هو المفروض الواحد يشتغل سواق و ميقولش لا

**mody1982** · 15-08-2015 12:26 AM

يا جماعه انا خلاص علي حافه الانهيار و مش عارف اعمل ايه
اللي متابع مواضيعي يعرف اني تقريبا مكتئب علشان لا عارف اتجوز و تقريبا مبقاش عندي صحاب و برضه في شغلي مش مبسوط
فبالتالي حالتي التفسيه زي الزفت و حاسس دايما بخمول و تعب و ميل لعدم الخروج من البيت
ضيف لذلك ان شغلي مرهق جدا و برجع منه مش شايف قدامي
المهم المشكله دلوقت في والدتي اللي دايما مفترضه اني المفروض جاهز في اي يوم تحت اي ظروف اوديها فرح فلانه او المشوار العلاني او مش عارف ايه علشان عندي عربيه
اقولها تعبان و مش قادر ابي بالنسبه ليها ابن عاق و بذلها
اقولها يا ماما هجبلك تاكسي او اتفق معاه يخدك و يجيبك تقولي انت معندكش دم و مش عارف ايه
المشكله يا جماعه مش في اني انزلها المشكله اني فعلا ببقي تعبان و غير قادر علي السواقه سواء نفسيا او بدنيا
و ساعات كتير لما اجي علي نفسي و انزل ابقي هعمل مليون حدثه طول الطريق
مش عارف اعمل معاها ايه
مش عارف ليه مش عارفه تحس بيا و بظروفي
يعني هي مش شايفه اللي انا فيه و جايه تكمل عليا في البيت
هي حياه الواخد ناقصه قرف

**مُصْطٓفٓى** · 15-08-2015 12:39 AM

تخيل لو الكلام ده كان من اصحابك وامهاتهم
مثلا ام واحد صاحبك عايزة تروح التأمينات
تتصل بيك وتطلب منك كده

شوف مشكلة ارهاقك المتواصل ده سببه ايه
ممكن تلاقي جسمك محتاج فيتامينات لانها ناقصة عندك

المشكلة ان الناس اللي مركبتش عربيات وساقتها
مش حتعرف صعوبة قيادة السيارة في شوارع مصر وتأثيرها الجسدي والنفسي والذهني
وكله فاكرها انها متعة كبيرة وكانك بتلعب نيد فور سبيد مثلا

والمعلومة الغريبة اللي عند ناس كتير
ان سواقة المانيوال ممتعة عن الاوتوماتيك

**mody1982** · 15-08-2015 12:44 AM

المشاركة الأصلية كتبت بواسطة مُصْطٓفٓى

تخيل لو الكلام ده كان من اصحابك وامهاتهم
مثلا ام واحد صاحبك عايزة تروح التأمينات
تتصل بيك وتطلب منك كده

شوف مشكلة ارهاقك المتواصل ده سببه ايه
ممكن تلاقي جسمك محتاج فيتامينات لانها ناقصة عندك

المشكلة ان الناس اللي مركبتش عربيات وساقتها
مش حتعرف صعوبة قيادة السيارة في شوارع مصر وتأثيرها الجسدي والنفسي والذهني
وكله فاكرها انها متعة كبيرة وكانك بتلعب نيد فور سبيد مثلا

والمعلومة الغريبة اللي عند ناس كتير
ان سواقة المانيوال ممتعة عن الاوتوماتيك

بص يا باشا شكل الارهاق المتواصل ده من سببين
الاكتئاب اللي انا متأكد انه بقي عندي بنسبه عاليه عن بقيه البشر
ارهاق الشغل و العمل

المشكله اني بزعل انها بتزعل مني بس في الوقت بزعل اكتر علي نفسي انها مش مقدره اني انا شخصيا ممكن ابقي عايز حاجه و منزلش علشان مرهق و تعبان و خايف اعمل مصيبه و انا سايق
او انزل مضظر عن طريق المواصلات العامه حفاظا علي نفسي و علي الناس اللي ممكن اسبب ليها ضرر لو كنت سايق و عملت حادثه
بس نفسي امي تتفهم ذلك

**mk3** · 15-08-2015 12:46 AM

انا فاكر من العنوان انك بتتكلم على ضيق الشغل واول سطرين وانت بتقول الشغل افتكرتك هتحول لسائق
لكن اكتشفت انك بتتكلم على والدتك
انا مش هقولك اننا ملايكه وفين بنكون جاهزين لاى مشوار
بس صدقنى انت ربنا كارمك عشانها حتى لو انت مش حاسس

**amr011111** · 15-08-2015 03:12 AM

يا عم لما هتخطب هترجع من شغلك تلف بالعربيه لحد بالليل ومش هتقول ﻻء . ولو زى ما انت عاوز اصحاب برضه كنت هتخرج معاهم بالعربيه .

**Ahmedmiy** · 15-08-2015 07:48 AM

الحمد لله والصلاة والسلام على رسول الله نبينا محمد خير خلق الله

mody1982

باختصار عن نفسي ... والدتى رحمة الله عليها توفها الله رمضان 2010 يعنى من خمس سنين وبقولك موقفك ده واى موقف تانى قديم أو جديد مهما كان صغير حتندم عليه اشد الندم وتتعذب عذاب نفسي رهيب عليه علشان فى لحظة زعلتها الله يبارك فيها

وكمان ده هو ده علاجك لما والدتك تكون راضيه عنك وتجتهد علشنها

وعلى ما أتذكر ولست واثق من الحديث عندما تتوفى الام ينادى منادى يا ابن أدم ماتت التى كنا نكرمك من أجلها فافعل شئ نكرمك من أجله

أنت مش متجوز وانا كمان وبحذرك من يوم تكون والدتك مش موجوده فى حياتك
والاهم انك تعمل ما يرضي الله فى والدتك وأنت بتحبها واضح من كلامك فمتسيبش الدنيا القذرة بمشاكلها تبعدك عنها ابدا
وكمان ازاى تطمئن عليها مع تاكسي وسط الاحوال السودة دى
خد اجازة من الشغل او انقطع عن العمل حتى واعمل كل حاجة تجعل والدتك راضيه عنك وكل يوم بوس ايديها .. صدقنى ما ندمتش على حاجة فى حياتى كلها ولا شعرت بألم شديد لا ينتهى غير من تصرفاتى مع والدتى رحمة الله عليها وعلى المسلمين جميعا.

سبحان الله العظيم وبحمده

**micromoud** · 15-08-2015 02:41 PM

باختلاف كل الاراء واحترامى لها اتعلم تقول لا فى المشاوير التافهة اللى البيت بيشغلك فيها سواق تاكسى.

**Abo_Mazen** · 15-08-2015 02:44 PM

المشاركة الأصلية كتبت بواسطة micromoud

باختلاف كل الاراء واحترامى لها اتعلم تقول لا.

فيه حد يقول لأ لأمه ؟؟؟!!!!

بصراحه ..قلبك جامد

**micromoud** · 15-08-2015 02:53 PM

المشاركة الأصلية كتبت بواسطة abo_mazen

فيه حد يقول لأ لأمه ؟؟؟!!!!

بصراحه ..قلبك جامد

ياسيدى الفاضل الراجل بيقولك بيرجع من شغله تعبان ومرهق وهى عاوزاه يوديها افراح ... طيب يروح تانى يوم شغله ازاى ... اكيد طبعا مقصدش المشاوير المهمه لكن انا بتكلم على النوعيه دى من المشاوير

-

الموضوع: هو المفروض الواحد يشتغل سواق و ميقولش لا

LinkBack

أدوات الموضوع

عرض

-

-

-

المواضيع المتشابهه

الواحد المفروض يعمل ايه علشان مفيش اى مرض يتنقل من عند الحلاق اثناء الحلاقة

المفروض الواحد يكون مرتبه كام عشان ميفكرش فى السفر ؟؟

حد يعرف سواق نوبي عاوز يشتغل

ايه اللى الواحد المفروض يعمله بعد مايقتح الايرباج

بالمناسبه!!! هو الواحد المفروض مرتبه يبقى كام عشان يتجوز؟؟؟؟؟؟؟؟؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة