انطباعى عن الفتيس الاوتوماتيك

**memo1974** · 30-07-2015 06:40 AM

أنا سوقت تيرسل مانيوال و فورد اوتوماتيك و شاريد مانيوال
الخلاصة لما تكون خارج من مانيوال على أتوماتيك هتحن للمانيوال و العكس بالعكس
بس الاتوماتيك لو سلندر عالي 6 أو 8 هيكون أحلى ألف مرة من المانيوال الصغير
الفرامل بتستهلك بسبب الزحمة فقط مع الاتوماتيك

**memo1974** · 30-07-2015 06:43 AM

أنا سوقت تيرسل مانيوال و فورد اوتوماتيك و شاريد مانيوال
الخلاصة لما تكون خارج من مانيوال على أتوماتيك هتحن للمانيوال و العكس بالعكس
بس الاتوماتيك لو سلندر عالي 6 أو 8 هيكون أحلى ألف مرة من المانيوال الصغير
الفرامل بتستهلك بسبب الزحمة فقط مع الاتوماتيك

**GMakram** · 30-07-2015 11:53 AM

امال كنت هتقول ايه لو كنت سقت عربيه اوتوماتيك علي طريق سفر وفيها مثبت سرعه وانت قاعد مبتعملش اى حاجه؟

يمكن يكون كلامك صح في جانب انك تفاعلك مع العربيه بيقل جدا في الاوتوماتيك عكس المانيول ولكن الاتجاه العام دلوقتي بقي للفتيس الاستيبترونيك علشان يديك مميزات المانيول وراحه الاتوماتيك....انت راجل بتحب السواقه وبتستمتع بها علشان كدا مش مستمتع بالاوتوماتيك مع العلم ان للاسف طبيعه شوارع بلدنا بتفرض على الواحد انه لو نازل يسوق علشان يوصل مكان وبس انه هيشوف الاوتوماتيك هو الحل الافضل

تحياتى

**mohamed_berlit** · 30-07-2015 01:56 PM

المشاركة الأصلية كتبت بواسطة م أحمد

ملخص الكلام انت حابب المانوال لانه بيريح العربية

بس اللى بيفضل الاوتوماتيك علشان هو يرتاح..... و هو دا اللى برجحه....انت راكب عربية بتريحك مش انت اللى بتريحها

انا معاك مليون فى المائة يا استاذ م احمد فى رأيك، انا حابب المانيوال فعلا عشان بيريح العربية ، انت عارف انا لما بعت عربيتى القديمة ، اللى اشتراها قالى يا استاذ انت شكلك عمر ما هنت العربية ودة من كتر التوصيات اللى قولتهالوايعملها مع العربية بالاضافة لحالة العربية ساعتها.
ولذلك انا ماشى فعلا على مبدأ : راحة العربية ينتج عنها راحة صاحبها والعكس غير صحيح.
وشكرا لأهتمامك

**mohamed_berlit** · 30-07-2015 02:00 PM

الواحد من كتر ما بيرتبط بعربيتة وهو بيبعها تكاد دموعة ان تسقط انهارا
وبعد بالكتير شهر بتفتقدها وبتبقى تتمنى انك تشوفها ولو مرة كل شهر وتتطمن على انها سليمة ومش متهانة زى ما كانت معاك

**mohamed_berlit** · 30-07-2015 02:05 PM

المشاركة الأصلية كتبت بواسطة gmakram

امال كنت هتقول ايه لو كنت سقت عربيه اوتوماتيك علي طريق سفر وفيها مثبت سرعه وانت قاعد مبتعملش اى حاجه؟

يمكن يكون كلامك صح في جانب انك تفاعلك مع العربيه بيقل جدا في الاوتوماتيك عكس المانيول ولكن الاتجاه العام دلوقتي بقي للفتيس الاستيبترونيك علشان يديك مميزات المانيول وراحه الاتوماتيك....انت راجل بتحب السواقه وبتستمتع بها علشان كدا مش مستمتع بالاوتوماتيك مع العلم ان للاسف طبيعه شوارع بلدنا بتفرض على الواحد انه لو نازل يسوق علشان يوصل مكان وبس انه هيشوف الاوتوماتيك هو الحل الافضل

تحياتى

فعلا انا بستمتع بالسواقة جدا و زحام القاهرة بيشغلنى على انى استمتع بالسواقة ولذلك تلاقينى اوقات بنزل بعد 12 بالليل الف لفة وارجع

**mohamed_berlit** · 30-07-2015 02:09 PM

المشاركة الأصلية كتبت بواسطة tito29

ده بس علشان حضرتك جديد في موضوع الأوتوماتيك
أنا كنت زيك كده بالضبط من حوالي 5 سنين

بس يا باشا : مفتاح حل مشكلتك في حساسية دوسة البنزين برجلك اليمين ............. يعني حضرتك محتاج تزود شوية حساسية رجلك مع دواسة البنزين لأن كل صغطة بنزين ليها معني عند العربية و مع الوقت حضرتك حاتبقي زي حالاتي بأعرف أنقل نقلات الفتيس بأستعمال دواسة البنزين
و حاليا مش حاسس بأي مشاكل من أللي حضرتك ذكرتها بالعكس ده العربية بقت زي المانيوال بالنسبة لي و يمكن أحسن شوية كمان

ياريت يا باشا والله اوصل للاحساس دة

**Mahmoudyoussif** · 30-07-2015 04:16 PM

المشاركة الأصلية كتبت بواسطة mohamed_berlit

الواحد من كتر ما بيرتبط بعربيتة وهو بيبعها تكاد دموعة ان تسقط انهارا
وبعد بالكتير شهر بتفتقدها وبتبقى تتمنى انك تشوفها ولو مرة كل شهر وتتطمن على انها سليمة ومش متهانة زى ما كانت معاك

اه ولله عربيتي اربع سنين و بعتها عشان ظروف ... بقيت لما بشوف واحدة شبهها بزعل ... بالنسبة للمانويل
جربت سقت الاتوماتيك ... توصيف دقيق كانك بتكلم واحد يعمل حاجة و بيفهم متاخر ... ميزة المانويللما تحب تطلع من حد تسقط نقلة و تلاقي الموتور بيقلك اديني عكس الكيك داون اللي عبال لما يستجيب لدوسة رجلك
مش هتعرف تعمل اللي عايزة