يا جماعه اللي متابعني يعرف اني كنت داخل علي موضوع خطوبه المهم لما قابلنا انسان استغربنا من انهم اتناقشوا في نقطتين انا عرضت شبكه 20 الف و ابو العروسه عمال يقول طب لو تزيد شويه
فقولنا لا هما 20 علشان ميبقاش في اختلاف
تاني نقطه هو المؤخر انا عرضت 10 الاف و الراجل عايز 20 الف بصراحه انا استغربت يا جدعان
مكنتش متوقع كده خالص
و اتفقنا انهم يفكروا و يردوا علينا
اول سؤال هسأله
هو الشبكه ال 20 الف قليله
ثاني حاجه هو في فصال في المؤخر
مع العلم اننا لما زرناهم لقناهم ناس اقل من العادي يعني احنا جنبهم نعتبر ناس مرتاحه من حيث فرش بيتنا و كده انا قولت المعلومه دي علشان الناس لا تتخيل انهم اعلي مننا ماديا او ناس غنيه فبالتالي مش عاجبهم
علي كل الاحوال هما لسه هيردوا علينا بس انا مش عارف المؤشرات دي تطمن و لا تقلق