طيب ما البلد كلها كدة روتين معروف :)
رقم العضوية : 25195
تاريخ التسجيل : 14Nov2008
المشاركات : 2,269
النوع : ذكر
الاقامة : cairo
السيارة: 127
السيارة[2]: هيونداى فيرنا 2007
دراجة بخارية: NO
الحالة :
كوميديا الجمارك المصريه والقرارات الحكيمه
عاوز تضحك..
اليومين اللى فاتوا الشغل عطلان وغرامات وارضيات بالكوم ومستوردين حلفوا بالطلاق ما هيشتغلوا فمصر تانى ...
أل ايه يا خويا المخابرات الحربيه خاطبت الجمارك بعرض كل ما هو سائل او بودر على مصلحه الكيمياء للتحليل..ليه بقى...قلك عشان نمنع دخول المواد الداخله فى صناعه المتفجرات....الله يا سيدى..ما ابدعك...هو محدش من الناس دى عنده معلومه ان المتفجرات دى مركبات...مش ماده صريحه...طب لو فى ماده لا تستخدم الا فى صناعه المتفجرات...هيستوردها مصنع شيكولاته ولبان؟
مش عاوز تضحك اكتر....لغايه النهارده كان القرار ده بيخلينى على الرغم من انى سبق وسحبت عينات واتحللت فى معامل وزاره الصحه وهيئه الرقابه على الصادرات والواردات ابعت برضو عينه لمصلحه الكيمياء وادفع عليها 1500 جنيه واستنى اسبوعين على نتيجه التحليل...لكن الحمد لله الموضوع فك شويه النهارده وبقى تحليل واحد بس..يا مصلحه الكيمياء يا معامل الصحه.....
عاوز تسخسخ بقى..فاكر حادثه التسرب الاشعاعى بتاعه اليابان؟
ايوه اللى كانت من اربع خمس سنين دى نزل ساعتها قرار بعرض كل ما هو من منشأ يابانى على هيئه الطاقه الذريه...عشان تفحص التعرض الاشعاعى للوارد... طب ومالو......ادفع الحواله ب 550 جنيه..واستنى تانى يوم لما يجى المندوب بجهاز الفحص ويلف حوالين الطرد واخر اليوم اخد افراج اشعاعى....طب لو انا جايب قطع غيار من المانيا أو أمريكا او اى بلد بس فيها حاجه وليكن بطاريه او شاشه منشأها الاصلى اليابان....الشحنه كلها تقف وتعطل يوم كامل عشان البطاريه دى تتفحص اشعاع....على اساس ان احنا هنعرف اللى ما شافوهوش فى البلاد دى .......
طب فين المشكله ما الناس بتحافظ علينا وعلى صحتنا اهو...
حضرتك الموضوع ده من 5 سنين تقريبا واليابان نفسها اعتبرت منطقه التسريب الناتجه عن الزلزال منطقه أمنه..واحنا لسه لغايه دلوقت بنوقف كونتينر اربعين قدم او شحنه اطنان عشان فيها مع المكن شاشه من منشأ اليابان علما اننا اصلا مستوردين المكن من فرنسا ..
هتقع من طولك بقى لما أقولك...
لو حاجتك جايه من الهند بتعرض مخدرات....
يا نهار اسود...أيه عرض المخدرات ده؟
حضرتك بتاخد مستندات الشحنه وتطلع على المطار وتدخل مكتب شرطه يدور فى كشف قدامه فى اسامى شركات ..انت مش فيهم ...امضا واتكل على الله...
امسك نفسك بقى فى اللى جى..
انت جايب قشاره سلك او سكينه أكل أو برواز تذكارى فيه خنجر او سيف انتيكه عشان تعلقه كتحفه او انتيك فى البيت او اى ما يمكن استخدامه كسلاح او يعرف فى المستندات بسكين.
هتعرض امن عام ومش هتطلع....
اللى جايه دى جديده...
لو جايب برنتر او اى حاجه بتطبع ولو ماكينه الكاشير او بتاعه الصيديليه اللى بتطلع لك الامبلغ او الريسيبت..لو بتطبع الوان حضرتك هتطلع على مجمع التحرير تاخد موافقه اداره التزييف والتذوير..ولو بتطبع ابيض واسود تاخد موافقه الامن الوطنى اللى هو امن الدوله سابقا..
كفايه كده عشان مش حاسس بجنبى الشمال ورجليا بتنمل....
رقم العضوية : 162416
تاريخ التسجيل : 08Jul2014
المشاركات : 2,785
النوع : ذكر
الاقامة : ☆☆☆☆☆☆☆☆☆☆☆☆☆☆
السيارة: ☆☆☆☆☆☆☆☆☆☆☆☆☆☆
السيارة[2]: ☆☆☆☆☆☆☆☆☆☆☆☆☆☆
دراجة بخارية: ☆☆☆☆☆☆☆☆☆☆☆☆☆☆
الحالة :
طيب ما البلد كلها كدة روتين معروف :)
سبحان الله و بحمدة سبحان الله العظيم
لا اله الا الله محمد رسول الله
رقم العضوية : 44650
تاريخ التسجيل : 08Aug2009
المشاركات : 2,222
النوع : ذكر
الاقامة : jjjjjjjjjjjjjjjj
السيارة: k
السيارة[2]: jjjjjk
دراجة بخارية: iiiiiii
الحالة :
هو حضرتك شغال فى التخليص ولا الموضوع منقول
الانفرتر الهندى من البدايه للنهايه
http://www.nilemotors.net/Nile/430457-a.html
رقم العضوية : 64275
تاريخ التسجيل : 06Mar2010
المشاركات : 129
النوع : ذكر
الاقامة : alexandria
السيارة: Fiat Nasr 127
السيارة[2]: kawasaki
دراجة بخارية: kawasaki
الحالة :
شىء عادى جدا محدش فاهم حاجة
رقم العضوية : 53368
تاريخ التسجيل : 18Nov2009
المشاركات : 2,632
النوع : ذكر
الاقامة : اسكندريه ماريا و ترابها زعفران
السيارة: دايو نوبيرا 2 / 99 بريميم
السيارة[2]: تويوتا افينسيس 2006
دراجة بخارية: لا
الحالة :
طب ماعادي على فكره
انا اعرف بني ادمين بتقلع و تتفتش ذاتي و هوا بيعدي من مطارات دول هولندا بالتحديد
رقم العضوية : 1880
تاريخ التسجيل : 23Aug2007
المشاركات : 430
النوع : ذكر
الاقامة : القاهرة
السيارة: نعم
السيارة[2]: نيسان صنى 2014
الحالة :
هو دة الطبيعى الروتين مش فى الورق .....الروتين فى الدماغ
انت لو بصيت على المستندات او الدورة المستندية ممكن تلاقى الكلام طبيعى ومنطقى .....لكن الدماغ اللى بتنفذ ماشاء الله عندهم عبقرية فذة فى اختراع العراقيل بحيث تلاقى اى اجراء او هدف بتفكر توصلة ,,,,دة من رابع المستحيلات
وقف الحال مش بالصدفة واحنا عالم متخلف دة ناتج من اعمالنا ,,,,,للاسف معظم التسعين مليون فهلوى عايشين عالة على اكتاف المجتمعات ....الناس تشتغل واحنا لآ ....الناس تبتكر وتضع حلول واحنا لا .....الناس تتقدم واحنا بنتأخر
رقم العضوية : 171572
تاريخ التسجيل : 05Feb2015
المشاركات : 67
النوع : ذكر
الاقامة : مصر
السيارة: BMW
السيارة[2]: بيجو 505
الحالة :
وده العادي من بنك مصر انت لو حتستور د موبايل من غير كاميرا لازم يعدي عل المرفق القومي للاتصالات وتاخد تصريح واذن
قدرنا
رقم العضوية : 147527
تاريخ التسجيل : 20Aug2013
المشاركات : 2,008
النوع : ذكر
الاقامة : Hurghada
السيارة: None
السيارة[2]: Scoda Fantasia 2010 (Sold
دراجة بخارية: None
الحالة :
الكفته اسلوب حياه
رقم العضوية : 178701
تاريخ التسجيل : 20Aug2015
المشاركات : 90
النوع : ذكر
الاقامة : lkhjhhk
السيارة: 4khkjhj
السيارة[2]: 345465
الحالة :
للاسف القررات اللي بتخنق الناس اللي زينا بيكون سببها مش غلاسه من الحكومة ولكن لان غالبية الشعب المصري فهلوي وتاجر شنطة ومهرب دهب ودولارات ,وبيتاحيلوا علي القانون ,فعلشان كدا الحكومة بتحاول تضيق الخناق عليهم بالقوانين والاجراءات دي واللي بيضايق هو اللي ماشي سليم لكن فعلا الحكومة عاملة اللي عليها .
اعتقد بما انك شغال في الجمارك عارف اد ايه المصريين بيستخدموا حيل علشان يهربوا اي حاجة ودا الطبيعي بتاع المصري للاسف الا من رحم ربي .
رقم العضوية : 112971
تاريخ التسجيل : 13Sep2011
المشاركات : 197
النوع : ذكر
الاقامة : ksa
السيارة: كورولا
السيارة[2]: كورولا
دراجة بخارية: no
الحالة :
المشكلة مبقتش في الروتين المشكلة اصبحت في تطبيق الروتين = يعني ممكن يعمل فروع للمصالح المهمة في نفس منطقة الجمارك يعني معمل الكيميا له فرع في الجمرك او المطار وكذلك الامن الوطني او مكافحة التزييف وكله يخلص في ساعتين والناس تمشي
المفضلات