الموضوع: اخلص من مشكله تطلع مشكله .. مساعده لو سمحتم

ربنا معاك انا مش هقدر افيدك اكيد في ناس ادرى مني بس عشان تسهل عليهم ممن شوية معلوملت
زي موديل العربيه
ماشيه كام كيلو
ليه مرحتش تكشف في التوكيل حتى لو مش هتصلح هناك بس على الاقل تعرف اصل المشكله

العربيه ميجان 2006 اوتوماتيك
ماشيه 128000
..
المشكله اني حتى مش هقدر اروح التوكيل .. لان العربيه اول ما بتسخن (يعني امبير الحراره بييجي في النص) الجيربوكس بيهرب (بيتلت) والتوكيل عندنا في العامريه يعني مشوار لو مشيت بالعربيه كده الموتور هيسخن جامد واحتمال تحصل مشاكل اكبر من كده .. انا بمشي 60 على RPM تلاته وشويه
..
اللي حصل قبل كده في الجيربوكس لما كنت ببطل العربيه وادورها تاني كانت المشكله بتروح وشويه وترجع اللي هي الهبده اللي كله عارفها مع رساله check gearbox وغيرت السولينويد وغيرت زيت الفتيس
انما اللي بيحصل دلوقتي غير كده .. حتى لما ببطل المشكله مش بتروح الا لما حراره العربيه تقل عن النص .. ومجرد ما امشي بيها وترجع للنص تاني .. المشكله بتحصل تاني .. يعني مستحيل الحركه بيها مسافات كبيره
جربت اشيل كابل البطاريه
وكمان فكيت الفتيس اللي جوه وفكيت الفيشه وبصيت عليها يمكن تكون مملحه او حاجه مفهاش اي حاجه
..
اللي بيحصل بالظبط في العربيه اول ما بتوصل لدرجه حرارتها الطبيعيه
هبده في الجيربوكس
والجيربوكس مش بيقرا انه على اي غيار اصلا يعني مفيش مربع ولا على الd ولا الr ولا الn ولا اي حاجه .. ولا في التابلوه ولا حتى في عصايه الفتيس
ويكتب check gearbox
مفيش سحب تماما .. يعني لو فرملت لحد ما تقف خالص وجيت تطلع بيها تحس انك شادد وراك مقطوره العربيه بتحرق بنزين بس بطه بلدي (وده سبب اني بقول انها متلته الغيار) .. يعني لو مطلعايه خفيفه العربيه متطلعهاش
لو كنت ماشي وعملت كده وقرصت عليها شويه بنزين تقعد تجيبلي في الكمبيوتر D R N طالع نازل .. وتقعد تقطع يعني تحس ان ثانيه فيه بنزين داخل للموتور وثانيه تانيه كانك دايس على دواسه هوا مش بنزين .. ساعتها لازم ابطل العربيه واستنى تبرد وادورها تاني يكون الامبير بتاع الحراره تحت النص بحاجه بسيطه .. تفضل ماشيه تمام .. اول ما الامبير ييجي في النص .. تعمل نفس القصه ..
ولا عارف حتى اروح بيها لميكانيكي ولا عارف اتحرك بيها اصلا ..
ياريت لو اي مساعده يا جدعان على الاقل حل مؤقت يخليني اتحرك بيها لحد الميكانيكي او حتى التوكيل

حطها علي ونش ووديها للوكيل وخدها مرفوعه بالكامل او قطر علي العجل الخلفي بس.

شكرا ً على المعلومه

صح فكرة الونش او كلم التوكيل يبعتولك حد يشوفها

حلوه فكره اكلم التوكيل يبعت حد .. شكرا ً

شكراً يا رامي .. بس ولا ده ولا ده .. ربنا بعتني لواحد في ميامي لسه فاتح ورشه جديده اسمه م/شعبان وشغال في توكيل رينو وهو فاهم جداً ما شاء الله .. وان شاء الله خير