الموضوع: فضيحه تكييف بيجو 508 2015 الفيس ليفت الي فصل بعد 4800 كيلو و تعامل التوكيل المخزي

المشاركة الأصلية كتبت بواسطة prooo

مبدئيا الحمدلله ان مشكلتك اتحلت وجت على خير بدون اي مشاكل ومصاريف زياده ..... بس اعتقد حضرتك لازم تعمل موضوع وتوضح فيه اللي حصل عشان خاطر كلمه فضيحه دي كبيره اوي على اللي حصل وممكن بسبب موضوعك ده تخلي ناس كتيره من اللي حاجزين العربيه يسحبوا فلوسهم مع ان العربيه بشهاده ملاكها مفهاش اي عيوب جوهريه ..... ومعلش حضرتك غلطت انك اتعاملت معاهم مباشره عشان معروف توكيل بيجو مش قد مسئوليه العربيه وتعاملك بعد كده يبقى مع مراكز الخدمه وفي مركز خدمه الناس كلها بتشكر فيه وبيقدم اعلى مستوى من التوكيل التعبان ...... مبروك على العربيه واستمتع بيها انت ماشاء الله معاك عربيه من احسن العربيات اللي موجوده في السوق دلوقتي ومتخليش مشكله تافهه زي دي تكرهك في العربيه ...... ارجو تقبل مروري وكلامي بصدر رحب ...... وانا لست من ملاك العربيه على فكره ..... ولكن احقاقا للحق وجب التنويه وحضرتك زي معملت موضوعك والناس تفاعلت معاك اعمل موضوع تاني عشان الناس اللي حاجزه متفلقش ....... وشكرا

عامل من عوامل قرار شراء سيارة واختيار الماركة هى توكيلها
ما دام مش بيدى العميل الخدمة المفترضة يبقى لازم يتعرف عنه ده للكل
مراكز الخدمة المعتمدة مساعدة للتوكيل
التوكيل بيكون فيه امكانيات اكبر واجهزة اكتر

المشاركة الأصلية كتبت بواسطة prooo

كلام حضرتك مظبوط ....... بس في حاجتين انا حابب اوضحهم ..... انا مقولتش الناس متعرفش لا بالعكس لازم مشكلته تتعرف بس مش بفكره الفضيحه لان ببساطه شديده المشكله اتحلت ومقعدتش كتير كمان الغلطه كانت من الاول من خدمه العملاء اللي بعتوه وخلاص على امل يحلوله.المشكله في ساعتها وره طبعا استحاله في توكيل لان بيبقى في ناس تانيه حاجزه برده ........ ولو حضرتك الواحد قبل ميشتري عمل لحساب التوكيل اوي ومبصش على مراكز الخدمه المعتمده وبكرر المعتمده اللي هيا من وجهه نظري اقوى من التوكيل يبقى محدش يشتري اوبل ولا هيونداي ولا فولفو ولاسيتروين ولا بيجو لانهم توكيلات فاشله .......

فيه توكيلات موزعيها اسواء بكتير من التوكيل
انا اشتريت الكيا ومكنش فيه موزع معتمد للتوكيل ولا حتى موزع معتمد قطع غيار غير واحد
وساعات كان يديكى حاجة مش اصلى
التوكيل بيكون فيه اجهزة اقوى
كيا كان فيها مهندس كورى
Workshop manualعبارة عن مجلدات بحجم دولاب

التوكيل رقيب على الموزع
وهو اللى العميل يلجا له لو الموزع مصلحش كويس ولا تراخى

واصلا لة عند الشراء بصيت لوجود موزع
ممكن التوكيل بعد فترة يلغيه

البرقان كان مركز معتمد هيونداى وفيات فى فيصل
والناس سابت اوماترا وراحته
وعندهم اجهزة محترمة
ظبط شاسيه
جهاز لظبط رجلاش النور
كوريك للفتيس ينزل عليه لو بيتحل وغيره
نقل مكانه وجه ابورواش جنب التوكيل وبقى مش معتمد
العميل اللى فكر عند الشراء وقال البرقان يغنى
اضطر كدة يرجع للتوكيل ويتعب معاهم