تجربتي مع لانسر شارك ٢٠١٥ بعد ٧٠٠٠ كيلو

**AboBassem** · 08-11-2015 04:05 PM

عن تجربتي مع الشارك
السيارة ماشي بيها حوالي 16 الف كيلو وملاحظاتي للامانة كما يلي:
- السيارة حتى الان لم يظهر بها اي عيوب صناعة او تقفيل وهى ممتازة فى الاداء حتى الان
- صوت الموتور فعلا عالي شوية لكن مع الوقت الصوت بيكون عادي جدا ومش بتحس بيه
- بالنسبة للصاج هو فعلا ضعيف ولكن ده حال كل السيارات الجديدة سواء كوري او ياباني
- العفشة ممتازة والاتزان ممتاز حتى سرعة 140 كم
- بالنسبة للكماليات مش محتاج اكتر من الموجود بالسيارة
اعتقد ان سعر السيارة ممتاز بالنسبة للامكانيات
وبالمناسبة كان معايا قبلها رينو لوجان ، وتويوتا ياريس وحسيت بفرق كبير جدا بعد ما ركبت اللانسر

**Ahmed_140682** · 24-12-2015 03:03 PM

لو سمحتوا يا شاركوية عايز أعرف مقاس لمبة الزينو للمبة العالى لشارك 2015 ومتلخبط بين h4 و h7 و h1
هى انهى بالظبط بين الاتشهات دية

**1995remon** · 31-12-2015 02:57 PM

المشاركة الأصلية كتبت بواسطة محمد مجدي 22

طب حضرتك هتشتري اية بعدها
لاني كنت بفكر في الشارك لكن بعد الكلام دة و فية ناش برضو قالت الكلام دة هصرف نظر عنها
فاشتري اية في حدود 130 الف او 140 بالكثير

المشاركة الأصلية كتبت بواسطة dr.oun

انا مشلفطتش يا د هشام و لا حاجه
انا بنصح الناس لوجه الله و قولت ان ده رأي شخصي بعد تجربه مش عن سمع
و برضو الفيصل ان كل حد يجرب العربيه قبل ما يشتري

و رينج ١٣٠-١٤٠ للاسف الشديد مفيش زيرو كويس لكن ممكن تشوف فانتازيا حاله كويسه اول فئه اوتو او سيفيك عربيه محترمه جدا جدا

Matboso 3ala Seat Toledo , kt3 8yarha 8alia shwya bas almani y3ny

**systemany** · 31-12-2015 05:32 PM

المشاركة الأصلية كتبت بواسطة dr.oun

معلش بس امشي ع الدائري ع ١٦٠ و كلمني عن الثبات
يا راجل يا طيب

انا جايب 200 وعرليه روعة في الثبات مش زي الالماني طبعا بس احسن عربيه في الفئة السعرية دي.

**husseinkasheif** · 27-01-2016 07:28 PM

احتراماتى لكاتب التقرير
العربية لانسر شارك حققت ما عجزت عنه باقى الانواع و احتلت المركز الثانى ف المبيعات ف 2015 بعد الفيرنا متفوقة ع تويوتا كورولا و النترا و سيراتو لاول مرة العربية بموضوعية شديدة لو سيئة لم تكن لتحقق كل تلك المبيعات العربية عيوبها و احنا ف الجروب بنقول نفس الكلام
1- عزل متوسط
2-شنطة خلفية صغيرة
3- قطع غيار غالية
4-اوبشن قليل عن مثيلاتها زى سيراتو و النترا
مميزات العربية
1- ثبات اكثر من ممتاز و بعد ال 150كم/س (اختلف مع حضرتك)
2-صالون واسع جدا و مريح
3-اداء فوق المتوسط ف السحب لغاية ما توصل 100كم بعد ال 100 بتفرق و تختلف اختلاف كلى و جزئى
نيجى بقى لموضوع البوية كل بوية العربيات الجديدة ضعيفة و ده بشهادة الصنايعية نفسهم اللى شغالين ف الجديد يمكن بالعكس هى افضل من مثيلاتها
الصاج كله خفيف ما عدا الالمانى
العربية عالية عن الارض و العفشة المالتى لينك ع فكرة لازم تكون ناشفة مش طرية زى ما حضرتك بتقول التروشن بيم هى اللى بتكون طرية زى تويوتا و النترا
ف النهاية
اقدم لك تحياتى و تمنياتى بالتوفيق ف اختيارك القادم و عدم تكرار تجربة الخسارة مرة اخرى

**husseinkasheif** · 27-01-2016 07:41 PM

العالى 9005 =hb3
الواطى 9006=hb4
الفوجات h11

**m6r1282** · 08-02-2016 11:22 AM

كلام يوجع البطن صراحة

أنا دافع 173 ألف جندي في الهاي لاين وكيل من يومين

عن نفسي لسه مقدرش أحكم على شيء فيها، لكن النظرة العامة حتى الآن أنا اخترت صح، وعجباني في كل حاجه.

وانا كنت راكب أكسنت 2010 وحاسس بفرق في نعومة العفشة لصالح لانسر طبعا مع وجود طابع رياضي في العفشة بحبه صراحة.

على فكرة رغم إني لسه في أول 200 كيلو ولا سامع صوت موتور عالى ولا متوسط وحاطط بنزين 92 مش 95 اللي هو المفروض تشتغل بيه اصلا.

هااااااااااااااام دايما صوت لانسر شارك عالي معاكو لأن بنزينها 95 أو أعلى فابيكون فيه تسقيف داخلي في الموتور اللي حضراتكم بتسمعوه كأنه صوت عالي، وبتقولو إنه عشان صوت اسبورت.

حتة البوية دي لو صحيح هازعل بس أنا شايف إنها كويسه، وربنا يستر بأه

الاكصدام طري فعلا بس مش ورق زي ياريس مثلا، وكان المفروض يحطو وراه فوم لكن فيه سدابه حديد وراه بربع شبر تقريبا

التقفيل جيد جدا والعزل بعيدا عن الكاوتش أعلى من جيد جدا، الكاوتش بيعمل صوت على بعض الأماكي في الأسفلت مش في كله، أنا لما خرجت بيها من المعرض كان الكاوش حجر طبعا وهوا، لما وصلت بلدي وغيرت نيتروجين فرق الصوت والنعومة.

وأهو أنا متابع، بس أنا أحب صاحب الموضوع في حاجه، وهي إن شارك ماباعتش كتير إلا لما البومة اتوقف صنعها، دي حاجه أنا مقتنع بيها عن نفسي، لكن شارك في كل شارع الآن، ولو أنا مش بعرف أشتري فأكيد الناس الكتير التانيه بتعرف، ولو انا انضحك عليا في الرغيب فيها فا غير مش أهبل يعني.

بصراحة أنا كنت هاجيب سيراتو، وبسعر أعلى من اليابانية دي
بس قبل ما أستلم بيوم واحد لغيتها، ورجعت لشارك تاني، الاتنين عند نفس المعرض وكيل، وكنت اتفرجت عليهم واخترت شارك، وبعد كده رجعت لسيراتو وبعد كده رجعت لشارك تاني.

دعواتكم بالبركه بأه، وبشكر كل من يسعى لتبصير الناس بعيوب عربية هي منتشره والمقبل على شارها مايعرفش اللي فيها، بس طبعا بدون أفوره.

الموضوعية مطلوبه برده.

**m6r1282** · 08-02-2016 02:05 PM

صحيح ياجماعة هو ازاي العربية دي ثقيلة في الوزن وفي نفس الوقت الصاج ضعيف ولو قطه قعدت عليه تطبأه زي بعض الأعضاء ماهو ذاكر هنا ؟؟؟

أنا بسأل بجد، اصلها محيرة صرحة!!!

**4fun14** · 10-02-2016 09:45 AM

تقيلة في الوزن عشان العفشة المالتى لينك معقدة وبتزحم بطن العربيه وده اللى واكل من مساحة الشنطة
القطة متطبقش صاج العربية الكلاب هيا اللى ممكن تعمل كدة ومتستهونش بوزن الكلابزز
بالمناسبة طالما انت مقلق كدة من البوية اباه اعملها واكس "طبقة شمع" بايدك كده او اى عامل تعرفه يعملهولك كل 3 شهور عشان تحافظ على دهان المصنع وميتعبش من الشمس

**m6r1282** · 13-02-2016 07:21 AM

اشكرك ياباشا على التوضيح
وانا بما اني اصبحت من احد ملاكها ولله الحمد العربية دي فعلا فيها فلوسها

الموضوع: تجربتي مع لانسر شارك ٢٠١٥ بعد ٧٠٠٠ كيلو

LinkBack

أدوات الموضوع

عرض

-

-

-

المواضيع المتشابهه

نوع زيت لانسر شارك ٢٠١٥ ؟؟

تيدا ٢٠١٥ ولا لانسر شارك ٢٠١٥ ولا ريو ٣٠١٥

طلب مساعدة في حادث لانسر شارك ٢٠١٥

لانسر شارك خليجى ٢٠١٥ فرابل مانع للانزلاق

لانسر شارك ٢٠١٥

الكلمات الدلالية لهذا الموضوع

المفضلات

المفضلات

ضوابط المشاركة