الموضوع: حرية المرأة في المفهوم الغربي والعربي !! .... نقاش لآبد منه

المشاركة الأصلية كتبت بواسطة mahmoud naguib

إنسانة ..... حضرتك وضحتي نقطة في غاية الأهمية وهي ان المرأة نفسها اللي بتستغنى عن حقوقها بسبب انها مش بتحب تشتغل أو تشارك الراجل بفلوسها أو حتى بتسمحله يمارس سلطته كرجل يجب أن يطاع وشئ عادي أن يتزوج بأخرىبس خليني أوضح نقطة تانية مهمة ان مش كل النساء كدة ... يعني في زوجات عارفين كويس حقوق الزوج وبيحاولوا يساعدوا في بناء الأسرة بقدر المستطاع
فإيه اللي ممكن يتعمل ويحمي حقوق النوع الثاني مش اللي حضرتك ذكرتيه ؟

ehabpopo ...... كلامك كله سليم

خالد الشاذلى .... طيب ممكن حضرتك تقول اي من القوانين دي ينفع يطبق فى مصر !؟؟

هو انا الحقيقة مقلتش خالص ان الرجل يجب ان يطاع او له سلطه عليها او من حقه يتزوج باخريات

انا بوصف الحال في العالم العربي ولكن دي مش وجهة نظري ولا رأيي

الرجل ملوش سلطه لانه رجل ولا ليه حق بالزواج ولا ليه طاعه وهنا بقصد في حالة الزوج والزوجة هم الاتنين ليهم نفس الحقوق محدش له ميزه

ولكن طالما القانون بيمنحه الحقوق دي في العالم العربي المراة بتعمل وسيلة دفاعية وبتستغل حقها في الكسب بلا مساهمة وفي حالة استخدامه لحقوقه اللي على ورق

هي كمان بتستخدم حقها في الانفصال

يعني الراجل في حالة زواجه من المرأة العاملة بيتحمل مسؤولية البيت والحضانة والمدرسة والخدامة وهي بتمارس عملها وبتضمن حياتها بدون مسؤوليات ومرتباتهم زي بعض

حتى لو هي اشتغلت في البيت وفي العمل هو كمان بيشتغل بعد مايرجع من العمل في مشاوير وتحصيل طلبات البيت والابناء


وفي حالة تفكيره في استخدام القانون للزواج من اخرى هي كمان بتستخدم القانون للانفصال

ولكن المحصلة انه تحمل المسؤولية كاملة ولما جه يستخدم القانون مقدرش برضو يعيش مع اكثر من زوجه

منظمات المراة مش بتحارب التعدد قانونيا بقوة ولكن بتحاربه فكريا وبتمكن المرأة قانونيا من التخلص من الزوج اللي حاول استخدام القانون

في مصر مثلا بيخسر شقته لسنوات طويله وبيلزم بالصرف على ابناءه وفي السعودية بيلزم بتوفير مسكن والصرف على ابناءه والمرأة المطلقة بتحصل على تسهيلات كبيرة في كل سبل الحياة

يعني الظاهر على الورق في القانون ان الراجل متفوق ولكن في الواقع الخاسر الاكبر من القانون دا هو الراجل مش المرأة

لانه بيصرف مهر وتكاليف تاسيس بيت ومصاريف البيت دا والمرأة مش بتسمحله ياخد اي حاجه في المقابل والقانون في صفها

في الغرب المرأة والرجل متساويين مابيدفعش تكاليف في الزواج ولا بيتحمل كل المسؤوليات لوحده والمرأة بتساهم زيه بالظبط وبتكتسب مميزات قانونية لما بتكون ام لانهم متساوين على الورق

المشكلة عند العرب في المرأة غير العاملة لان هي بتتشغل في البيت 24\7 بلا ضمان في حالة وقوع الطلاق وهي كبرت والابناء تزوجوا ملهاش حاجه وبتتعرض للتشرد فعلا

هي دي اللي المنظمات شغالة في اكتساب ضمان لها ولكن الضمان الوحيد في ظل القوانين الحالية انها هي نفسها تشتغل وتحمي نفسها من جور الزمان

و المرأة دلوقتي فهمت دا كويس ومش كتير حالات بتتعرض للحكاية دي

الاجدر دلوقتي ان الراجل يطالب بقانون يساوي بينه وبين المرأة لان القانون الحالي "على الورق بس" جاي عليه بخسارة فعليه يعني ^^"