الموضوع: فضيحه تكييف بيجو 508 2015 الفيس ليفت الي فصل بعد 4800 كيلو و تعامل التوكيل المخزي

قدر الله وماشاء فعل المهم انك بخير الحمدلله وحضرتك واحد من الناس القلائل الى بتحصل فيهم مشاكل فى العربيات يعنى الموضوع انشاءالله يعدى علىخير وطمنه عنك اول باول

لا اله الا الله ... ربنا يعوضك خير

المشكلة مش في العربية ، أي عربية معرضة لعطل زي كدة ، لكن المشكلة في التوكيل المهمل المستفز علشان كدة في مصر بتبص علي التوكيل قبل العربية

السلام عليكم انا بشكر الاخوه الافاضل الي شركوني مشكلتي و واسوني ونصحوني . انا اسف اتاخرت على حضرتكو الحمد لله اتحلت على خير ادوني ميعاد ثاني يوم في فرع غمره الساعه 8.30 الصبح لاني رفضت اروح ابو رواش و ادوني رقم صيانه و اسم مهندس هناك اسمو علي محمد . رحت في ميعادي و وقفت في الدور و نزلت اسال على سعاده البيه المهندس على محمد يقولولي بيجيب حاجه و جي اصلو جوه لسه ما خرجش شويه و هايجي ادخل استناه جوه . لحد اما سيادتو شرف بعد نصف ساعه . راح و بص على السياره و قالي انتظر شويه و انشغل مع عمله ثانين . اما اكلمت خلى واحد زميلو تاني معرفش اسمو مليان شويه يروح يشفها راح بص عليها و رجع قعد على مكتبه و انشغل مع عميله ثانيه و لا كاني واقف منتها الاستهتار و قله الزوق . انفعلت و قعدت ازعق بشكل هستيري لدرجه ان الناس كلها كانت بتتفرج عليا لحد اما جالي مهندس قمه في الادب و الاحترام اسمه باهر و فضى نفسه لمشكلتي وعمل امر دخول واستلم العربيه ودخلها لمكان الصيانه وصراحه استحملني شويه في الاول لاني انفعلت عليه هو كمان لحد اما تبين ليا انو فعلا عايز يساعدني و فضل متابعني و عرفني انها مشكله صغيره حاجه اسمها ( مقاومه مروحه ) وانا بكتب الموضوع دلوقتي اتصل بيا المهندس محمد مدير فرع غمره وابدى اهتمام شديد بالي حصل الصراحه انسان محترم و خلوق شرحتله الموضوع واعتذر وبينلي ان فرع غمره فرع رأيسي و عليه ضغط كبير و ان الي حصل كان غصب عنهم من ضغط الشغل و عرض خدماته كتر خيره . انا من نحيتي بعد ما اتحلت مشكلتي على خير و الي حصل من استاذ هشام و استاذ باهر و مكالمه ا محمد مدير الفرع انا سامحتهم . و تبين ليا حاجه مهمه و اعتقد صعب جدا انها تتحل المفروض ان الوكيل يكون عارف حجمه وعدد مركز صيانته و فنيينو و على اساسه يستورد عدد سيارات على قد الخدمات الي يقدر يقدمها او يطور نفسه ويزود فروع الصيانه بما يتناسب مع السوق . الناس زوق و محترمين بس اما بيضغطوا ما بيعرفوش يقدموا الخدمه كما يجب و هنا المشكله

المشاركة الأصلية كتبت بواسطة محمود عطيه

انا من نحيتي بعد ما اتحلت مشكلتي على خير و الي حصل من استاذ هشام و استاذ باهر و مكالمه ا محمد مدير الفرع انا سامحتهم . و تبين ليا حاجه مهمه و اعتقد صعب جدا انها تتحل المفروض ان الوكيل يكون عارف حجمه وعدد مركز صيانته و فنيينو و على اساسه يستورد عدد سيارات على قد الخدمات الي يقدر يقدمها او يطور نفسه ويزود فروع الصيانه بما يتناسب مع السوق . الناس زوق و محترمين بس اما بيضغطوا ما بيعرفوش يقدموا الخدمه كما يجب و هنا المشكله

الحمد لله لنها اتحلت على خير
هو ده اللى حضرتك توصلت اليه بالتجربة العمليه قلته فى مشاركتى الوكيل عاوز يبيع وخلاص دون النظر الى مستوى خدمة ما بعد البيع

الحمدلله انها اتحلت على خير وطمنا العربيه احبارها ايه معاك وهيا الفئه الهاى لاين وله توب لاين وله الستاندر