مقبل على شراء الصني ، اكمل ولا بلاش ، انصحوني ؟

**Khelnahas** · 25-08-2015 01:37 PM

ابعد عنهالفرامل فيها مشاكل ، الصاج ضعيف جدا و بيطبق من اقل حاجه ، التيل بيصفر ، الطنابير اي كلام ، التكييف ضعيف عربية زبالة
مع ناس زميلى وزهقو منها
لو عاوز تجيب نيسان هات الشكل القديم عربية جامدة ومفيش منها مشاكل

**salam100100** · 25-08-2015 02:58 PM

النيسان (صنى الشكل الجديد) لو عربيه رديئه هتموت مع الوقت برغم الانتشار الرهيب اللى احنا شيفينه دلوقتى

عربيات كتير انتشرت جدا لكن مع الوقت بقت نادره تشوفها فالشارع
هديكو امثله لدا:
فيات سينا- بونتو (مش هتكلم عن اونو-تيبو-تيمبرا-برافو-برافا)
كيا سيفيا وبرايد- سبيكترا- شوما
دايو ماتيز -جوليت -وليجانزا
بيجو 206 و405
رينو كليو وميجان
سيتروين اكسارا- بيكاسو- cx
اوبل فيكترا- كورسا
سكودا فيفورت -فورمان- فابيا- فيليشيا
سوزوكى فيتارا
سيات ابيزا- توليدو- قرطبه
فورد فيستا- كا- مونديو
فولكس بورا (اللى هيا جتا حاليا)- بوينتر- بولو 1300
الصينى: جيلى شيرى- qq

انا بردو بتكلم لو رحت توكيل وسئلته ايه اكتر عربيه بتبعها سنه مثلا 2000
انا بتكلم عن عربيات (موديلات) انتشرت/ مبيعاتها عاليه- فالشارع اخر 15-20 سنه والان نادرا ماتشوفها

ليه؟
السؤال دا موجه لكل الاعضاء
ليه عربيات انتشرت وماتت؟ وعربيات تانيه لسه ماشيه على الارض (بتأوح)

الصنى الشكل الجديد هيموت هيموت, زيه زى عربيه
هل فيها مشاكل ؟ اكيد
المهم هتعد اد ايه فالشارع المصرى؟ محدش يعرف
هل الانتشار دا فى مصلحتها؟ دا اكيد
طيب ماتيجى انهاردا سنه 2015 نقارنها ب ******* ونحاول نتوقع كمان 10 سنين انهى واحده هتكون لسه ماسكه نفسها؟

المهم تكون مقارنه عادله ومتكافئه

محش يزعل لو من ملاك العربيات اللى ذكرتها فوق, انا ولدى معاه فيليشيا 1995 ولسه معاه عامله 450000 كم ولسه معمرناش لكن الواقع بيقول انها فاشله بمقارنتها بالوكتافيا فالمابيعات

**Dr. Ramy** · 25-08-2015 10:42 PM

و الله بدون تحيز العربية رائعة جدا جدا جدا جدا جدا جدا جدا بالنسبة لسعرها, اللي عمالين يشتموا فيها دول يروحوا يركبوا مرسيدس لو معاهم, لكن العربية دي بالنسبة للسعر ده عربية كاملة شكلا و موضوعا, أداء قوي و واسعة و سواقتها مريحة و شيك و عملية, لو عايز عربية في السعر ده متفكرش و توكل علي الله في الصني و إن شاء الله هتتبسط منها.

**salam100100** · 26-08-2015 10:14 AM

انتشار العربيه فى مصلحه العربيه حتى لو فيها عيوب (مع العلم كل العربيات فيها عيوب)

الصنى معايا مبشتكيش من حاجه لسه
كمجمل هى عربيه رائعه وانا مقتنع بيها جدا

مثل تانى لعربيات فيها عيوب لكن ناجحه ومنتشره ومحبوبه:
الفيرنا: عيوبها: اتزان- فرامل- استهلاك بنزين عالى- واطيه على الارض- ورق
مميزاتها: قطع غيار منتشره ورخيصه, سريعه جدا- سهلع الصيانه- منتشره جدا- تكيف

الانتشار فى مصلحه اى عربيه
الصنى الشكل الجديد حاليا فى دوامه الانتشار
الهجوم الرهيب دا على الصنى مبطأ المبيعات سننه لكن لسه بتنتشر

الصنى عربيه ناجحه جدا والمنافسه شرسه جدا بينها وبين عربيات تانيه كتير
الى الان الصنى كسبانه وشكرا

**A_H_M_A_D** · 26-08-2015 01:29 PM

المشاركة الأصلية كتبت بواسطة Dr. Ramy

و الله بدون تحيز العربية رائعة جدا جدا جدا جدا جدا جدا جدا بالنسبة لسعرها, اللي عمالين يشتموا فيها دول يروحوا يركبوا مرسيدس لو معاهم, لكن العربية دي بالنسبة للسعر ده عربية كاملة شكلا و موضوعا, أداء قوي و واسعة و سواقتها مريحة و شيك و عملية, لو عايز عربية في السعر ده متفكرش و توكل علي الله في الصني و إن شاء الله هتتبسط منها.

شكراً لمشاركتك في الموضوع

والله حضرتك خلتني اخد بالي من حاجه مهمة

اللي معاهم العربية فعلا مقتنعين بامكانياتها و بقدارتها على اساس انها احسن الموجود في الفئة السعرية دي , وحتى عيوبها مش كارثية و مقدور عليها , وبالنسبالهم هي الـ Best Value for Money مقارنة بأسعار الزيرو مش المستعمل

اما الغالبية العظمى من الناس اللي بتشتم في العربية مع احترامي ليهم طبعا عمرهم ماساقوها و ناقلين الكلام عن غيرهم , وطبعا اللي بينقل الكلام لازم يحطله شوية بهارات وده اللي خلى سمعة العربية وحشة خصوصا بعد بعد موضوع استدعاء نيسان لموديل 2013 وتغيير انظمة الفرامل

**مصطفى عصام** · 29-08-2015 08:35 PM

طب يا احمد انت هتشتري الصني منين ان شاء الله في القاهرة او الجيزة؟

ممكن تديني تفاصيل عشان انا كمان ناوي اجيبها باذن الله

**A_H_M_A_D** · 31-08-2015 03:11 AM

المشاركة الأصلية كتبت بواسطة مصطفى عصام

طب يا احمد انت هتشتري الصني منين ان شاء الله في القاهرة او الجيزة؟

ممكن تديني تفاصيل عشان انا كمان ناوي اجيبها باذن الله

انا الحمدلله اشتريتها من اوتو ايجيبت فرع مدينة نصر اخر مصطفى النحاس جنب مدرسة المنهل

**salam100100** · 31-08-2015 10:47 AM

مبروك الف مبروك

لو تقدر تامن على العربيه يبقا تمام
وتقدر تحدث البروفايل بتاع حضرتك بالصنى يبقا تمام قوى
واهلا بحضرتك

لما تمشى بيها شويه حلوين , قلنا عن انطباعاتك عن العربيه بالمقارنه بالفيرنا
وايه العيوب اللى لاحظتها والمميزات طبعا

ومبروك وشكرا

**A_H_M_A_D** · 31-08-2015 11:22 AM

المشاركة الأصلية كتبت بواسطة salam100100

مبروك الف مبروك

لو تقدر تامن على العربيه يبقا تمام
وتقدر تحدث البروفايل بتاع حضرتك بالصنى يبقا تمام قوى
واهلا بحضرتك

لما تمشى بيها شويه حلوين , قلنا عن انطباعاتك عن العربيه بالمقارنه بالفيرنا
وايه العيوب اللى لاحظتها والمميزات طبعا

ومبروك وشكرا

الله يبارك في حضرتك , متشكر جداً

موضوع التأمين صعب شوية دلوقتي , وربنا يسترها بإذن الله

وتم تحديث البروفايل :) واهلا بكل مالكي الصني

ان شاء الله شوية كده و انزل بتقييم العربية من وجهة نظري و مقارنتها بعربيتي القديمة , وبإذن الله هايكون تقييم كويس

**oka2002** · 01-09-2015 12:30 PM

العربية اشترتها للمدام من شهر 4 العربيه كويسة و وسعه بالنسبة للفئة و السعر اكيد في عيوب وده لان العربية بايعه اكتر من مليون و 200 الف سياره لو قلنا عيب التصنيع في 1/2 في المية من العربيات فا بتتكلم في 6000 سيارة طبعا ده رقم مش قليل الإمكانيات دية كلها بالسعر ده حاجه كويسه جدا مع كمان انها عائلية و سفرت بيها مرتين 140كم في الساعه كويس جدا هيا تجرى اكتر من كده بس الصاج يخوف ان الواحد يجرى لان الياباني و الكوري كلة مواتير جامده و صاج ضعيف جدا فيها عيب كمان مفيهاش مؤشر حراره وده مش مهم قوى التنك البنزين صغير نوعا ما