الموضوع: أول ألف كيلو ؟!!!!

بما إن العربية زيرو.. يبقى كتالوجها معاك.

معلش... كلف نفسك شوية وقت وافتح الكتالوج.. هنلاقي توصيات لكيفية القيادة في أول 1000 كيلومتر...

مفيش كتالوج عربية في الدنيا بينزل من غير التوصيات دي..



عموما... معظم توصيات التليين هي كالتالي:

1- ما تزودش دوران الموتور عن نص مدى الدوران ... يعني لو الخط الأحمر بتاع الـRPM بيبدأ من 6000 يبقى ما تزودش الدوران عن 3000 ... وفيه كتالوجات تانية بتقوللك آخرك لحد ثلثين المدى .. وكتالوجات تانية بتقول آخر لحد 3/4 المدى.

2- ما تدوسش بنزين جامد.. خلي تسارع العربية دايما بالهداوة.... وحاول كمان ما تفرملش فجأة أو بقوة علشان الطنابير.

3- ما تقطرش أي حاجة في فترة التليين .. ولا عربيات ولا أي حاجة تانية.. وكمان ما تحملش العربية بحمولة كبيرة.

4- دايما استخدم كل غيارات الفتيس.. يعني سوق جوه البلد وعلى الطوالي... التليين على الطوالي غلط.

5- عينك على الحرارة وودنك مع الموتور.. ولو سمعت أي حاجة غلط اسأل أو روح التوكيل.

ونصيحة مني.. اقرا الموضوع ده:

http://www.nilemotors.net/Nile/434256-a.html


...