الموضوع: اجيب زيت ايه

أولا... مواصفات الزيت ما هياش درجة اللزوجة وبس.. ومش معنى إن الزيتيين يكون ليهم نفس اللزوجة إنهم يبقوا زي بعض.

فيه حاجة مهمة قوي إسمها مستوى الخدمة (أو مستوى الأداء).. بيتحدد بكود مكتوب على علبة الزيت.. وهي اللي بتحدد الزيت ده يعيش قد إيه في الموتور وينقص ولا لأ ويزيت إزاي.

لو عايز تعرف إيه المقصود بالأكواد دي وإزاي تختار الزيت الصح.. أنصحك تقرا الموضوع ده:

http://www.nilemotors.net/Nile/341680-a.html



فالصورة اللي حضرتك حاططها دي بتقول حاجات كتير قوي..




أولا.. لازم تاخد بالك من إن الزيت واخد تصنيف ACEA... علشان تقدر تستخدم كل اللزوجات الموجودة في النص الفوقاني من الصورة في كل درجات الحرارة وانت مطمن.

النص التحتاني من الصورة ده للزيوت اللي مش واخدة تصنيف ACEA... إنما لو كان الزيت عليه التصنيفين مع بعض (API و ACEA) يبقى مفيش مشاكل.


المهم...

يفترض إن الزيوت اللي حضرتك كنت بتحطها تكون كويسة ومفيهاش مشاكل..

إنما لو المشكلة هي مجرد نقص الزيت... فلازم نعرف الزيت بينقص قد إيه علشان نشوف إذا كان فيه مشكلة ولا لأ...

وعموما.. نقص الزيت شيء معروف ومقبول في مواتير العربيات... وراجع كتالوج عربيتك هتلاقيه بيقوللك إن الموتور ممكن "يستهلك" زيت في حدود حوالي 1 لتر لكل 1000 كيلومتر

طبعا ده له ظروف معينة بتحصل فيه... فراجع أسلوب سواقتك.. ممكن يكون ليها دخل.

وبردو.. شوف الموضوع ده علشان بيتكلم على نفس المشكلة

http://www.nilemotors.net/Nile/418186-a.html


...