فتيس الكروز ٢٠١٥ !!!!

**karimelnagar** · 14-07-2015 09:23 PM

انا حجزت امبارح كروز ٢٠١٥والمفروض اني اروح بكره الصبح اخلص الورق .. عشان كده عايز مساعدتكم بخصوص فتيس الكروز ..
اولا انا معايا حاليا اكسنت ار بي .. ومع الفارق طبعا بينها وبين الكروز الا ان انها بقالها معايا ٣ سنين مغيرتش فيهم الا الزيت والفلتر بسسسسسس
زمان كنت بسمع كلمة اعتماديه ومكنتش بديها اهتمام لكن بعد ماقريت كذا موضوع هنا عن فتيس الكروز عرفت يعني ايه اعتماديه
من شويه دخلت علي كذا موضوع بيتكلموا عن تغيير زيت الفتيس للكروز واتصدمت بصراحه

ايه كميه العربيات اللي جابت فتيس دي ؟ فين الاعتماديه بتاعة العربيه ياجماعه؟
وليه كل التعب ده عشان اغير زيت لعربيتي؟
هو الواحد فاضي ولا فيه دماغ عشان اقعد ادور علي زيت معين ومواصفات معينه واخده اروح بيه للتوكيل؟
امال دور الاستاذ توكيل ايه لامؤاخذه؟ هو للدرجادي منصور ده سيء؟
وبعدين مش فاهم ازاي عربيه محترمه عشان اغيرلها زيت اشتري ضعف الكمية واغيره علي مرتين؟ ايه الفلوس اللي بتترمي عالارض دي؟

هو عشان اركب كروز اتعب التعب ده كله؟
محتاج نصيحه صادقه .. اجيب الكروز ولا هتتعبني؟ وياريت الساده الملاك يقولولي عربياتهم اكبر رقم الكروز عملته من غير ماتغير فتيس او موتور او كمبيوتر..

**adorehearts** · 14-07-2015 09:31 PM

اعتقد ان المشكلة انحلت من زمان وغيرو الموتور وخلوه بتاع اوبل استرا

**adorehearts** · 14-07-2015 09:40 PM

الموضوع ده ممكن يفيدك اكتر http://www.nilemotors.net/Nile/449498-a.html

**karimelnagar** · 14-07-2015 10:04 PM

المشاركة الأصلية كتبت بواسطة adorehearts

اعتقد ان المشكلة انحلت من زمان وغيرو الموتور وخلوه بتاع اوبل استرا

مانا كنت فاكر المشكله اتحلت لقيت الموضوع اللي في اللينك اللي فوق ده تاريخه قريب اوي وبيتكلم عن موديلات ٢٠١٥ و ٢٠١٤ .. ياريت حد يفيدنا

**karimelnagar** · 14-07-2015 10:05 PM

المشاركة الأصلية كتبت بواسطة adorehearts

الموضوع ده ممكن يفيدك اكتر http://www.nilemotors.net/nile/449498-a.html

مانا قريته بالكامل وهو ده اللي قلقني

**ashouhdy** · 14-07-2015 10:42 PM

انت قلقان لية , مفيش عربية من 2014 حصلها حاجة

والزيت اطلب تغييرة في التوكيل كل 30الف

هما اتغيروا كتير بعد ما عملنا شكاوى واتقابلنا معاهم

الكلام دة وقائي ليس اكثر , وكل التجارب اللى في البوست دى موديلات قديمة 2012 و 2011

**medosalah** · 16-07-2015 03:49 AM

العربيه دي عمي كمان حاجزها وكنت المفروض اسلمها النهارده بس لسه اجراءات البنك والتقسيط هتخليني مش هعىرف اسلم الا بعد العيد

كلامكم ده قلقني جدا وبفكر ارجع في كلامي واسحب المقدم

انا كنت فاكر ان الموديلات الجديده تلافت مشكله الفتيس

يا ريت يا جماعه وبكل حياديه تنصحوني . اكمل واستلم بعد العيد ولا اسحب المقدم واجيب سيراتو

**mody1221** · 18-07-2015 12:19 PM

مع كامل احترامى للكروز لو حضرتك عايز حاجة اعتمادية وفلوسك تبقى زى ماهى لو حبيت تبيع ف اى وقت تلاقي فلوسك ولو مش بتاع لف ودوران على قطع غيار ولو بتحب تتجنب اى مشاكل طارئة نظرا لمشاكل الفتيس او بتحب الاعتمادية بمعنى اصح
يبقى خليك ف اليابانى وابعد عن الكروز
العربية دى معايا حاسس انها عربية انت تخدمها مش عربية لخدمتك انت او عايزة حد يكون فاضيلها لا شغلة ولا مشغلة غير العربية .. يعنى من الاخر مش بتاعة شقى اللانسر كنت اخدها فحت وردم ولا كنت بدفع جنى غير صيانتها الدورية ,, الكروز بقى عايزة تخش صيانة كل 5000 وماتسألش ازاى دة من بق مهندس التوكيل دة غير ان استهلاكها للبنزين عااااااالى ودة برضة من بق مهندس الاستقبال ف التوكيل دة غير انها بتسخن او بتطلع صهد من تحت غير العربيات كلها ,مشاكل ف الفتيس , معقدة مفيش اى حد حيعرف يعمل حاجة فيها غير التوكيل
دة رأى ف العربية مش اكتر وكامل احترامى طبعا لملاك الكروز عشان محدش يضايق من كلامى .

**ashouhdy** · 21-07-2015 06:14 PM

العربية ذى الفل واتغيرت تماما عن الموديلات القديمة وملاكها طايريين بيها وادخلوا الجروب بتاعهم اسألوا بالنسبة للاخ ميدو اللي بيقارن بينها وبين البومة العربية دي بتاعت ركيبة اللى بيفكر ذيك يركب هونضاى تودية وتجيبوا

الموضوع: فتيس الكروز ٢٠١٥ !!!!

LinkBack

أدوات الموضوع

عرض

-

-

-

-

المواضيع المتشابهه

فتيس ليون ٢٠١٥

محتار بين لانسر ٢٠١٥ و سكودا رابيد ٢٠١٥ و سيات توليدو ٢٠١٥

فتيس كورولا ٢٠١٥

ايهم افضل نيسان قاشقاى ٢٠١٥ ام كيا اسبورتاج ٢٠١٥ ام هيونداى اى اكس ٣٥ ٢٠١٥

الكروز جابت فتيس عايز ابيعها و لا اصلح و اجيبلها فتيس ولا اقلبها مانيوال

الكلمات الدلالية لهذا الموضوع

المفضلات

المفضلات

ضوابط المشاركة