامل بتاخد جرانتا من روسيا باقل من 40 الف جنيه .
الامل قالت بدل المرة الف مرة ان الشحنة جاية في الطريق قبل ارتفاع الدولار و وعدت اخر مرة بانها تكون في المعارض 26/6 و لكن هما بيعلبوا بالناس و بيستغلوا الاحداث ..... و ماحدش يقولي دي تجارة و كدا شطارة ..... هحقولك بكل ثقة الاستغلال دا سرقة و نصب .

دا غير طبعا الاتفاقات الاقتصادية مع روسيا اللى الامل حتستغلها اكيد .

http://www.nilemotors.net/Nile/46538...post3875935177

لادا جرانتا تباع في المانيا (سعر ربحي يشمل ربح مصنع لادا فى روسيا و معرض البيع في المانيا و يشمل ايضا رسوم النقل و الجمارك و الضرائب ) بسعر 6750 يورو بما يعادل 58 الف جنيه مصري (و اكيد المنيا مش عبيطة علشان ما يكونش عندها جمارك و ضاريب تحمي صناعتهم الوطنية علشان ما حدش يقول مفيش رسوم )

انا بصراحة شايف النسخة الأوتوماتيكية سعرها علي الامكانيات دي مغري جدااااا...... اللوجان بقت غالية جدااا والاوفربرايس بتاعها زاد اوي......
العربية الاوتوو بس خايف من الفيس ال Amt مش عارف مجابوش نسخة اوتو عادي ليه.......بس فيها اوبشنز عمري ما اصدق انها ممكن تبقي موجودة في لادا........
(حساسات ركن.... حساسات مطر.... شاشات تاتش.....Abs.......جنوط المونيوم....... ايرباج...... فوانيس شبورة)
بفكر فيها جديا لان البدائل الموجودة بنفس السعر عربيات صيني زي BYD و سينوفا..... هل العربية دي هتبقى صفقة رابحة ولا هتبقى كارثة زي اللي اشتري الكالينا واختفت.؟؟