الموضوع: الزواج الثاني ... إزاي تقنع الإتنين

المشاركة الأصلية كتبت بواسطة عﻻء سالمان

الناس زمان كانت متربية وعندها مبادئ .. كانت البنت الى تترمل او تتطلق بدرى اهلها ميسيبوهاش وﻻ يهدالهم بال إﻻ لما يجوزوها تانى..احنا فى ازمة اخﻻقية كبيرة لها ثﻻثة محاور اولها ان ماعادش اﻷقارب بيفكروا زى اهل زمان بسيبوا الوحيدة على حالها ويتلهوا فى حالهم وينسوا لحمهم..إﻻ من رحم ربى والتانى ان العفيفات مسجونات بعفتهن و غالبا ما يصيب النساء الغيرة منهن فيحجمن عن ذكر سيرتهن فتكون النتيجة ان الطاهرة العفيفة تظل تغدو وتروح سنوات دون ان يشعر بها احد فهى ﻻ تبدى اى زينة و ﻻتجيد لفت اﻷنظار..وهذا صب فى اتجاة فتنة كبيرة اصابت الأخريات من تحت قاعدة انتى لو مدردحتيش مش هتﻻقى حد يبصلك..فبتكون نتيجتها المؤلمة ان من ازالت برقع الحياء وتعالت صحكاتها ورفعت التكليف مع اﻵخرين وتقربت لعريس صاحبتها ..صاحبة فرصة كبيرة للإستقرار..اعلم ان الله هو العدل وﻻ يترك احدا ..ولكننا مقصرون فى عدم تذكية من نعرف من الصالحات لمن نعرف من الصالحين كما اننا مقصرون فى استهجان السعى للزواج الثانى وما فعل صاحب السعى الا التسنن واﻹقتداء بالحبيب والسلف الصالح.. لقد اصبح مبدأ التعدد اﻵن غريبا مع ان فية حلول الكثير من المشكﻻت فالمرأة تحتاج فى حياتها لرجل ينصحها ويشعرها بقيمتها وخصوصا حين تمارس اموموتها وما فيها من تعب لذيذ يؤنسها ويستوعب طاقات الرحمة الفطرية لديها .. التعدد لة رجالة بمعنى انة يعتمد بصورة اساسية على شخصية الرجل والتزامة وعلى تدين زوجتية ويتطلب طول البال وتوسعة الصدرو إقتداء بسيرة النبى والراشدون من بعدة مع زوجاتهم..إذا نجحت فى اقناع الزوجة الأولى ان تلك ارادة الله فى أرضة وهذة سنتة فى خلقة فإذا نجحت فى انتزاع موافقتها على الأمر مع الإحتفاظ بها فاقدم علية و إذا لم تنجح فاعد التفكير فى الموضوع من اولة وصلى استخارات بنية الهداية للرأى السليم

طيب لو موافقتش
أصل مفيش زوجة هتوافق .. فالحل إنها تكون على علم فقط
و لكن الزوجة مش لازم توافق
المشكلة الحقيقية في اللي هتتزوجها لإنها هيا اللي لازم توافق
ممكن تقتنع إزاي بإنها تكون زوجة تانية ؟

فالمشكلة إن إحنا مش بنواجه رفض الزوجة بس في حالة رغبتنا في الزواج
كمان بنواجه رفض من اللي هتكون زوجة تانية
..
يعني لو الزوجة موافقة ( ودا مستحيل ) هتلاقي الرفض من التانية
فاللي بيتزوجوا 2 والإتنين عارفين .. بيعملوها إزاي دي !

المشاركة الأصلية كتبت بواسطة sherifahmed

( وَإِنْ خِفْتُمْ أَلَّا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلَّا تَعُولُوا )

سؤال معلش عشان انا عندى رأى بس قلت اسأل الاول
هوا مين اليتامى اللى فى اول الاية الكريمة و ايه علاقتهم ببقية الاية؟

ما العلاقة بين اليتامى وتعدد الزوجات في قوله تعالى وإن خفتم ألا تقسطوا في اليتامى فانكحوا ما طاب لكم من النساء ؟ - islamqa.info

المشاركة الأصلية كتبت بواسطة exelence

حاول ترضيها و كلنا بنتنازل علشان خاطر الدنيا تمشى.
الواحد لو هيفكر فى الجواز التانى بعد كل مشكله يبقى كلنا هنتجوز تانى مع ان انا بقى ليا تفكير تانى و هو ان فكرة الزواج غير قابلة للتكرار نظرا" لما اصبح عليه الزواج الآن.

مش بفكر في الزواج عشان زوجتي في بيت أهلها
أنا مش مرتاح مع زوجتي ومش عايز أطلقها عشان اللي بينا
هعيش طول عمري مش مرتاح كدا ؟
أنا عندي 30 سنة
يعني كمان 10 سنين هتكون صحتي على قدي ورغبة النساء في الأربعيني بتتلاشى
وهيبقى منظري غبي وأنا بتكلم عن الجواز في السن دا وخصوصًا لو عندي أسرة عشت معاها سنين طويلة
دا لو لقيت الإنسانة المناسبة ولو قبلت بواحد متزوج وأربعيني كمان

فأنا في السن المناسب وقابلت الإنسانة المناسبة وفرصتنا في تكوين أسرة موجودة وكبيرة
أسيب الفرصة دي ليه .. الفرصة دي مش هتكرر تاني .. والعمر بيجري

المشاركة الأصلية كتبت بواسطة mody112

الزواج الثانى مشروع ولكن فى رايي يجب ان يكون له سبب .
ان زوجتك لا تنجب مثلا - بها امراض عضوية - لا تقم برعايتك - لا تلبى رغباتك - كثرية المشاكل ولا تسعد معها .


اما ان تتزوج بغير سبب فمتهيالى ده بيبقى ظلم لنفسك قبل زوجاتك .
وخد بالك ان فى الزواج باكثر من واحده تشترط الله تعالى العدل ولا فواحدة .

مش لازم سبب على فكرة.. دا من ناحية الشرع
بس عرفًا لازم يكون فيه سبب وأدبيًا يعني الإنسان مش هيروح يتزوج وزوجته كويسة معاه
وأنا عندي سبب مش فراغة عين

المشاركة الأصلية كتبت بواسطة mikho83

أخويا اتجوز التانية وفضل مخبي على الكل لمدة سنة (هو عايش برة)، وبعد ما أولاده من الأولى خلصوا امتحانات أعلن للكل الخبر. #أخويا_بطل :)

مش هخبي .. لو وافقت هتزوجها بعلم الجميع وهتاخد حقوقها كاملة في النور
مش هخبي دقيقة وحدة أيًا كان السبب .. دا حقها قبل مايكون حق أي حد تاني

المشاركة الأصلية كتبت بواسطة ahmedwagdy03

الرجل يعيش فى الخبر بالسعودية و واضح تأثره بما يراه

الثقافة هناك هى تعدد الزوجات و ده شيىء عادى جدا عندهم و يمكن الزوجة بتخطب الثانية لزوجها

الثقافة عندنا مختلفة فلا أنصحك إذا كانت زوجتك الأولى مصرية

السعوديين بيتزوجوا أي زوجة والسلام
يعني الغرض من الزواج يجيب زوجة وخلاص
إنما أنا رغبتي في الزواج ليها أسباب كتير ومش أي وحدة عايز أتزوجها وخلاص
وعارف طبعًا إن دا مرفوض في مصر وأنا لم أقابل معدد مصري في حياتي
ومفيش حد اعرفه لا في عيلتنا ولا معارفي المصريين فكر يتزوج على مراته أو حتى حب غيرها
لكن دا مايمنعش إنه شرع موجود للحالات دي
يعني لما تلاقي نفسك أمام خيارين إما تطلق مراتك أو تتزوج عليها
الأحسن إن تتزوج

المشاركة الأصلية كتبت بواسطة eso101

السعوديين بيتزوجوا أي زوجة والسلام
يعني الغرض من الزواج يجيب زوجة وخلاص
إنما أنا رغبتي في الزواج ليها أسباب كتير ومش أي وحدة عايز أتزوجها وخلاص
وعارف طبعًا إن دا مرفوض في مصر وأنا لم أقابل معدد مصري في حياتي
ومفيش حد اعرفه لا في عيلتنا ولا معارفي المصريين فكر يتزوج على مراته أو حتى حب غيرها
لكن دا مايمنعش إنه شرع موجود للحالات دي
يعني لما تلاقي نفسك أمام خيارين إما تطلق مراتك أو تتزوج عليها
الأحسن إن تتزوج

أراك مصرا على الزواج
عموما هذا حقك ، ولكن لا تتسرع في اختيار الزوجة الثانية حتى لا تصبح المشكلة مشكلتين
تمنياتي بالتوفيق

المشاركة الأصلية كتبت بواسطة hilal

أراك مصرا على الزواج
عموما هذا حقك ، ولكن لا تتسرع في اختيار الزوجة الثانية حتى لا تصبح المشكلة مشكلتين
تمنياتي بالتوفيق

مصر على الزواج من واحدة تحديدًا ... مش لسه هختار
اللي عايز أتزوجها موجودة بالفعل ... بس هيا توافق .. لو مردتش هكلم والدها
لو موافقتش بعد كدا خلاص .. مش هتزوج لإني مش هحط نفسي في مشاكل بدون سبب يستحق