الموضوع: الاستعدادت النهائيه للسفر الي السودان

المشاركة الأصلية كتبت بواسطة eso101

من الردود حسيت إن السودان أشبه بدول أوروبا
السودانيين في الخارج معاملتهم للمصريين ليست جيدة ..
يمكن في بلادهم الشعب على فطرته ..
أو المصري اللي بيروح هناك بيبقى محتفظ بحجات كتير لنفسه عشان يعيش
لكن الواضح إن فيه فئة من المصريين كرهت الناس فينا برا
ولكن السودان مش بس الخرطوم .. المدن الكبيرة دي للأغنياء
لكن السودانيين معظمهم في قرى الخدمات فيها منعدمة
كان واحد سوداني بيحكيلي إن في قريتهم لا يوجد مياه صالحة للشرب
ولما بينزلوا أولاده للقرية مش بيقدروا يشربوا من المياه اللي بيشربوا منها أهل القرية
من شدة إتساخها
وبيضطروا يقضوها مياه غازية لحد مايمشوا

عمومًا
لما توصل أرجو إنك تنقلنا تجربتك مصورة بالتفاصيل عن الأسعار والخدمات والمميزات والمعيشة
عشان الكل هنا يقدر يستفيد بأكبر قدر ممكن من المعلومات من أرض الواقع
هتبقى تجربة مميزة بدون شك
ربنا يوفقك

اذا كان المصريين معاملتهم لبعض اصلا زبالة الا القليل
انا عن نفسي افضل اتعامل مع السوداني ولا اتعامل مع مصري
بالذات بتوع ماسر اوم التونيا

كان ليا كام سؤال برضه

1- اقصي مده لاذن السفر قد ايه ؟؟؟

2- الانترنت هناك بطئ زي هنا و لا كويس بحكم ان اللي بيستخدموه قليلين ؟؟؟

3- النظام البنكي هناك عقيم زي هنا و لا كويس ؟؟؟

4- البنزين هناك 90 و 92 زي هنا و لا ممتاز و جيد زي الخليج مثلا ؟؟؟

5- هل فعلا مفيش دور عرض للافلام ؟؟؟

علي فكرة لو معاك اعفاء نهائي مش محتاج تصريح سفر ....

انا بسافر بقالي سنتين بدون تصريح سفر (( بتاخد اصل شهادة الاعفاء + صورة منها )) وانتا بتختم الجواز في مصر ..بيطلع علي الاصل وبياخد الصورة ...انا بسافر كدا علي طول ولسة مسافر من 10 ايام

المشاركة الأصلية كتبت بواسطة حسام الغرباوي

علي فكرة لو معاك اعفاء نهائي مش محتاج تصريح سفر ....

انا بسافر بقالي سنتين بدون تصريح سفر (( بتاخد اصل شهادة الاعفاء + صورة منها )) وانتا بتختم الجواز في مصر ..بيطلع علي الاصل وبياخد الصورة ...انا بسافر كدا علي طول ولسة مسافر من 10 ايام

للاسف مكتوب في الباسبور بتاعي "في سن التجنيد" مع اني 28 سنه و والدي 57 سنه ... وحيد و معايا شهاده الاعفاء المؤقته ... مضطر اسفا اطلع تصريح سفر

علي اساس ان والدي هيخلف ولد تاني و لا هيتجوز واحده تانيه عشان يخلف ولد تاني

لازم تتذل لحد سن التلاتين عشان تاخد اعفاءك النهائي و تخلص

الله يلعن ابو التخلف اللي ملي البلد

المشاركة الأصلية كتبت بواسطة أحمد كمال

1- اذن السفر مدته بتبقى للخروج مش للعودة ... هل ممكن اتسأل انا رايح هناك ليه ؟؟؟ او يرخموا في طلب معين مثلا ؟؟؟

2- مين قال لك اللي بيستخدموا الانترنت قليلين في السودان؟ يا جدعان و الله العظيم السودان ما هي في مجاهل غابات افريقيا ! ههههههههههه انا مقولتش كده ... انا قصدي ان الموضوع نسبه و تناسب .... هنا 90 مليون و معظمهم بلا عمل اصلا فالضغط علي الانترنت هيبقي رهيب ... لكن هناك 40 مليون تقريبا فالضغط علي الانترنت مش قوي ... ده قصدي

الانترنت كويس و سعر الانترنت و الاتصالات رخيص جدا .......

3- عقيم ... طب ينفع افتح حساب بنكي باسمي بدون شروط معقده زي هنا ؟؟؟ هنا لازم مسمي وظيفي في البطاقه و ده مش متوافر عندي للاسف

4- فيه كذا اوكتين بس مش فاكر كام

5- فيه