الموضوع: شباب المنتدي الاعزب فوق الثلاثين رجاء الدخول

يا ياشا اعتقد معظم الناس اللي ردوا هنا و قالوا انهم في نفس الحال قادرين عن الزواج و مطلباته الاساسيه المشكله في ايجاد الزوجه

النهارده يا جماعه اتعزمت علي خطبه زميل ليا في الشغل
الفرق بيني و بين الزميل في العمر 6 سنين يعني هو حوالي 28 سنه
متوقع يتجوز بعد ست شهور
و بقاله بيدور علي عروسه حوالي 8 شهور
ربنا يكرمه و يبارك له
لحق نفسه و مشي علي الخط المتوقع لواحد
يعني الواحد متوقع انه بيتخرج في اول العشرينات بيخطب في النص التاني منها و يتجوز و يجيب عيال في اخرها
طيب اللي زي حالاتي اللي عداده فوت و اللي ممشيش علي الخطه و لا علي الخط بس غصب عنه
هيعوض السنين اللي راحت منه ازاي
هيلاقي حد يعجبه و لما يتقدم له يرضي بيه و لا لازم هياخد حد مش عجبه علشان هو كبر و عجز
يا رب رحمتك

يا صاحب الموضوع لا تحزن

سن 30 او حتى 45 لم يعد سن كبير...المفاهيم اختلفت...

و 50 سنة اللي حضرتك ذكرتها اذا اصبح ابنك 15 ليست بالشكل اللي انت صورته و لا يطلق على صاحب الخمسين عجوز...

هو حضرتك مش بتشوف عمرو دياب

ثم ايهما افضل ان تتزوج 25 و تصبح مطلق و عندك 29 سنة ام تتزوج 35 و تستمر

احرص على الا يسيطر عليك هذا الشعور حتى لا يؤثر على اختيارك و كي لا تنقله لمن تتقدم لها

هذا هو حديثي لك

اما ما حوته بعض التعليقات من تريقة على شكل بنات هذا البلد، فاراها غير لائقة و لا اظن ان لها مثيل الا في مصر ...فالافريقي الاسود لا يسخر من بني جنسة و لا يقبل بالزواج من غيرها...و كذلك الشرق اسيوي...

ربنا يرزقك و يرزقنا بالمصرية الجميلة و يجنبنا مشاكل الزواج من الاجنبيات

المشاركة الأصلية كتبت بواسطة samyyousef

يا صاحب الموضوع لا تحزن

سن 30 او حتى 45 لم يعد سن كبير...المفاهيم اختلفت...

و 50 سنة اللي حضرتك ذكرتها اذا اصبح ابنك 15 ليست بالشكل اللي انت صورته و لا يطلق على صاحب الخمسين عجوز...

هو حضرتك مش بتشوف عمرو دياب

ثم ايهما افضل ان تتزوج 25 و تصبح مطلق و عندك 29 سنة ام تتزوج 35 و تستمر

احرص على الا يسيطر عليك هذا الشعور حتى لا يؤثر على اختيارك و كي لا تنقله لمن تتقدم لها

هذا هو حديثي لك

اما ما حوته بعض التعليقات من تريقة على شكل بنات هذا البلد، فاراها غير لائقة و لا اظن ان لها مثيل الا في مصر ...فالافريقي الاسود لا يسخر من بني جنسة و لا يقبل بالزواج من غيرها...و كذلك الشرق اسيوي...

ربنا يرزقك و يرزقنا بالمصرية الجميلة و يجنبنا مشاكل الزواج من الاجنبيات

مش قصدي طبعا اتريق علي بنات بلدي بس حضرتك كل واحد ليه مستوي معين من القبول للبنت اللي عايز يرتبط بيها
الكلام اللي اقصده ان الناس بتخدعك و تقولك عروسه زي ما انت عايز تروح تلاقيه شكل تاني خالص
اسف لو كنت وصلت للناس اني بتريق علي خلقه ربنا

المشاركة الأصلية كتبت بواسطة mody1982

مش قصدي طبعا اتريق علي بنات بلدي بس حضرتك كل واحد ليه مستوي معين من القبول للبنت اللي عايز يرتبط بيها
الكلام اللي اقصده ان الناس بتخدعك و تقولك عروسه زي ما انت عايز تروح تلاقيه شكل تاني خالص
اسف لو كنت وصلت للناس اني بتريق علي خلقه ربنا

اشكرك على التواصل، و يا عزيزي انا لم اقصد مداخلة حضرتك بالتحديد، اقصد مجمل المداخلات على هذا الموضوع و في جميع المنتديات، فهي حالة غريبة لا تجدها الا في المجتمع المصري و هي التحقير و التقليل من بني جنسهم، و هذا امر غريب و لا مثيل له....و اكيد حضرتك عارف ان احنا 90 مليون ...من المؤكد ان فيهم جميلات...و فيهم غير ذلك....تحياتي لحضرتك...و اشكرك مرة ثانية على التواصل

المشاركة الأصلية كتبت بواسطة memoo305

بص يا كبير
أن عندي 36 ومتجوز وانا عندي 34
بحسبة بسيطة أن بنتي لما تجي تتجوز (25سنة ) هيبقى عندي 61 سنة!!!!
ايه الي اخرني : اسباب مادية واحساسي أني اول ما اجهز هخلص الموضوع في شهر . بس الحقيقة انك ممكن تاخدلك 3 او 4 سنين بتدور ومش لا قي أو تلبس موضوع فاكس
نصائح
-لما تيجي تدور دور على حد معرفة أو أنت عارف اخلاقة كويس. فترة ماقبل الزواج بتبق كلها تمثيل في تمثيل وتلاقي البنت عاملة فيها عاقلة وأهلها عاملين محترمين . والحقيقة ممكن تبقى عكس كدة.
- خد وقتك .. خد وقتك..خد وقتك
- علشان تطمن على عيشتك :اقعد مع أم البنت ..اقعد مع أم البنت ..اقعد مع أم البنت ..اقعد مع أم البنت ..ومتستهانش بالموضوع ده.
- بما انك 34 ماتخشش على موضوع سنة 19 و20 وكده .. فرق 13& 15 سنة كبير . وزي ماهي يكون ليه مزيا هيكون ليه عيوب قاتلة... ده بالأضافة إلى انك ممكن تقابل برفض كتير فيه ( البنت في السن ده هتلاقيها عاوزة تامر حسني أو أحمد عز...) خليك من 25 ألى 29. (ولكل قاعدة استثناء)

كلام حضرتك ممتاز في خصوصي السن بس انا مش بدو رعلي 19 او 20 لأني مقتنع ان فرق السن كبير جدا
كلامي عن السن ده انكم ممكن لو لمحت حد عجبك في الشارع فغالبا بيكون في السن الصغير ده و الطبيعي انك مش هتروح تكلم بنت في السن ده و انت عندك 34 سنه و تقولها عايز اتقدملك ده اذا فرضنا اصلا اني مقتنع بموضوع لو شوفت واحده في الشارع و عجبتك روح كلمها و اتحوزها من غير ما تبقي عارف حد واثق من اخلاقها و اخلاق اهلها
للأسف الشديد معنديش معارف عندهم بنات للزوا ج لأني عيلتي ملخبطه شويه في اتجوزوا بدري اوي و في اتجوزوا متأخر اوي فبقي في بنات اكبر مني بكتير و متجوزين من زمان و بنات اصغر مني بكتير اكبرهم في ثانوي مثلا فبالتالي الاسره و المعارف مفيهمش حد
موضوع معقد شويه انا عارف بس هو ده الواقع بتاع حياتي

المشاركة الأصلية كتبت بواسطة خالد الشاذلى

سن الجواز ارتفع فى مصر لأسباب كتيره وانت لسه شباب والقطر مش فاتك ولا حاجه

هتعمل غلطه عمرك لو مش اتجوزت هتندم أوى

بس اهم حاجه اختار صح علشان تستريح فى حياتك بعد الجواز

مقتنع بكلام حضرتك و بأهميه الزواج لأن الزواج بيديك استقلاليه كمان يعني مش هكدب عليك انا عايش في بيت اسرتي مقيد بنظامهم و بطريقه عيشتهم و مقدرش اعمل حاجه نفسي فيها او اعمل اي تغيير في البيت لأني في الاخر مش لوحدي و مش في بيتي
ثانيا الوالد و الوالده ربنا يطول في عمرهم كبروا جدا و العمر مش هيفضل فيه قد اللي راح يعني هيجي يوم و ملقاش حد فيهم جنبي و ابقي عايش لوحدي و مليش حد في الدنيا
ثالثا :- الواحد بيحتاج الجواز جسديا علشان فطره ربنا و لو ان ده مبقاش بنفس الاهميه زي ما الواحد كان اصغر شويه من كده و بيحتاجه نفسيا علشان السكن و الرحمه و انه يبقي عنده هدف في حياته انه يربي اولاد و يطلعهم ناس كويسه و محترمه
فبالتالي اكيد مش همتنع عن الجواز

المشاركة الأصلية كتبت بواسطة samyyousef

اشكرك على التواصل، و يا عزيزي انا لم اقصد مداخلة حضرتك بالتحديد، اقصد مجمل المداخلات على هذا الموضوع و في جميع المنتديات، فهي حالة غريبة لا تجدها الا في المجتمع المصري و هي التحقير و التقليل من بني جنسهم، و هذا امر غريب و لا مثيل له....و اكيد حضرتك عارف ان احنا 90 مليون ...من المؤكد ان فيهم جميلات...و فيهم غير ذلك....تحياتي لحضرتك...و اشكرك مرة ثانية على التواصل

الشكر لحضرتك يا استاذ سامي ان حضرتك دخلت و علقت و قولت رأيك معملتش زي ناس كتير ( في 1500 واحد شافوا الموضوع و الي علق منهم حوالي 20 او 30 واحد يعني نشبه مشاركه 2%)
و ده انا مستغرب له و مش فاهمه المفروض ان المنتدي معمول علشان الناس تتفاعل مش تتفرج و تمشي
بس ممكن ده يبقي بسبب انه منتدي سيارات مش منتدي اجتماعي في الاصل)
فبالتالي حق لحضرتك اني ارد عليك او اشكرك علي تفاعلك و علي كلام حضرتك و اسلوبه الكويس مش زي بي الاخوه اللي دخلوا هاجموني انا و بعض الزملاء في المنتدي هنا في الاول و قالوا علينا مش بنسعي و مكسلين و ناس كئيبه الخ