اقتباس المشاركة الأصلية كتبت بواسطة Imhotep مشاهدة المشاركة
النوع ده من الناس بينتحر لانه بيبقى خلاص فقد معنى و طعم كل حاجة...
لان كل حاجة عنده تحت أمره و رهن رغبته من يوم ما اتولد و عمره ما جرب المعاناة فى الوصول لشئ

و دي نفس الأسباب اللى بتخلي أعلى نسب انتحار موجودة فى أعلى الدول رفاهية...
مش فى افريقيا مثلا اللى الكثير من شعوبها يموت جوعا
- متفق معاك طبعا ياباشا ان عدم وجود معنى و هدف للحياة بيحولها لجحيم على الارض
بس مين قال ان الاغنيا ماعندهمش تحديات و معاناة زى الفقرا ?!!

- عايز اقولك حاجة ياباشا ,, دايما احنا المصريين بنقول (( اعلى معدلات انتحار ف السويد و
ان كتر الرفاهية بتخلى الناس تنتحر )) و الصراحة مش عارف مصدر الكلام دا ايه بس طبعا
ملوش اى اساسا من الصحة و كذبه بنضحك بيها على نفسنا زى كذبات تانية كتير بنستخدمها كمسكنات

- الحقيقة ان الدول الاسكندنافية اللى (هى من اعلى الدول من ناحية دخل الفرد ان ماكانتش اعلاها)
دايما من الاوئل ف قائمة اكتر الدول سعادة ف العالم و حسب اخر نسخة لل world happiness report
التابع للامم المتحدة ,, كانت الدول الاسكندنافية ف المراكز ال (2 و 3 و 4 و 6 و 8 ) (منشور ف الموقع الرسمى و ف ال bloomberg)
و النتيجة دى طبيعية جدا و فيها شبه كبير من نتيجة برنامج ال Better Life Index التابع لل OECD
اللى الدول الاسكندنافية احتلت فيها المراكز (2 و 4 و 6 و 8 و 11) (منشور ف ال global finance و الموقع الرسمى لل OCED)

و بالمناسبة سويسرا ف المركز الاول و مصر ف المركز ال 135 من 158 دولة و طبعا الدول
الافريقية ليها حضور قوى ف اخر الترتيب

- تعالى نبص على ترتيب الدول حسب الانتحار اللى طبعا مش هنقدر نجيب ارقام واضحة لاسباب
كتير زى مصداقية الدول نفسها والقوانين الخاصه بالانتحار حسب كل دولة ,,
لكن المهم ان الدول الاسكندنافية برضه مش بتحتل مركز متقدم من حيث الانتحار و موضوع ان السويد هى اكتر دول
العالم ف الانتحار دى كذبة واضحة ليس لها اساس من الصحة فى حين ان فى دول فقيرة كتير ف مقدمة الترتيب



بعتذر عن الاطالة ,,