الموضوع: مقبل على شراء الصني ، اكمل ولا بلاش ، انصحوني ؟

المشاركة الأصلية كتبت بواسطة salam100100

يسلم فمك
سيبوا ملاك العربيه يشاركونا بتجربتهم مع العربيه
العربيه معايا بقالها سنه: عامل 15000 كم
مبشتكيش من حاجه. الفرامل رائعه , لسه مبشتكيش منها

العربيه مقتنع بيها جدا
احييك على ان حضرتك وقفت صاحب الصنى فالشارع وسالته عن العربيه

لكل مشترى مقبل على شراء سياره (اى سياره) ياريت متكتفوش بالنت والمعلومات اللى فيه
اسال ملاك العربيه وخد المعلومه من بقهم

ربنا يخليك يا فندم

هو انا بحب اطبق نظرية اسأل مجرب , طبعاً مع احترامي لكل الأراء التانية و الناس اللي شاركت معايا في الموضوع انا بشكرهم جداً , بس انا فعلا عايز اسمع أراء الناس اللي معاها العربية بالفعل وده اللي خلاني عملت كده

والحمدلله بدأت دلوقتي أجمع أراء ايجابية لناس معاهم العربية بقالها فترة , وبدأت اكون صورة أفضل عن العربية, ولسه منتظر المزيد من التجارب , ربنا يسهل

العربية معايا من 3 سنين و كنت من اوائل الناس اللي اشترت supersaloon
في الاول كان فيه مشكلة في منظومة الفرامل غيروهالي كلها في الضمان و بعدين بلية العجل الخلفي وغيروها في الضمان بردة.
انا ماشي بها 30000 الف،كيلو بس لاني مش بسافر بها، غير انها عملت حادثة و فضلت كام شهر مستني قطع الغيار تتوفر.

انا في المجمل شايفها كويسة و عيوبها التيل اللي بيخلص بسرعة و يبوظ الطنابير و ان كان،يقال ان التيل الجديد نزل او نازل قريب.

و الثبات مع الهوا. بيبقي سئ
دول العيبين الواضحين ، و افضل مركز خدمة من وجهة نظري اوتوايجيبت

شكرا لمشاركة حضرتك في الموضوع ، وادي تقييم كمان محايد للعربيه

السلام عليكم
اي سياره بهاعيوب ومميزات تقبل بها او ترفضها هي موجوده
في ناس بتحب تجري فوق 150 ك .م وتقفل امبير واصور العربيه وتقوللك اهو ده الثبات
وفي نا س مبتحبش تجري .
في ناس مش فارق معاها الشكل من جوه اوي وفي ناس فارق معاها
انت شوف حضرتك العيوب اللي فيها الاول وهي اكيد اكيد اكيد فيها طبعا عيوب
لو انت متقبلها وتتقدر تتغلب عليها ومش فارق معاك هاتها هي تمنها بصراحه مليها. ملو بالنسبه طبعا للا سعار اللي احنا بنشوفها . يا محترم مثلا التويوتا كورولا المستعمله موديل 2007 وعامله وق 100000ك.م بتعمل فوق ال100الف جنيه
ويقولك اصلها تويوتا. ده اسمه كلام
انا معايا السياره موديل 2013 والعربيه تم استدعائها وغيرت شوية حاجات في الفرامل .
واهو الحمد لله طالما خدماني.
مفيش حاجه كامله

أقسم بالله زميل راح المرور يسلم نمر الصني بتاعته بعد ما اتكهنت أثر حادث بسبب الفرامل. الضابط سأله سؤال. قاله:
ليه كل الناس إلي بتسلم نمر السنادي "نيسان صني"؟؟؟

المشاركة الأصلية كتبت بواسطة gold_777

السلام عليكم
اي سياره بهاعيوب ومميزات تقبل بها او ترفضها هي موجوده
في ناس بتحب تجري فوق 150 ك .م وتقفل امبير واصور العربيه وتقوللك اهو ده الثبات
وفي نا س مبتحبش تجري .
في ناس مش فارق معاها الشكل من جوه اوي وفي ناس فارق معاها
انت شوف حضرتك العيوب اللي فيها الاول وهي اكيد اكيد اكيد فيها طبعا عيوب
لو انت متقبلها وتتقدر تتغلب عليها ومش فارق معاك هاتها هي تمنها بصراحه مليها. ملو بالنسبه طبعا للا سعار اللي احنا بنشوفها . يا محترم مثلا التويوتا كورولا المستعمله موديل 2007 وعامله وق 100000ك.م بتعمل فوق ال100الف جنيه
ويقولك اصلها تويوتا. ده اسمه كلام
انا معايا السياره موديل 2013 والعربيه تم استدعائها وغيرت شوية حاجات في الفرامل .
واهو الحمد لله طالما خدماني.
مفيش حاجه كامله

كلام حضرتك مظبوط جدا وفيه الخلاصه
انا فعلا شايف ان اسعار المستعمل مبالغ فيها بشكل رهيب ، يعني ايه واحد يبيع عربيته بعد ٥ و ٦ سنين بأكتر من تمنها زيرو وقت ماشتراها ، لأ وكمان ماشيه كتير جدا يعني مستهلكة ، وده اللي مخليني ميال اكتر ان اجيب زيرو يكون سعره معقول
فلقيت ان اللي موجود في الحدود اللي معايا الصني واللوجان والمتسوبيشي الاتراج وانا بصراحه شايف ان الصني افضلهم شكلا و امكانيات ، وبالتالي لو هاجيبها لازم ابقى عارف مشاكلها وراضي بيها على اساس value for money

استاذ أحمد حسن , أنا متشكر جداً لمشاركتك دي , اللي فعلا شجعتني أكتر على خطوة شراء الصني بإذن الله
وفعلا العربية حاليا بتنزل بكاوتش بريدجستون , وانا زي حضرتك بركنها في جراج خاص تحت البيت وانا الحمدلله من النوع اللي بيحافظ قوي على عربيته عشان كده عايز أجيب زيرو وربنا ييسر الأمور