شكرا جزيلا يادكتورة على هذا الكم من المشاعر الانسانية التى اثرت فى اروحنا و نطلب اليك الا تتوقفى عن هذا الموضوع - وجزاك الله خيرا على التذكرة و النصيحة و تقبل الله منا اجمعين .
عرض للطباعة
شكرا جزيلا يادكتورة على هذا الكم من المشاعر الانسانية التى اثرت فى اروحنا و نطلب اليك الا تتوقفى عن هذا الموضوع - وجزاك الله خيرا على التذكرة و النصيحة و تقبل الله منا اجمعين .
[align=center]:k10:الحكاية الثانية و العشرون:k10:
بما اننا رجعنا لجو العيادات تعالوا نحكى حكاية النهاردة عن موقف بيحصلى كتير فى العيادة.
بما انى مُعيدة فى الجامعة و المادة بتاعتى اكلينكية زى ما قلت قبل كدة فبروح أيام مُعينة فى الأسبوع اشراف على أطباء الامتياز و ساعات كتير ممكن أروح أيام غير أيامى و أحكيلكم على موقف حصلى قريب و الموقف ده بيحصلى كتير أوى.
كنت مرة نازلة العيادة عشان مدية ميعاد مريض خاص برسالة الماجستير بتاعتى و المريض اتصل بيا و اعتذر و قلت فى نفسى ( يا سبحان الله أنا نزلت من بيتى على الفاضى) المهم و أنا بلم فى حاجتى لقيت سيدة فى الأربعينات من عمرها و معها ولدين و قالتلى : أنا عايزة طبيب مُتخصص.قلتلها: خير ان شاء الله
قالتلى: أنا اكتشفت ان عندى سرطان فى الجيوب الأنفية من شهرين و كان بقالى فترة بتعالج علاج اشعاعى و دلوقتى انتهيت منه لكن بقى وجعنى و مش طايقاه و عايزة طبيب مُتخصص يشوفنى ( أنا مش عايزة أقولكم ان هو ده بالظبط التخصص بتاعى و اليوم ده ماكنش فيه حد فى القسم غيرى)
المهم كشفت عليها و طبعاً ماكنش ينفع أشتغل عليها لأن أى مريض بيتعالج بالعلاج الاشعاعى ماينفعش نقرب من بقه الا بعد 6 شهور من العلاج(خلى بالكم من النقطة ديه)و بالذات لو تدخل جراحى بنخاف من حاجة علمية اسمها osteoradionecrosis
أنا الموقف ده بتعرضله كتير أكون مش عايزة أنزل من البيت لسبب أو آخر و أروح الكلية و ألاقى مفيش شغل و ألاقى ناس زى ما يكونوا جايين عشانى ، أنا قعدت أتأمل فى الأمر ده و أقول : يا سبحان الله أد ايه الناس دول غاليين أوى عند ربنا انه ينزلنى من بيتى بس عشانهم.
فاكرين أما حكتيلكم حكاية جوزى فى المدينة و الروضة الشريفة ده بالظبط اللى بيحصل مع الناس الطيبيين دول ربنا سخرنى عشانهم بس أنا أما بألاقيهم بأنتهز الفرصة و أقولهم: ادعولى ان ربنا يوفقنى .
أنا خرجت من المواقف ديه ان الدنيا لسة بخير و لسة فيها ناس طيبيين أوى و ربنا بيسخرلهم خلقه عشان يخدموهم.[/align]
ما شاء الله الموضوع كل يوم يحلوا عن اللى قبله الف شكر ليكى يا دكتوره على الموضوع المتميزه
بجد الله يكرمك يا مسلمة موضوع حلو أوى و مؤثر جدا و فعلا قريت ال 14 صفحة مرة واحدة من كتر ما شدنى
وكل سنة و انتى طيبة و بألف خيرأنتى و كل الاعضاء :k10::k10::k10:
بسم الله الرحمن الرحيم
اولا كل عام واتم بخير
انا بشكرك جدا يا دكتور على هذا الموضوع الجميل ده انا مرضتش ارد الا لما اخلص الصفحات كلها فعلا دى قصص جميله بتعمل فرمله للواحد لان احيانا الواحد بتاخده الدنيا وعلى فكره انا بحب الحاجات دى اوى وعلشان كده انا بحب اقرا لعبد الوهاب مطاوع لان قصص الاخرين دى مفيده جدا