الموضوع: شباب المنتدي الاعزب فوق الثلاثين رجاء الدخول

المشاركة الأصلية كتبت بواسطة mohamedzaki74

بص هيا البنت لو زي الكتاب ما بيقول هترتبط و هيا 18 او 21
و دول نسبتهم مش اكتر من 20%
بقية البنات مستوي الجمال ما بين متوسط لفقير
طالما اتاخرت في السن صعب تلاقي المواصفات الي في دماغك لازم تتنازل
غير كده يبقي بتضحك علي نفسك و بضيع عمرك
عبد الوهاب مطاوع بيقول ان دائما في حد مناسب ليك فكن قيم نفسك صح
يعني تلاقي واحد 40 سنة و ماديا اقل من المتوسط و عايز يتجوز واحدة زي هيفاء

انا بدور من و انا 25 سنه علشان ما اوصلش للموقف الى انا وصلتله بقيت 29 وغالبا قطر البنات فاتنى مافيش غير اشباههم هههه او زى ما انت قولت متوسط لفقير

المشاركة الأصلية كتبت بواسطة lena jo

أستاذ مودي
لا تحزن ولا تيأس .انت اخذت بالاسباب و سعيت و اللي ربنا كاتبهالك ان شاء الله هيخلي عينك تشوفها جميلة .اللي تعجبك ممكن متعجبش غيرك .الجمال نسبي نصيبك مكتوب و الزواج رزق. لا تفكر فقط في قوانين الدنيا. مسألة كبرت و فاتك القطار و الكلام الانهزامي ده انساه . لو فاتك قطار الزواج انتظر القطار الذي يليه . المحطة تعمل 24 ساعة. ربنا هو الرزاق و هو علي كل شئ قدير. عليك بالدعاء و الاستغفار كثيرا .
كان لي مشاركة في موضوع اخر و ذكرت نماذج اسمح لي اكررها في موضعك. و الله نماذج اعرفها شخصيا 3 شباب اقارب اقلهم ماديا هو اول من تزوج فيهم لا شغل كويس ولا شقة لكن كان وسيم و اتقدم لواحده جارته كان معجب بها ووافقت و تزوج ايجار جديد و جاله شغل في دولة عربية في غير تخصصة الغير مطلوب اصلا لكن ربنا وفقه وفتح عليه من وسع و بعد ان يعمل لحساب شركة اصبح يعمل لحساب نفسة. الاثنين الاخرين واحد تزوج متأخر في اوائل الثلاثين و الاخر في اواخر الثلاثين رغم انه اعلي امكانيات شغل ممتاز و منصب و شقة واسعة في مكان راق لكن مفيش واحدة اقتنع بها الي ان تزوج بدون اقتناع ثم حدث الطلاق في وقت قصير بهدوء و قد تخطي ال40 و لم يتزوج مرة اخري.
فتاة اخري( واخد بالك فتاه مش شاب) اعرفها جيدا مستواها الاجتماعي عالي و جميلة بس مش ملفتة ظلت تري عرسان (صالونات) منذ ان تخرجت و اللي يعجبها متعجبوش واللي تعجبه ميعجبهاش او ميعجبش اهلها حتي قبل الدخول في ماديات بسبب القبول او المستوي الاجتماعي او الكذب من ناحية العريس لكن معظمهم كان الوسيط لا يعرفهم الا معرفة سطحية حتي وصلت لسن 37 ، و بقي يجلها من تخطي ال50 الا ان تقدم لها فجأة(صالونات ايضا) شاب في مثل سنها او يمكن اكبر بسنه فقط بفرق اجتماعي بسيط لكن كان دراسته مثلها و شغلة كويس و عنده شقة لكن في مكان اقل من مستواها لكن المهم انه عنده ، تزوجت سريعا و انجبت طفل يليه اخر دون اي مشاكل و هي مستقرة منذ سنوات ربنا يبارك لها. فتاة اخري صديقة قديمة لي منذ الدراسة تزوجت زميلها في الكلية بعد التخرج مباشرة وكان مناسب لها من كل الجهات ربنا وفقهم لكن لم تنجب رغم سنهم الصغير و ظلت تعالج حتي انجبت بعد سنوات من الزواج. يعني الي تزوجت كبيرة انجبت 2 فورا وخايفة تنجب تاني و اللي تزوجت صغيرة انجبت بعد مشوار طويل من العلاج.
الله هو الذي يقدر الارزاق و هو خالق الكون و ليس بالامكانيات ولا بالسن يتوقف قطار الحياة.
ربنا يرزق الجميع بالزوجات الصالحات و يقر عين الجميع من الطرفين

اختنا العزيزه لينا نشكر ليك مشاركتك و ربنا يبارك ليكي في اولادك و تفرحي بيهم ان شاء الله
الموضوع بالمعني المفهوم لكن هو تقدري تقولي ضيق و بعض الحزن
اكيد كل حد نفسي يبقي ليه بيت و زوجه و اولاد
و اكيد حضرتك قبل الزواج كان نفسك يبقي ليكي زوج و اولاد و ا سره و لما ده اتحقق بقيتي مبسوطه و سعيده
اه اكيد الجواز مش كل حاجه فيه حلوه بس الحلو فيه اكتر بكتير من الوحش
و ربنا يوصلنا للمحطه بتاعه القطر قريبا ان شاء الله

المشاركة الأصلية كتبت بواسطة mohamedzaki74

بص هيا البنت لو زي الكتاب ما بيقول هترتبط و هيا 18 او 21
و دول نسبتهم مش اكتر من 20%
بقية البنات مستوي الجمال ما بين متوسط لفقير
طالما اتاخرت في السن صعب تلاقي المواصفات الي في دماغك لازم تتنازل
غير كده يبقي بتضحك علي نفسك و بضيع عمرك
عبد الوهاب مطاوع بيقول ان دائما في حد مناسب ليك فكن قيم نفسك صح
يعني تلاقي واحد 40 سنة و ماديا اقل من المتوسط و عايز يتجوز واحدة زي هيفاء

يا جماعه محدش قال هيفاء و محدش قال حاجه عاليه بس صدقني معظم اللي شوفته اقل من مستويا اصلا و اعتقد كثير جدا من الناس كده
يعني ممكن تلاقي ناس شعبين جدا و بنتهم دكتوره و هما شايفين ان ده يخليها مناسبه ليك اجتماعيه
تقعد معاهم كلامهم غير كلامك اسلوبهم غير اسلوبك الفاظهم غير الفاظك ذوقهم غير ذوقك
و يا ريت ده بيبقي الموضوع الوحيد بتلاقي البنت برضه مش مقبوله اصلا
طيب هتوافق علي ايه ما هو كل حاجه مش ما انت عايز مش حاجه او اثنين
ارجو الصوره تبقي وصلتك

برضه النهارده حضرت كتب كتاب و طبعا بقي كلام من كل لون علي اد ايه انا اتأخرت و راحت عليا و متجوزتش و بقي الولاد اللي قد عيالي بيتجوزوا
الملحوظه يا جماعه اني في خطوبه امبارح و كتب كتاب النهارده شايف ان العروستين حلوين مع ان العريس بتاع النهارده عنده 30 سنه و انا دورت من و انا عندي 29 و عمري ما جالي حد 1/50 من العروستين العروسيين دكاتره و صغيرين و اجتماعيا عاليين يمكن اعلي من الرجاله اللي خطباهم
السؤال اللي بيطرح نفسه ما انا كنت اصغر و بدور ليه ملقتش اللي يجبلي حد مناسب سؤال مش لاقي اجابه ليه غير ان في ناس ربنا كاتب ليها حظ في الدنيا و ناس لا اكيد في حكمه غير معلومه بس عدم معرفتها بيخلي الواحد تعبان و عمال يفكر خصوصا ان الوقت بيمر و الواحد المزايا اللي عنده بتقل كل ما بيكبر
يعني زمان كنت شاطر في شغلي و واخد منصب اكبر من سني بكتير و كنت الاصغر ما بين مجموعه الزملاء اللي في نفس المنصب في اقسام اخري بفرق كبير و سني صغير و يعتبر اللي عندي من ا لمميزات
دلوقت كبرت شويه و المنصب بتاعي بقيت انا اكبر واحد في اللي ا لموجودين و كل اللي ماسكين نفس المنصب في الاقسام الاخري اصغر من 5 الي 7 سنين و معنديش جديد اوي اقدمه لحد كعريس عن اللي كان موجود زمان
طيب المفروض دلوقت بقي اتجوز اي حد و ارضي بأي حد نتيجه اني مبقتيش مميز اوي
و لا بلاش اتجوز اصلا مادام هتجوز حد و انا مش راضي بيه بيني و بين نفسي بس علشان هو رضي بيا

المشاركة الأصلية كتبت بواسطة a7med_pharma

وماذا أقول بعد كل ماقيل سيدي الرئيس
...
كلمتين بس كده في كام نقطة
- البلد كلها محبطة .. لدرجة اني الي يتجوز في رأيي لازم يكون عنده تكبير دماغ خرافي عن حال البلد الي زي الزفت والمحبط والباعث على الكآبه والإكتئاب والإحباط
- البلد مش مستقـــره ماديا ولا اجتماعيا
- الي يجيب عيال في البلد دي يبقا بيظلمهم ظلم الأولين والأخرين
- ليه تشيل مسؤليه انت مش محتاج تشيلها
- في اول العشرينات الشاب بيكون حايح ع الجواز .. سنة بعد سنة بتتغير اهتماماتك ورغباتك وبتقل الرغبات مع الوقت وتبقا مركز في ان الباقي من عمرك تقضيه مبسوط او تعمل كل الي نفسك فيه قبل ماتعجز حرفيا
وللأسف بعد التلاتين بتكون رغبه الجواز قليلة او معدومة .. وبتكون الحاجة فقط لشريك سكن او واحدة ترعاك , مابيكونش هدف الجواز بعد التلاتين هو الحاجة (الماديه) او الاستقرار او كل الالش المصري زي تشوف عيل تفرح بيه ....إلخ

انت في الاخر برضه في اي سن بتبقي عايز تتجوز لأن مع الوقت بيبقي في وحده
صحابك بيبعدوا و بيختفوا و بتبقي في مجال الشغل صعب تكون صداقات حقيقه
اهلك بيكبروا و بيموتوا مش بتلاقي حد جنبك
بأختصار بتبقي وحيد
تقدر تعيش في الوحده مع نفسك يبقي تمام
متقدرش يبقي لازم تتجوز

المشاركة الأصلية كتبت بواسطة mody1982

برضه النهارده حضرت كتب كتاب و طبعا بقي كلام من كل لون علي اد ايه انا اتأخرت و راحت عليا و متجوزتش و بقي الولاد اللي قد عيالي بيتجوزوا
الملحوظه يا جماعه اني في خطوبه امبارح و كتب كتاب النهارده شايف ان العروستين حلوين مع ان العريس بتاع النهارده عنده 30 سنه و انا دورت من و انا عندي 29 و عمري ما جالي حد 1/50 من العروستين العروسيين دكاتره و صغيرين و اجتماعيا عاليين يمكن اعلي من الرجاله اللي خطباهم
السؤال اللي بيطرح نفسه ما انا كنت اصغر و بدور ليه ملقتش اللي يجبلي حد مناسب سؤال مش لاقي اجابه ليه غير ان في ناس ربنا كاتب ليها حظ في الدنيا و ناس لا اكيد في حكمه غير معلومه بس عدم معرفتها بيخلي الواحد تعبان و عمال يفكر خصوصا ان الوقت بيمر و الواحد المزايا اللي عنده بتقل كل ما بيكبر
يعني زمان كنت شاطر في شغلي و واخد منصب اكبر من سني بكتير و كنت الاصغر ما بين مجموعه الزملاء اللي في نفس المنصب في اقسام اخري بفرق كبير و سني صغير و يعتبر اللي عندي من ا لمميزات
دلوقت كبرت شويه و المنصب بتاعي بقيت انا اكبر واحد في اللي ا لموجودين و كل اللي ماسكين نفس المنصب في الاقسام الاخري اصغر من 5 الي 7 سنين و معنديش جديد اوي اقدمه لحد كعريس عن اللي كان موجود زمان
طيب المفروض دلوقت بقي اتجوز اي حد و ارضي بأي حد نتيجه اني مبقتيش مميز اوي
و لا بلاش اتجوز اصلا مادام هتجوز حد و انا مش راضي بيه بيني و بين نفسي بس علشان هو رضي بيا

انت ماشى بنظام واحد زائد واحد يساوى اتنين
و انك باير و معدش امامك غير واحده زى الاشكيف تتجوزها
دى ارزاق
هتلاقى جميلة الجميلات مستنياك لو مكتوبالك
و مازلت عند رأيي-سنك لا يعيبك و ممكن تتجوز واحده اقل منك 10 سنين او 12 سنه لا يعيبك او يعيبها كل ما فى القصة انك تتفهم مرحلتها السنية
و ممكن تلاقى واحده بفرق سنى اقل لسه مش اتجوزت
و ميغركش الشكل

المشاركة الأصلية كتبت بواسطة lena jo

انت تاني؟
حضرتك عملت موضوع (عملت ايه بعد ما خطبت ) و انا شاركت فيه و برده حضرتك افترضت اني متزوجة المرة دي افترضت كمان ان عندي اولاد. مع اني وضحت لحضرتك اني لم اتزوج اساسا لكن يبدو انك نسيت. انا لم اتكلم عن نفسي خالص و مش مهم اساسا .
انا ذكرت نماذج لناس اعرفهم ظروفهم مختلفة لتوضيح وجهة نظري ان مش كل واحد ظروفه حلوة و امكانياته عالية افضل حظا و ان كل واحد ظروفه وحشة او سنه كبير ييأس و يفقد الامل و انك تتوقع ان الظروف فقط هي التي تتحكم في زواجك و لكنها ارادة الله.
لكن يبدو من مشاركتك بعد حضورك كتب الكتاب انك لم تستفد شيئا من مشاركتي و لازال عندك الفكر اليائس .
اولا ميهمكش كلام الناس و لا ترد حتي عليهم و بعدين بدل ما تنظر للعريس الكبير شوية و مع ذلك حظة كويس و تقارن نفسك لما كنت اصغر و لم يحالفك الحظ مثلة ، بدل كدة شوف الموضوع من منظور تاني ان عندك فرصة مثله تتزوج واحدة مناسبة. ممكن تيجي علي اهون سبب .ربنا بيدبر الامور بس يكون ايمانك ان نصيبك هيصيبك . لكن لا تعلق حياتك علي هذا الموضوع يعني عيش حياتك عادي ميكونش التفكير ده محور حياتك.و لا تحسبها بالورقة و القلم و هتقدم ايه و الكلام ده ثم ايه اللي يجبرك تتزوج واحدة مش مقتنع بها اولا تتزوج . قلت لك المحطة مفتوحة 24 ساعة .لابد ان تكون مقتنع تماما و لا تتسرع و تقول جوازة و السلام.ربنا يوفقك

و الله انا مش متذكر موضوع ان حضرتك قولتي انك مش متزوجه معلش اسف بس بما اني معرفش حضرتك شخصيا فأكيد المعلومات مش بتتخزن في دماغي فأعذريني في النقطه دي
و الله هو مش فاكر يائس و لا حاجه بس يعني قليل من الاكتئاب