الموضوع: سؤال عن السفر من المعادي إلى مرسي مطروح

المشاركة الأصلية كتبت بواسطة mkaram84

الله يسلمك يا باشا
الطريق تمام الحمد لله واخدت 6 ساعات من الرماية لحد قرية القصر السياحية وبرضه 6 ساعات وانا راجع الحمد لله - انا بفضل الله مش باجري اوى - يعنى اخري 130 مش بازيد عن كده
الطريق من الرماية لحد اول شارع اسكندرية في مطروح 460 كيلو تقريباً
اسوأ منطقتين في الطريق من عند برج العرب لحد مشويات خطاب عند بداية طريق الساحل - حوالي 20 او 30 كيلو تقريباً - فيها تكسير وزحمة شوية
والمنطقة التانية اخر طريق مطروح من مدينة الضبعة ولمسافة 20 او 30 كيلو فيها حفر ونقر فخد بالك كويس
خد بالك ان فيه كمين سرعة ورادار قبل الكمين الامني بتاع مدخل مطروح بحوالي 10 كيلو ودفعت 150 جنيه لاني كنت ماشي 130 والسرعة المسموحة كانت 100 - اول ما تلاقي العربيات حواليك في نفس طريقك مهدية اعرف ان في رادار على الطريق

خد بالك كان في هبوط ارضي في الطريق الساحلي بالاسكندرية - مش عارف هيأثر عليك ولا لأ
بالصور.. هبوط أرضى على الطريق الساحلى بالإسكندرية |اليوم السابع

وأجازة سعيدة وتروح وتيجي بالسلامة ان شاء الله

الله يسلمك يا استاذ محمد وحمدا لله على السلامة واشكرك على النصائح الغالية دى بس يا ترا فين قرية القصر السياحين دى ؟ جنب مصيف العاملين بشركة خالدة ؟

من أول سيدى كرير لحد مارينا حاول ما تزودش عن السرعة المقررة تقريبا 100 كم انا كنت هناك بس طالع من طنطا كان فى ردار فى المنطقة دى واللجنة قبل مارينا 1 فى مطلع الهضبة بعد كدة كل اللى يقابلك نقط تفتيش أمنى عادية مفيش ردار الطريق كويس جدا بس حاول تسافر بدرى وتريح مرتين على الأقل علشان العربية