افضل كرونة لعربية e36 مكنة m50b25

**nafea** · 25-08-2015 05:13 AM

السلام عليكم ورحمة الله

كنت بسأل علي افضل كرونة تركب علي المكنةm50b25
انا اعرف ان الكرونة الاستوك رقمها 3.15
في ناس قالتلي ان 3.45 احسن ..
ياريت تفيدوني
ولو ركبت 3.45 ايه اللي هيحصل في التسارع والتوب سبيد

**Ahmed6325** · 31-08-2015 08:49 PM

متابع

**osama_hegazi** · 12-10-2015 03:03 PM

كل واحد علي حسب أستعماله انت عايز تسارع و لا توب سبيد لأن كل كرونة ليها مميزاتها و انت و استعمالك
يعني انا حاطت 3.15 عشان ببقي عايز توب سبيد يقفل عداد العربية تجيب 240 مرتاح بس التسارع في الطلعة أبطيء

**M.Ayman** · 15-10-2015 10:31 AM

مفيش حاجه اسمها انسب بشكل مطلق ، لان كل واحد ليه اهداف معينه من العربيه و طريقه استخدام معينه ، يعني مثلا في ناس مهتمه قوووي بالجري تحت و مش مهم ال top speed او عايزه top speed معين علشان مش هتجري بسرعه اكتر منه ، في ناس ال top speed اهم عندها من التسارع تحت او مثلا ناس علطول علي طرق سريعه و سفر فمحتاجه انها تجيب سرعه مناسبه و في نفس الوقت يبقي الموتور مستريح مش ماشي علي rpm عالي ..... الخ

بعد ما تعرف انت عايز ايه تقدر تحدد ايه انسب ليك بس عموما ال 3.45 تعتبر حل وسط يعني top speed مش بطال في حدود ال 220 كم/س مثلا - في اختلاف مش كبير قوي بين كل عربيه و الثانيه في ال top speed علي حسب مقاس الجنوط و الكاوتشات - و جريها يعتبر كويس

القاعده عموما ان كل ما الرقم بتاع الكارونه -ال ratio- كبر كل ما هتديلك تسارع اعلي و top speed اقل و العكس صحيح ، يعني ال 2.93 هتديلك top speed عالي حوالي 260 كم/س و تسارع قليل نسبيا عن ال 4.44 مثلا اللي هتديلك تسارع افضل مع top speed قليل حوالي 170 كم/س