الموضوع: نصائح حول تجهيز السيارة رينو فلوينس قبل السفر

المشاركة الأصلية كتبت بواسطة batman372

الف مبروك :)
السياره جديده و بالتالى لا تشغل بالك باى حاجه :)

اهم الاجراءات الطبيعيه قبل اى سفر :
التاكد من ضغط الكاوتش و الاستبن و ظبطه لو احتاج
القى نظره بصفه عامه على منسوب السوائل ... يكون بين ال min و max

بالنسبه للغسيل ... لا تفتح الكابوت و تغسل المحرك ابدا
لكن غسيل من الخارج و الداخل عادى
ممكن الغسيل من اسفل و لكن ضغط المياه يكون افقى و لسي لاعلى ...

تحياتى ...

شكرا على النصائح المفيدة ، و لكن:
# أرجو توضيح ما هى السوائل التى تقصدها؟ ، و كيف يمكن قياس منسوبها؟ (الشىء الوحيد الذى أعرفه هو الضغط على أحد الزرارين الموجودين على طرف ذراع التحكم فى حركة المسّاحات فتظهر على شاشة العرض 6 دوائر توضح مستوى زيت المحرك)
# لاحظت وجود طرق متعددة للغسيل (آليا مثل الفرشاة الضخمة الدوّارة) أو (يدويا بواسطة خرطوم و إسفنجة أو بواسطة قماشة عادية و جردل) ، فأىّ هذه الطرق أفضل و لا تسبب خدوش فى طلاء السيارة؟
# هل يوجد نوع محدد من المنظفات لا يضر طلاء السيارة؟

المشاركة الأصلية كتبت بواسطة hesham fawzy h

اعتقد مفروض توديها التوكيل بعد 1000 كم يغيرلك زيت و شيكو على العربية

المشاركة الأصلية كتبت بواسطة batman372

فى الفلوانس اول تغيير زيت عند ال ١٠ الف كم ...
و عندك زياره مجانيه كل ٥ الف كم لو بتشتكى من اى حاجه ...

المشاركة الأصلية كتبت بواسطة hesham fawzy h

دا فى اارينو كلة ولا فى الفلوانس بس

المشاركة الأصلية كتبت بواسطة batman372

فى الفلوانس
مش عارف ايه نظام بقيت الرينو مثل اللوجان و السانديرو الستيب واى

المشاركة الأصلية كتبت بواسطة wael30003

فى الرينو كله انا كان معايا لوجان وكنت باعمل صيانة ٥٠٠٠مجانى

هذه المناقشة أصابتنى بالحيرة ، و مما زاد حيرتى أننى:
إتصلت بوكيل رينو (فرع الدقى) فأخبرنى أن أول صيانة للسيارة فلوينس تكون بعد 5000 كم ، أما الصيانة بعد 1000 كم تكون للسيارات لوجان و سانديرو.
و إتصلت بوكيل رينو (فرع المهندسين) فأخبرنى أن أول صيانة للسيارة فلوينس تكون بعد 10000 كم أو سنة من تاريخ الشراء (أيهما أقرب).
و لذلك أرجو الإفادة من أصحاب السيارة (خصوصا موديل 2015).

المشاركة الأصلية كتبت بواسطة wael30003

لى تعليق طريف على مشوار السفر اللى هاتسفره حضرتك .....
انا مقيم فى الرياض ......ولما احب اعمل عمرة باخد سيارتى سيراتو ٢٠١٥ .....واطلع على الطريق .....واول استراحة باعملها بعد ٥٠٠كم قيادة متواصل ......عشان الطريق حوالى ٩٥٠كم ......وعشان ما احسش بطول المسافة ......لما قرأت المسافة اللى انت هتقطعها فى سفرك حسيت انها دوسة بنزين بالنسبة لمشوارى ......
ربنا يقويك بس انت مش محتاج غير تفحص ضغط الهواء بس .....العربية لسه جديدة مش محتاج حاجة تانية ....ربنا يبارك لك فيها ....ويكفيك شر الطريق

المشاركة الأصلية كتبت بواسطة mmsobhi

ال400 كيلو دول في مصر ب2000 كيلو في السعويه..ممكن تلاقي فيهم 100 مطب و200حفره عندنا..هههههه

المشاركة الأصلية كتبت بواسطة dr_mohamed16

اعتقد كتير ان تكون اول استراحة بعد 500 كيلو بالنسبة للسيراتو

كنت أسافر فى السعودية لمسافات طويلة جدا فعلا و لكن من خلال شبكة ممتازة من الطرق ، و على الرغم من أنها تكون طرق صحراوية أو جبلية إلا أن القيادة فيها تكون أكثر متعة من طرقنا المسماه خطأً بإسم الطرق السريعة.