الموضوع: الموخر و الشبكه

اخر تحديث النهارده البنت فضلت تكلمني طول اليوم علي الفايبر و تقولي انا في صفك و كده و ان احنا الشقه احنا فهمنا من مكانكم انها ممكن تتغير و ميبقاش عندكم مانع رغم ان والدي اكد في اخر القعده ان الشقه هتبقي في المكان البعيد
المهم بعد الظهر الكلام اتغير و قالتلي ده بابا فاكر انكم فاهمين ان السكن في المكان البعيد مقبول مننا و اننا طلبنا ان المحاوله بتاعه تغيير المكان بشقه قريبه تعملوها و لو حابب بابا يكلمك يقولك او يكلم والدك مفيش مانع علشان يشيل سوء التفاهم
قولتلها مفيش داعي و كانت نيتي اني اتكلم مع والدي و اكلمهم اقولهم اخر كلام عننا الشقه البعيده
المهم لقيتها بعد الفطار بتقولي بابا عايز يكلم والدلك قولتلها لسه بيفطر و هكلمه وارد عليكي يتصل بيه و لا لأ
من غير ما تستني ردي الراجل اتصل و قال انا لوالدي انا عايز اشرب قهوه معاك في البيت
و لما جه قال انا جي اوضح سوء التفاهم وان مراته لما كلمت امي كان قصدها ان المكان البعيد مش مرفوض بس نحاول في المكان القريب للشقه بس والدتي مدتهاش فرصه توضح لها
و ده مش صحيح لان والدتي طيبه جدا و علي نيتها و من الاخر متعرف تقطع كلام حد
المهم الراجل قعد قعدتها و قولنا له هنبقي نرد عليك
الشواهد ا ن الكلام اتغير من امبارح للنهارده و ان كلام البنت كله امبارح كان عن الموضوع مش متاخ فيه الشقه البعيده رغم ا نها راضيه بيها
و بعدين اتغير الكلام زي ما شرحت
دلوقت انا صراحه صعبان عليا كسره الراجل لما جه و صعبانه عليا البنت بس شايف ان الناس دي مش ماشيه في خط مستقيم و شغاله بنظام تطلب الحاجه وافقت ماشي موافقتش يعدلوا كلامهم علشان متهربش منهم
و حاسس اني لو اقدمت علي قرايه فتحه او خطوبه هلاقي نفسي عيني في وسط راسي و داخل متحفز و بدور علي الغلط من جنبهم
علشان الموقف السئ السابق
زي ما ذكرت انا البنت عجباني و مرتاح لها
بس اهلها و خصوصا امها وواضح انها متحكمه و هتبقي مصدر مشاكل
و علي فكره ابوها من ا لواضح انه طيب جدا
محتاج نصايحكم
و مستعد اجاوب علي اي سؤال

استخير ربنا وتوكل على الله
ناس طيبين وعندهم شوية امنيات مقبولة لكن مش عارفين يطلبوها صح
وملهمش في اللف والدوران بجد
الناس الطيبة اللي زي ده ممكن يطلع منهم حاجات غلط لكن بدون قصد
وده اللي حصل معاك وبيحصل كتير مع ناس تانية
اللي حاولوا ينفروك من العروسة واهلها في الموضوع هنا ربنا يسامحهم
استخير ربنا وتوكل على الله
المهم تكون اخترت العروسة صح وتكون على خلق ودين وطيبة ومش عندية وقنوعة
واهلها سمعتهم كويسة وصوتهم مش عالي في الخلافات

وعشان أكون واضح اكتر
الموضوع من اوله لاخره مفيهوش حرف واحد يخليك تفرط في الناس الطيبة ده
هل ممكن يكون فيه أسباب تانية تخليك تفشكل لا قدر الله ؟
اه ممكن بس حضرتك مذكرتش الأسباب ده في الموضوع

انا شايف الناس شاريه و شايفك محبكها شويتين
البنت شاريه و الراجل شارى
يا راجل يا طيب ابوووووها يجيلك لغاية البيت؟!
دا انا اتقدمت لواحده مكنتش عارف عنوانها و واقف فى الشارع مستنى ابوها يجيلى ياخدنى
ابوها رفض ينزل من العربية --لازم اروح لغاية حضرته و حضرته راكب العربية

من الاخر الناس دى شاريه
مسألة الاخلاق مش عندى اعتراض غير انها بتكلمك
الاخلاق هتبان بعدين
و هتعرف مدى سيطرة الام على بنتها
انا كمان حتى الان مش شايف الام متحكمة-بدليل ان الراجل ابوها هو المتصدر -حتى لو بايعاز من الست

كللللللللللللل الامهات عاوزه بناتها تسكن جنبها

و حاسس اني لو اقدمت علي قرايه فتحه او خطوبه هلاقي نفسي عيني في وسط راسي و داخل متحفز و بدور علي الغلط من جنبهم

الخطوبة لا جواز و لا الزام ادخل فى الخطوبة و ستتضح لك الاشياء
هو كده الجواز-خطوة بعد خطوة يا توصل لحارة سد يا توصل للمأذون

قدر الله و ما شاء فعل صليت استخاره و لاقيت نفسي مش مرتاح اني ا كمل نتيجه ا لاسلوب اللي كان في تغيير كلام رغم ان الكلام كان مثبت بيني و بين البنت علي الفايبر بأن والدها رفض موضوع الشقه و ده اللي مامتها قالته و رجع الراجل لما جالنا يقول ان والدتي هي اللي فهمت غلط مدتش من ام العروسه فرصه تفهم الصح و ده مش صح
عموما انا حبيت اشكر كل واحد من الناس اللي هنا اللي ساعدت بأي رأي او نصيحه
و اكيد هو نصيب و مكتوب في الاخر