و انا مستمعة أكتر و أكتر بكل موضاعاتك الجميلة على المنتدى يا نور
عرض للطباعة
اول مرة ادخل الموضوع .. دلوقت ..
قرأت اول حكايتين .. و حكمل الباقي ان شاء الله ..
نشكر حضرتك علي الافادة
و الواحد بستمتع .. و بيتعلم في نفس الوقت ..
و دائما و ابدا.. متابع بتنسجام :)
بجد الموضوع جميل و الحكايات هايله ... متابع باهتمام ..:victory:
بما انى عكس كل البشر اللى أما يكونوا مرهقين يناموا أنا بقى مأقدرش أنام:banghead: و بما أنى صاحية و مش جايلى نوم قلت أحكيلكم حكاية النهاردة
:jiggy:الحكاية الثالثة عشر:jiggy:هنخرج النهاردة شوية من جو العيادات و المرضى و نتكلم عن حكايات لبشر آخرين
أتشرف بكونى عضوة فى جمعية خيرية أنشأتها و صديقات لى فى كفالة مجموعة من الأسر و سد حاجتهم من التموين الشهرى و العمل الخيرى ده أكثر من رائع و ده لأسباب كتيرة أوى.
أولاً:دايماً بيحسسك بكل اللى حواليك.
ثانياً:بتحس أوى بحقارة نفسك أما تلاقى واحد غلبان و مش لاقى اللقمة و بالرغم من كل دة الضحكة مش مفارقة وشه.
ثالثاً:كتير أوى بنقعد نحتاس أنا و صديقاتى و نقول مش هنلاقى فلوس تكمل التموين الشهرى و نلاقى ربنا فتحها علينا من حيث لا نحتسب فأصبح عندنا يقين تام أن الله هو الذى يرزق هذه الأسر و ما نحن الا سبب من الأسباب.
نجى لحكاية النهاردة................
أختى فى الفترة ديه كانت عايشة فى أمريكا و كان حصل لأولادها كذا مشكلة صحية فتذكرت قول رسول الله صلى الله عليه و سلم "داووا مرضاكم بالصدقة"
المهم اتصلت بيا و قالتلى :أنا عايزة أطلع مبلغ لله و خديه للأسر اللى انتى متكفلاها.
قلتلها:ماشى.
فيه أسرة من اللى أنا متكفلاها هى أم أرملة تعول ثلاثة أطفال و توفى عنها زوجها و لم يترك لها أى شئ و عايشة على حد الكفاف و بما انها انسانة مُتعففة لأقصى درجة فلا تسئل أى مخلوق أى شئ و بما انها مش قادرة تطلع تشتغل لأن واحد من عيالها مُصاب بمرض عصبى فعايز رعاية كاملة لأنه ممكن يتهور و يقوم بأشياء غريبة لدرجة انه ممكن يقتل نفسه و مش بس كدة نفس الابن يُعانى من مرض فى الكلى ، المهم قلت أنا و صديقاتى فى الجمعية هندى الفلوس للست ديه و المبلغ كان بالضبط 300 جنيه و بالفعل ادينالها الفلوس عرفنا منها بعد كدة ان الليلة اللى قبل مانديلها فيها الفلوس ابنها المريض تعب أوى و وديته للدكتور و كتبله علاج تمنه هيتكلف300 جنيه و هى بتقول : أنا قعدت طول الليل أصلى و أقول لربنا أجيب الفلوس منين .
شفتم بأه ربنا جعل أختى اللى فى أمريكا سبب ان الست ديه يجيلها علاج ابنها
شفتم بأه ربنا أد ايه كريم و يُعطى بدون حساب و خزائنه لا تنفد أبدا.
اخوانى أوصيكم و اياى بالعمل الخيرى التطوعى فوالله دعوة واحدة من هؤلاء الفقراء بالدنيا و ما فيها و لا تنسوا أن الصدقة يمحو الله بها الذنوب فاتقوا النار و لو بشق تمرة كما قال رسول الله صلى الله عليه و سلم.
بما اننا خرجنا من نطاق العيادة نكمل حياة البشر اللى برة
:jiggy:الحكاية الرابعة عشر:jiggy:
قلتلكم قبل كدة ان أنا أتشرف بكونى عضوة فى جمعية خيرية من امدادات من التموين الشهرى لأسر فقيرة مُعدمة
ساعات كنت بأروح للأسر و فيه أسرة مرة روحتلها و كانت أسرة حالتها كرب من أمراض كثيرة و فقر مُدقع و بالرغم من كل ده لقيت عائلة الأسرة و هى الأم مستقبلانى و الله و الضحكة مفارقتش وشها ، قعدت أبص حواليا هى مبسوطة ليه ديه ماعنديهاش أبسط مقومات الحياة الطبيعية ديه حالتها ضنك ، ايه الرضا الفظيع اللى على وشها ده .
حسيت أد ايه أنا حقيرة قدام الست ديه ، الواحد ربنا أنعم عليه بالكثير من النعم و بالرغم من كل ده عايشين حياتنا كلها شكوى و نقول العيشة صعبة ، اللى حواليا مش مريحينى ، الوضع كذا و كذا سلسلة مُتكررة و حلقة مُفرغة من الشكاوى و السلبيات التى تعصف بنا و لكننا نسينا أن مصدر الشكوى هو نحن و ليس ما يُحيط بنا من المشكلات و الصعاب.
الست ديه علمتنى المعنى الحقيقى للرضا اللى أما يملى القلب مفيش موضع للحزن أو الكآبة ممكن تعصف بيه.
و الرضا الحقيقى بيجى من تحقيق معنى التوكل على الله سبحانه و تعالى
و صدق رسول الله صلى الله عليه و سلم عندما قال:لو أنكم تتوكلون على الله حق توكله لرزقكم كما يرزق الطير تغدو خماصا و تروح بطانا
استكمالاً لحكايات البشر
:jiggy:الحكاية الخامسة عشر :jiggy:
حكاية النهاردة برضه عن الأسر اللى أنا دايماً بأروحلها مع صديقاتى اللى فى الجمعية اللى قولتلكم عليها.
حكايتنا النهاردة مع "الحاجة غنية" ، الحاجة ديه ست مُسنة و ساكنة فى حؤ أو مكان يدوب حد يعيش فيه توفى عنها زوجها منذ حوالى عشرين سنة و ماعنديهاش غير ابن واحد و ربته و علمته و أما ابنها كبر و اتجوز ماعرفش طريق أمه أما رحنا و زورناها كان ابنها مادخلش بيتها من عشر سنين ، هى ممكن تكون مش محتاجة مساعدة مادية أكتر من احساسها ان فيه حد بيسئل عليها و ده اللى احنا كنا بنحرص عليها كنا نروح و نقعد معاها ، كانت بتبقى طايرة من الفرحة أما نروحلها كل شهر و نقعد معاها و كانت تقول:ديه أحلى ساعة اللى بأشوفكم فيها.
قلت يا سبحان الله أد ايه ابنها ده قلبه قاسى و جاحد و عاق لأمه ، و الحاجة غنية ديه واحدة من عشرات الأمهات اللى أولادهم مش عارفين عنهم حاجة و مش عايزين يعرفوا.
أمهاتنا و آبائنا دول الجنة اللى موجودة لينا على الأرض ، برضاهم ربنا بيرضى عننا و يرزقنا ، فأوصيكم و نفسى ببر الوالدين فهما عطر الحياة و معناها الحقيقى.
استكمالاً لحكايات البشر
:hurray:الحكاية السادسة عشر:hurray:
نيجى لحكاية النهاردة تعالوا النهاردة نتكلم ً عن العلماء ( أقصد علماء الدنيا و الدين)
أنا شفت علماء كتير فى حياتى علماء فى علم دنيوى نافع و علماء دين و شريعة و خلافه من العلوم الشرعية
طلعت بخبرتى و لقائى مع العلماء بحاجتين
العالم الحق هو اللى تلاقيه حليم و مُتواضع لأقصى الحدود
و العالم الجاهل هو اللى علطول عصبى و بيزعق(بيحاول يدارى جهله بزعيقه)
و عمرى ما أنسى موقف من عالم جليل فى التخصص بتاعى فى طب الأسنان بالرغم أنه فعلاً و بدون أى تحيز أفضل دكتور طب فم و أمراض لثة فى مصر لقيته مرة بيقول على حاجة اتسأل فيها:مأعرفش.
ماتكبرش بالرغم من علمه و خبرته انه يقول (مأعرفش) الكلمة اللى كتير مننا بيخاف يقولها لأحسن يقولوا الناس عليه جاهل بالرغم ان(مأعرفش) ديه من تمام العلم لأن فوق كل ذى علم عليم.
سؤال كدة على الماشى:sweatdrop:
يا ترى فيه حد بيقرأ الحكايات ديه و لا أنا بأكتبها لنفسى:3eyes: