كفايـــــــــة حكايــات و لا نكمـــــــل:smartass::smartass::smartas s:
عرض للطباعة
كفايـــــــــة حكايــات و لا نكمـــــــل:smartass::smartass::smartas s:
طبعا نكمل هي ديه محتاجة سوال يادكتورة .. كملى الله يبارك لك .
انتى جايه بعد ماشوقتينا تقولى نكمل ولا لا ناقص تقولى كمان ادفعوا فلوس علشان احكيلكوا
كملى يا شيخه الله يرضى عليك
طيب هنكمل ان شاء الله......
:wacko:الحكاية الثانية عشر:wacko:
أكتر كلمة بأسمعها فى العيادة"آه يا دكتورة ضرسى وجعنى" و كما هو مُسجل علمياً ان وجع الضروس من أشد الالآم التى يمكن أن تمر بالانسان و معه أيضاً المغص الكلوى.........
أنا من كتر مابأسمع كلمة "آه"قعدت مرة أتأملها......
قلت يا سبحان الله ، أد الانسان ده حقير مجرد ضرس فى بقه يخليه قاعد طول الليل مش عارف ينام و ممكن يخبط دماغه فى الحيطة من الالآم الرهيبة اللى بيحس بيها.......
سبحان الله فى ثانية واحدة تلاقى المُتكبر المُتجبر مش قادر يتكلم من الآلام الشديدة.
فى ثانية واحدة تلاقى العاصى المُنغمس فى الشهوات مش قادر يعمل حاجة واحدة من اللى كان بيعملها من الالآمه الشديدة.
و الله أكثر ما يُخفف الالآم العمل الصالح(طيب ازاى)
هأقولكم:أنا مرة كنت شغالة على مريضة و الحالة ديه حالة مُركبة بين علاج العصب و أمراض اللثة و كنت بأشيل عصب حى و ده أما بيتشال العيان بيطنطط على الكرسى من كتر الألم ، المهم أنا كنت بأشتغل فى سنتين مع بعض و كنت بأخلصهم فى نفس اليوم عشان أجهز الحالة للعملية فى اللثة ، الست و أنا بأشيلها العصب مأقلتش حتى"أى" أنا اتعجبت و قلتلها :انت حاسة بالألم.
قالتلى:أنا مش حاسة بأى حاجة يا دكتورة.
قلتلها:ازاى انتى العصب بتاعك حى و أنا عمالة أشيل فيه و انتى مش حاسة بأى حاجة.
قالتلى:دكتورة أنا عمالة أسبح الله و انتى بتشتغلى فأنا مش حاسة بأى حاجة.
شفتوا بأه أد ايه العمل الصالح بينفع و أد ايه احنا مفروض نعمل للحظات ديه.
أنا مأخرجتش من تأملاتى فى كلمة "آه" غير أد ايه الانسان حقير و ربنا قادر عليه فى أى لحظة مهما بلغ من الفتوة و القوة و خرجت ان اللى هينفعنى فى لحظة ألمى هو العمل الصالح فلنحرص اخوانى و أخواتى على العمل الصالح.
معلش ماكنش فى حكاية النهاردة ، كنت مشغولة كتير ، نكمل حكايات من بكرة ان شاء الله:jiggy::jiggy::jiggy::jiggy:
ولا يهمك مافيش مشكله ان شاء الله تفضى و تقدرى تكملى بس نصيحه ما تخليش النت باخدك من شغلك زى ما حصل معايا
بارك الله فيكي وجزاكي كل خير عن التذكرة و الافادة وجعله في ميزان حسناتك
وبجد أحييكي على مضوعك (القيم) :)
مستمتعه جدا بحكاياتك يا مسلمة http://www.myoneplan.net/vb/images/smilies/winka.gif