انت محسسنى انك ٨٠ سنة
انا متجوز و اكبر منك بسنه و حاسس نفس احساسك انى عجزت ههههههههه
قلت لواحد كده فرد عليا بقوله تعالى...حتى اذا بلغ اشده و بلغ اربعين سنة
من رايي مفيش حد بيعدية القطر..كل ما فى المسالة ان الاختيارات المناسبة بتختلف من سن لاخر
عرض للطباعة
انت محسسنى انك ٨٠ سنة
انا متجوز و اكبر منك بسنه و حاسس نفس احساسك انى عجزت ههههههههه
قلت لواحد كده فرد عليا بقوله تعالى...حتى اذا بلغ اشده و بلغ اربعين سنة
من رايي مفيش حد بيعدية القطر..كل ما فى المسالة ان الاختيارات المناسبة بتختلف من سن لاخر
انت كلامك له علاقة بحالة إكتئاب عندك مش بموضوع الجواز
والله صدقني اتجوز اي عمر في اي سن بس انسانه صالحة تسجد لله تدعيلك ، تنزل من البيت تدعيلك ربنا يحفظك و تحفظك في شرفك ، تطلع مكشر تبتسم هي في وشك و تقولك خير ، تديها القليل تقولك ربنا يزيدك من فضله ده كتير :)
لا لا الجواز مش مجرد عمر وقطر و تشوف اولاد صحابك ،
الجواز ده قال عنه محمد صلى الله عليه وسلم على الزوجة الصالحة حسنة الدنيا
عارف يعني ايه
يعني تعيش عمرك كله سعيد بسبب انسانه تقية صالحة
ممكن تتجوز وتخلف وانت في ثانوي عام مش صعب على فكره :))
بس فين الحياه فين الفرح فين الطمأنينه ؟؟؟
قرررب من اللي خلقك و شوف انت عاوز تتجوز مين واوعي ترضى الا بذات الدين و اذا ده حصل يا سعدك يا فرحك .. ممكن تتجوز وانت ٣٥ و تعيش اجمل سنين عمرك و ممكن تتجوز وانت ٢٢ و تعيش اسود سنين عمرك
المقياس اكبر وارقى من السن
ربنا يرزقك الزوجة الصالحة عاجلاً غير آجلاً يامودي
Don't Give Up
كلام انا مقتنع بيه من الناحيه النظريه
لكن من الناحيه العمليه لا
انا كل يوم بكبر خلقي بيبقي اضيق
و انا كل ما اشوف ناس عيالهم بدؤا يكبروا و وصلوا قرب ال 10 سنين و بدأت المشاكل بتاعه التربيه تظهر و تبقي اصعب اقول يا تري هعمل ايه و انا راجل عجوز و عيالي في السن الصغير ده
هجيب خلق منين و صحه منين علشان اربيهم
حتي نظرتي للجواز حاسس انه هيبقي تحصيل حاصل يعني مش متخيل اني ابقي زي اي عريس في العشريانات او حتي في ال 30 او 31
حاسس اني كبرت علي كده و اني لازم يكون الجواز بالنسبه لي استقرار و بس
و مفيهوش اي حاجه تانيه من اللي الواحد كان بيفكر فيها و هو اصغر و هو في ال 20 مثلا
الدنيا بقت صعبه و الموضوع متعقد من زمان
شخصيا انا شبه فاقد الامل فيه
بس مشكلتي مش اني عازب
مشكلتي اني علي المقابل مش لاقي اي حاجه تانيه اضحك علي نفسي بيها
اقول انا عملت كده احسن ما كنت اتجوزت
منصبي الةظيفي متواضع جدا للاني شغال في مكان لازم تموت مديرك او يمشي علشان تطلع مكانه
و ساعتها هتلاقي ليك كذا منافس
و بالاضافه لذلك في ناس كتير مشت من اقسام اخري فبقي اللي علي نفس موقعي الوظيفي شباب اصغر ب 7 او 8 سنين علشان الطريق بقي افضي قدامهم
والدي و والدتي تعبانين و ده مانعني اني اسافر و اسبهم و ادور علي مستقبلي في مكان تاني
يعني حتي البديل اللي الواحد ممكن يقنع بيه نفسه انه احسن من الجواز مش موجود
يا مودي دي مشاكل حياتيه موجوده عند ملايين من الشباب العرب و الغربي كمان
انت محتاج تظبط شغلك تشوف اي تطوير فيه مناسب ميبعدكش عن باباك و مامتك عشان برهم بستات الدنيا كلها لو اتجوزتهم
محتاج تغير نمط حياتك انك تلعب رياضه و تواظب عليها
و نفس الوقت تدور على الدين و الاصل في البنت اللي هتدور عليها
و الاهم من ده كله من يتقي الله يجعل له مخرجا و يرزقه من حيث لا يحتسب
متبصش للامور من نظرتك اللي مفيهاش رضا لانك هتتعب جداااااا
بص ليها من مميزات كتير عندك بالنسبه لغيرك خيال
و أسأل الله لك العفاف و التقوى و الرضا ..
استاذ مودي ربنا يرزقك بالزوجة الصالحة والذرية الصالحة
المشكة الوحيدة ف الاختيار مش السن مش هتلاقي حد يطابق 100 % من اللي انت عايزه علي فكرة فيه احصائية ان من سن 30 ل 40 اعلي معدل للجواز علي مستوي العالم يعني من بين كل 10 اشخاص ف السن دا 7 بيتجوزوا (اوعي تقولي انا من ال3 اللي متجوزوش ) :shine[1]::shine[1]:
توكل علي الله وابدء دور تاني وقول لكل معارفك واصدقاءك وحدد المواصفات والله مفيش اكتر من البنات
خلي عندك ثقة ويقين ان دا مكتوبلك من قبل متتولد ولا تياس من روح الله
طب انا ملاحظ ان تقريبا كل اللي علقوا علي الموضوع ما عدا عضو واحد متكلموش في موضوع البنات و علاقتهم قبل الجواز و الانحدار الأخلاقي اللي الناس وصلتلوا , أنا في بنت اتعرفت عليها من حوالي سنة و كانت معرفة من العيلة و كان شكلها قمة في البراءة و كنت كل ما أسألها ان في بنات بيعكوا جامدتقولي أنا مش زي دول أنا لما بشوف بوسة في فيلم بغمض عيني ههههههه , حاولت أعرف ماضيها ايه المهم اني اكتشفت ان كان ليها 3 علاقات و في منهم واحدة كانت مع ابن خالي , وابن خالي ده خاربها بمعني الكلمة يعني علاقات جسدية كاملة و شبه كاملة - ربنا يهديه - و عرفت انه عمل معاها علاقة جسدية غير كاملة , فواجهتها و سبتها , موضوع العلاقات قبل الجواز عملي عائق اني أتجوز خصوصا اني مكنش ليا علاقات قبل كده خوفا من الله و خوفا علي اخواتي البنات و شايف ان العلاقات دي بتقلل من احترام الانسان , و بعد ما مريت بتجربة اني اتقدم للبنت دي و اكتشفت علاقاتها الكتير دي لغيت فكرة الجواز نهائي .. مهو أنا مش حتعب و أجهز بيت و أجيب شبكة و أدفع مهر و أصرف عليها بعد الجواز عشان أبقي سعيد معاها و بيها بالحلال و في غيري استمتع بيها بالحرام , مش حلمس واحدة غيري لمسها و لمسها بالساهل كمان .
يا باشا موضوع العلاقات ده بقي منتشر جدا و مش قبل الجواز ده بعده كمان
في ستات كتير بقي سهل يتضحك عليها مع وجود الفيس بوك و غيره و تلاقيها مصاحبه واحد غير جوزها و ممكن توصل معاه لعلاقات محرمه سواء علي النت او في الواقع
غالبا الستات دي بتفتقد الاهتمام من الزواج بعد الزواج نتيجه الروتين و بيجي ليها واحد بيهتم بيها لأنه عينه منها و كلام حلو و اهتمام و بتاع
و هو اصلا بيبقي شاب غالبا مش متجوز و و هرموناته ضاغطه عليه و مخلياه عايز اي ست و عايز ياخد اللي يقدر عليه
الموضوع بقي مركب
اللي مش متجوز لما بيكبر بيتعب بجد
خصوصا لما بيوصل لنص الثلاثين و هو مستقيم
بيتعب من كلام الناس بيتعب من الاستقامه بيتعب من الوحده
و البنات رغم انك بتقول انه انحدار اخلاقي في برضه انسانه و ليها مطلبات و مش عارفه هتحصل امتي
تأخر الجواز و العنوسه و الكلام ده خلي الناس مستستهله اي حاجه غلط
ما طريق الصح مسدود
حتي ممك تبقي عندك امكانيات
بس الطريق مسدود قدامك
للأٍسف الدنيا ماشيه في طريق بيخلي اللي ماشي صح مش عارف يعيش
للأسف منتشر بعد الجواز برده بس أنا مذكرتش الخيانة بعد الجواز عشان حتلاقي واحد يقولك مش أنا اللي يحصل معايا كده وهي لما تعرفني لايمكن تخوني
و في زي الدماغ دي كتير و في رأيي مفيش حد يقدر يضمن حاجة بعد الجواز و اللي حيقولي الطيبون للطيبات فده مش تفسير الآية أصلا و كمثال علي كده لوط عليه السلام كانت زوجته بتعمل عمل الشواذ
ده بيبقي ابتلاء من الله للزوج أو الزوجة الصالحة
لكن أنا ذكرت موضوع العلاقات السابقة للبنت لأن ده موجود فعلا و أي واحد بيتقدم لبنت لازم حيجي في دماغه هيا ليها علاقات قبل كده ولا لأ
و أنا مشكلتي في الأتنين العلاقات السابقة ليها و خوفي من خيانتها ليا بعد الجواز بأي صورة بقي الكترونية أو غيره
و مش حقول اني مبسوط اني وصلت لقراري بعدم الجواز و أنا سني دلوقتي 28 سنة و الحمد لله قادر ماديا اني أتجوز
أكيد الواحد بيحس بالوحدة و ليه رغبات و نفسه في واحدة تكون سكن ليه زي ما ربنا عز و جل وصف الزواج , بس شخصيا مش حقدر أتجاهل علاقات البنت السابقة في مقابل أني أحقق رغباتي الجسدية و العاطفية ده بغض النظر عن مشاكل الزواج التقليدية من مشاكل علي القايمة و العفش و الخ ....
في الحالتين أنا تعبان بس بقراري ده حتعب أقل بكتير .