استشارة طبية فى طب الاسنان

**logan2010** · 25-07-2015 08:19 PM

الحمد لله على كل شئ . نتيجة التهابات اللثه و اهمالى فى الاسنان . فقدت اسنانى تقريبا بالكامل . و الان محتاج اعمل اي تركيبه حتى استطيع على الاقل الكلام فمحتاج النصيحه يعنى دكتور او مركز طبي تكون اسعاره كويسه علما باننى مريض سكر السن 50 سنه و انا كنت عامل تركيبه متحركة موقتا و هل الموضوع ده محتاج وقت قد ايه .. لانى حاضطر اسافر من الصعيد مخصوص للموضوع ده ... و شكرا لحضراتكم

**wallace** · 25-07-2015 08:57 PM

شفاك الله وعافاك .. ننتظر رأي دكتور

**mikho83** · 26-07-2015 09:31 AM

ناس كتير بتشكر في كلية طب أسنان، ممكن تسأل وتتأكد

**Dr. Assem** · 26-07-2015 03:54 PM

اولا الشفا بإيد ربنا وحده

ثانيا. اي تركيب للاسنان محتاج تظبيط كويس للسكر و اي امراض مزمنة لا قدر الله. يعني البداية بدكتور سكر كويس يظبطلك سكرك تمام.

ثالثا. انت قدامك حلين لا ثالث لهما. الطقم المتحرك. او غرس الاسنان. المتحرك في ناس مش باقدر تتعود عليه انها تشيل و تحط . ميزته انه سريع في عمايله و سعره رخيص. عيوبه الشيل و الحط و المواقف المحرجة مع الناس.

الغرس ثابت و يعتمد عليه. و عمره طويل ما دام اتعمل صح و حالتك الصحية تمام . عيبه انه بباخد فترة علشان تركب نهائى. و طبعا تكاليفه اعلى و ده لانه دقيق في عمايله و لان الغرسات معمولة من التيتانيوم و سعرها غالي.

شافاك الله و عافاك