الموضوع: اسكت يا ............

ما شاء الله علي عقلك يا احمد

بجد احسن حاجة ان الواحد يرد علي الناس اللي زي دي ببرود اعصاب و هدوء و احترام (لنفسك مش له)

انت اتصرفت صح كده

و ربنا يجازيك كل خير

متشكر ليكوا جدا يا جماعه و الحمد لله على كل شيى

بس اللى غايظنى الواد صحبى اللى كان نايم فى العربيه

بصراحه انا لما شوفته فى الشغل انهارده بهدلته بصفتى المدير بتاعه و ياسلام كل المكتب كان ماسكه تريقه و كان رده عليا

انه كان عاوز ينام و مش فاضى ههههههههههههههههههههههههه هه

عموما الراجل ده ربنا يهديه بس بجد اخىق الناس بقت زيفت انا مش بقول انى مش بغلط فى الناس لكن والله لما بغلط فى حد بعديها بحس بندم شديد جدا جدا

بس عموما الحمد لله قدر الله و مشاء فعل

المشاركة الأصلية كتبت بواسطة AHMEDCAR

بس اللى غايظنى الواد صحبى اللى كان نايم فى العربيه

والله انا لما قرأت الموضوع اتخنقت منه زيي زيك .. صاحب صاحبه بجد

المشاركة الأصلية كتبت بواسطة AHMEDCAR

انا عارف ان عنوان الموضوع غريب بس بجد انا عاوز اعرف رائيكوا فى اللى الموضوع ده علشان خلاص هاتجنن الحكايه باختصار


كنت راجع من الشغل عند كليه الشرطه اللى موجوده على الدائرى و انا كنت على الطريق الداخلى اللى موازى للطريق الدائرى و بصراحه الطريق ده بيبقى كويس يعنى بتجرى براحته و انا اخرى عليه 100 مش اكتر و فجاه الطريق وقف

وانا ملاحظ كده قومت ممور العربيه و و سايبها ماشيه بسرعتها لانى كنت حاسب العربيه هاتقف امتى و كانت الحاره بتاعتى فاضيه خلو بالكو من كلمه فاضيف دى

و فجاه عربيه باسات 2008 جت من الشمال لليمن فى الحاره بتاعتى و انا ايدى على الزماره و برضو مافيش فايده قولت مابدهاش شديت الهاند و الحمد لله العربيه و قفت

فوجئت بسواق العربيه الباسات بيبصلى باشمئزاز كده لما جيت جنبه دار الحوار الاتى

ملحوظه : اللى سايق الباسات صاحبها مش السواق باين عليه

انا : يعنى انت شايفنى جاى مسرع و بزمرلك و برضو دخلت

هو : ماهو الطريق واقف انت مش بتقف ليه

انا : ياباشا انا مظبط نفسى انى عارف اقف لكن انت لخبطتنى

هو : بس يا حمار

انا : الله يسامحك

هو : طبعا هايسامحنى امال هيسامحك انت

انا : قفلت قزاز عربيتى و مشيت ( حسيت ان ده انسب رد على واحد زى ده )

و بجد سبحان من صبرنى و خلانى مشيت مع العلم انى من النوع اللى بيتنرفز بسرعه

اطرف حاجه فى الموضوع ده بقى
كان معايا واحد صحبى خم نوم و كان نايم فى العربيه و صحى على الصوت كل اللى عمله قام و قال للراجل خلاص حصل خير و قام نايم تانى

الظاهر ان سيادتك من القله القليله المؤدبه الباقيه فى مصر
ادام الله عليك نعمته و جزاك خيرا بقدر كظمك لغيظك و صبرك على قله ادبه و ذوقه

كنت قولتله /على الاقل الحمير بتفهم
بس انت كويس انك قفلت الازاز ومانزلتش لمستواه وبعدين ده انت معاك فيرنا هه فيرنااااااااا الباسات دى بالنسبالها ولا حاااااااجه:d

أحمد المواقف اللي زي دي غلط تتكلم مع الراجل أصلاَ لأن مش هتوصل لحاجة .. لو عايز تاخد حقك بجد .. برووووووووود .. انا حصلي موقف زي كدة بس حظ الراجل جالي في يوم كنت راااااايق فيه جامد و زي ما تقول كنت مستنيه ، لو كان جالي في يوم تاني كنت هتعصب أكيد .

كنت ماشي في طريق واصل بين شارع و كوبري كدة المهم هو حارة واحدة و انا ماشي 60يعني سرعة مناسبة جداَ لوسط البلد و يمكن زيادة كمان .. واحد من هواة الجري جه لزق الكبوت في الشنطة عندي و شغال كلاكس .. فضلت في طريقي عادي و إديته إنتظار لمدة ثانية و قفلته .. أول ما طلعنا من الشارع مش عاجبه طبعا إني قفلت علي سيادته الجرية .. فا شايفي مهدي جنبي و عمال يكلكس عايزني أكلمه .. عملت نفسي مش واخد بالي .. فتح الشباك و سامعه بيهلل .. بصيتله في عينه و مديت إيدي أعلي الكاسيت جامد بحيث يبقي سامعه هو كمان و يبقي عارف إني مش عايز أسمعه .. و ببطأ الدنيا أكن واحد معندوش حاجة في حياته .. قام كاسر عليا و نزلي و قعد يشتم و بتاع .. بصيتله تاني و قمت طافي العربية و قافل السنتر لوك و مطلع سيجارة و مغير السي دي و عليت أكتر .. و انا شايف الناس إتلمت برة و واضح إنهم بيشتموني يعني لأن الموقف مبين إن أكيد انا شاب يحرق الدم يعني و محدش يعرف اللي حصل الأول .. بس و الناس اللي إتلمت ركبته عربيته و مشي و هو لسه بيهلل .. و انا دورت عربيتي و مشيت ..

إحنا ماشيين وسط ناس هايفة يا حبي ممكن يخش خناقة مميتة عشان واحد قفل عليه غرزة .. لو هنقعد نتكلم مع كل واحد مش هنخلص و هنحرق دمنا عالفاضي ..