واضح ا نها قصه حياه ناس كتير هو شكل الجواز ده يا بدري يا متأخر اوي مفيش فيه حاجه وسط
ربنا يكرمنا و يسهل
عرض للطباعة
ربنا يرزقك بالزوجة الصالحة ،،، ادع دايما بكدة لان الزواج ارزاق و اسع لذات دين حتي لو مش ذات جمال و انو العفاف ،،، لان الرسول صلي الله عليه و سلم بيقول ثلاثة حق علي الله عونهم و ذكر منهم الناكح يريد العفاف ،،، و لله الحكمة البالغة في كل شئ و الرضا بالقضاء جنة الدنيا و مستراح العابدين،،،
المشكلة في هذا المجتمع معقدة لان الناس غفلت عن تعلم الدين- و هو اساس الدنيا و الاخرة -و عن تعاليمه و صار المقياس المال و الجاه فقط مع ان ده بيتغير.في لحظة. فالاهالي يغالون في المهور و كثير من البنات و الشباب اصبحوا تافهين و لا يعرفون معني الزواج و لا حقوقه ،،، و مع ذلك فيه طيبون و طيبات كثر فلابد لمن نوي العفاف و ابتغاء مرضات الله و اخذ بالاسباب ان يوفق ان شاء الله ،، ربنا يرزق شباب المسلمين زوجات صالحات
و الله يا باشا مش دي المشكله و بس
واحد زيي سأل علي المهر و الشبكه اللي يقوا متعارف عليهم دلوقت و عرف متوسطهم كام
و لما اتقدمت لناس معجبهمش و قعدوا يفاصلوا ولما لاقوني هطير رجعوا في رأيهم
بس انا كنت خلاص قفلت منهم محبش اسلوب الفصال و لما الاقيك هتطير اقولك اللي انت عايزه
الواضح ان اللى متجوزوش و وصلوا لسن الثلاثين أو فوق الثلاثين مش سعداء و فاكرين ان السعادة لما تتجوز و تجيب عيال , انتوا أنانيين , أه أنانيين يعنى الواحد منكوا اتخرج و اتفحت لحد ما اشتغل و منكوا اللى سافر بره عشان يعمل قرشين و لما جهز الفلوس و حب يتجوز لقى مستوى جمال البنات بالنسبة ليه غير مقبول و لقى الأهل طلباتهم كتير و لا فيه توافق اجتماعى و البلد أخلاقيا فى انحدار و مفيش دين - و بعدنا عن الدين سبب كل مشاكلنا - تيجى بعد كل الأرف ده و عايز تتجوز و تجيب ولد أو بنت يعيشوا نفس الأرف ده , أنانية بتفكر فى نفسك و بس فكر ان ابنك بعد 35 سنة حيعيش نفس المعاناة دى و يمكن أكتر بما ان كل حاجة فى انحدار ,, لو عايز تتجوز , اتجوز بس تبقى انت مبسوط أصلا من قبل الجواز , و الجواز ده يبقى طريقة انك تبسط واحدة اللى هيا مراتك و كمان يبقى طريق عشان تخلف طفل تربيه تربية دينية سليمة ساعتها السعادة حتزيد . لكن انك تتجوز عشان فاكر انك ممكن تنبسط بالجواز أحب أطمنك انه بنسبة كبيرة الوضع حيبقى أسوأ , الحياة بقت عصيبة و المصاريف كتير و الدخل مش بيكفى و الطرف الأخر مش حيقدرك ,, الحل انك تقرب من ربنا و يكون ده هدفك الأول غير كده انت حاليا مش مبسوط و لو اتجوزت مش حتبقى مبسوط و لو خلفت كمان مش حتنبسط ده الوضع حيبقى أسوأ , و لو حصل مشاكل و طلقت بقى الوضع أسوأ و أضل .. قربوا من ربنا حتما حتشعر بالسعادة , و بعدين ابحث عن ذات الدين أولا وبعد كده الجمال و المستوى الاجتماعى و التعليمى هى دى اللى حتقدرك و حيكون الجواز منها ميسر لانها حتشوفك صاحب دين و حيكون ده رقم واحد عندها و حتلاقى ربنا أنزل عليك سعادة و رزق , أى واحدة جوازها غير ميسر و طلباتها فوق طاقتك تبقى جوازة لا يرضاها الله و بالتالى جوازة تعيسة ان تمت و نتاجها أطفال تعساء و مشوهين نفسيا و فكريا و لما يكبروا حيعيشوا نفس معاناتك و وجعك فى تعليمهم و شغلهم و جوازهم و يطلع جيل معقد يخلف جيل أعقد و ده يخلف جيل أعقد و أعقد ... متخلفش الا لما تكون انت مستقر نفسيا و سعيد عشان متظلمش ابنك و تقدر تديله و تربيه على دين و سعادة ...
انا 34 سنه ولسه متجوزتش
احساس الوحده بدئت اشعر بيه قبل كده مكانش فارق معايا الجواز
بس الخلاصة في موضوع الزواج ده قالها
النبي محمد صلي الله عليه وسلم من 1400 سنة
تنكح المراة لاربع لمالها وجمالها وحسبها ونسبها ولدينها
فاظفر بذات الدين تربت يداك
صدق رسول الله صلي الله عليه وسلم
وانا مش شيخ ولا حاجه
بس ديه الخلاصة من الذي لاينطق عن الهوي
أنا لسه 26 وبصراحة مبقتش بفكر في موضوع الجواز ده أو بمعني أصح مبقتش مركز فيه أووي زي زمان
أنا خلصت كلية وأنا عندي 22 سنة والحمد لله ربنا رزقني بشغل مبحلمش بيه علطول والحمد لله والدي رحمه الله سايبلي شقة وشبه متجهزة كمان .. وكان والدي بيشجعني علي إي إتجوز بدري والكلام ده .. طيب ماشي ..
الجواز علي أرض الواقع أنا شوفت غرائب وطرائف تتسجل في موسوعة جينيس D=
حتي الآن شوفت فوق الـ 18 بنت .. وزي زي أي شاب كنت حاطط طموحات متدينة جميلة أهلها طيبين والكلام ده زي أي حد عاااادي جدآآ .. وبردو حاطط إحتمال إني أترفض بردو عادي جدآ لأن ده قسمة ونصيب وكل واحد ربنا كاتبله هيتجوز مين وإمتي وإزاي .. إنما الواقع أنا شوفت حاجات غريبة من العائلات .. طموحاتي في البنت إنها تكون متدينة وجميلة وذكية وبنت ناس طيبين والكلام ده تنازلت عن كتير منها .. تنازلت الأول عن شوية من الجمال .. عادي ماحنا مصريين وكلنا مش حلوين أووي يعني أشوف الناس طيبين الحمد لله .. البنت بقي لا تصلح إنها تكون مسئولة عن بيت نهائيآ وشايفة نفسها ملكة جمال رغم إني مرضيتش أكسفها واللهِ وأكسر ثقتها بنفسها لأنها من الوزن التقيل بس قولت عادي إديلها فرصة ومحكمش من الشكل ويمكن تخس مانا بردو Over Weight بحوالي 6 أو 7 كيلو ف مش مشكلة ف بدأت خطوات في الطريق للخطوبة الأقي البنت ليها طلبات تانية بخلاف أهلها .. عاوزة شقة ف برج .. مش هخلف أول 5 سنين .. أنا هشتغل ومليش دعوة بمصاريف البيت .. وأنا ياعيني كنت 22 سنة معرفش حاجة :36_7_4[1]: فـ رفضت وكنسلت كل حاجة .. مكتأبتش الحمد لله وقولت مانا طبيعي هقابل ناس بتفكر تفكير غريب عني شوية .. خش ع إللي بعده .. البنت ماشاء الله مستواها وتعليمها زيي بالظبط وأخلاق بس أهلها ناس مستواهم الإجتماعي أقل بكتير والعيلتين متفقوش مع بعض
خلاص خير مش مشكلة إللي بعده .. إحنا عاوزين شبكة سوليتير .. أنا : :bye2:
إللي بعده .. لأ عاوزين شقة بس تكون بعيد عن أهلك .. طبعآ مع السلامة
إللي بعده .. لأ أنا بنتي متسكنش بعيد عني .. شوفلك شقة جنبنا هنا .. أقل شقة في منطقتهم ب750ألف نص تشطيب :khd:
إللي بعده .. لأ بنتي مينفعش تتجوز واحد مواعيد شغله متغيرة لأ متقدرش تبات لوحدها
إللي بعده .. لأ أصل بنتي دكتورة ومش هينفع تتجوز الإ دكتور
إللي بعده .. لأ بنتي مينفعش تسيب القاهرة وتيجي تسكن في السويس
إللي بعده .. السؤال بقي إللي فطسني من الضحك أم أحد البنات بتسألني بتكبر كده شوية
" إنتا جاهز يعني؟؟ "
أنا : آه :36_1_2[1]: .. طبعآ وافقوا بس أنا رفضت لأنهم ماديين
طبعآ فيه ناس تاني محصلش نصيب وأنا إللي رفضتهم لأني ببساطة مش لاقي قبول أصلآ أو مش لاقي التدين إللي نفسي فيه أو مش لاقي التوافق الإجتماعي بين العيلتين أو مش مرتاح أصلآ وفيه حاجة قلقاني وغالبآ الحمد لله بيطلع إحساسي صح .. فـ فكست لموضوع البحث عن عروسة ده مؤقتآ وطلعت عمرة نسيتني كل حاجة في الدنيا الحمد لله .. أنا مش إنسان كامل ولا ببحث عن واحد كاملة
بس زي ما قاللي أبويا الله يرحمه إللي من نصيبك هيصيبك
وأهم حاجة دلوقتي إني أدور عن الحاجات إللي تبسطني وأعملها وأبعد عن النكد بشتي الطرق
أنا عارف إني رغيت كتير بس إحنا كشباب دي مشكلة كبيرة و 90% سببها الأهل سواء للشاب أو البنت
للشاب بيطلع مش بيتحمل مسئولية بسبب إسلوب تربية أهله والبنت كذلك
مفيش حد عارف مسئولياته وواجباته تحديدآ سواء الزوج أو الزوجة.. والدين طبعآ كلنا مقصرين فيه
ف الأفضل إننا نحسن من نفسنا الأول علشان نلاقي حد يليق بينا
وربنا يكرم الجميع
انا بشوف ان المشكلة الرئيسية في اللي متجوزوش
ان البنات في انحطاط و حقارة رهيبة
(((( الا من رحم ربي ))))
و دول ربنا شايلهم للي بيغضو من ابصارهم و بيقيمو الليل و بيدعو الله ان البنت اللي يتجوزها تكون طاهره متلمستش
ده الموضوع الاساسي
بعد كده كل شيء ولا يسوى حاجه
انا بقيت 35 يا باشا خلاص
و من يومها و انا حاسس فعلا بمعني كلمه ان القطر فاتني
انا من يوم الموضوع الاخير اللي كنت كاتب عنه
اللي بقاله اكتر من سنه مشفتش اي عروسه
و لا حد رشح ليا اي عروسه
و لا عارف ادور فين و لا اشوف فين
بس الاحساس بعد ال 35 مختلف
انا بشوف اولاد صحابي بتصعب عليا نفسي
انا حاسس فعلا اني بقيت منتهي الصلاحيه في موضوع الجواز
انا لو اتجوزت علي 36
و جبت عيل علي ال 37
هيبقي عنده 13 سنه و انا عندي 50 سنين
هيبقي لسه مخلصش اعدادي و مدخلش ثانوي
و لو مد ربنا في عمري للستين
ممكن ابقي معاش قبل ما هو يتخرج
ده علي مستوي الاولاد
بلاش نتكلم علي الجواز بمعني الجواز العادي اللي هو راجل و ست
انا صراحه مش عارف هي يجوز لسه عليا مبدء الجواز بغرض الاحصان و عف النفس و ان الواحد يقضي وطره بالحلال
و لا اصلا المفروض اللي في سني يبقي نسوا الموضوع ده اساسا
هنقول ايه امر الله و قضائه و ملناش حيله فيه