هفتح شركه جديده ومحتاج أراء الاعضاء

**Typerr** · 10-09-2015 09:56 PM

السلام عليكم ورحمه الله وبركاته

عايز أخد رأيكم بخصوص أنشاء شركه تعمل في مجال IT Solutions (VoIP Video Survillance network solutions passive and active )
شركه لتكنولوجيا المعلومات و كاميرات مراقبه وانظمه الشبكات واجهزه الحضور والانصراف
الحمدلله انا معايا خبره اكتر من 5 سنوات في مجال ال IT وعايز استغل خبرتي واني الحمدلله متميز في المجال بشهاده الشركات اللي اشتغلت فيها. وانا وعايز اضيف حاجه مش موجوده في السوق المصري وهي جوده خدمه العملاء والاهتمام فيما بعد البيع
انا هنا بقولكم لو في حد عنده فكره او اي اقتراح معين بخصوص الموضوع ياريت وانا مستني ارأئكم ولو في اي حد محتاج اي نظام من الانظمه المذكوره يجي عندي علطول :D
شكرا ليكم مقدما.

**Basyouny** · 10-09-2015 10:00 PM

بالتوفيق ان شاء الله

**Typerr** · 10-09-2015 10:05 PM

المشاركة الأصلية كتبت بواسطة Basyouny

بالتوفيق ان شاء الله

شكرا :)

**mk3** · 11-09-2015 12:36 AM

انا مش عارف اقولك افتح يمكن ربنا كاتبلك رزق
ولا اقولك المجال مهروس
واللى بيبيع كاميرا النهارده بيطلع عيل يركبها
والكاميرا نفسها وصلت ل 150 و 200 جنيه
ده غير طبعا ان فى تركز للمجال ده فى باب اللوق يخلى اللى محتاج ير وح هناك
بالاضافه بقى لحال البلد الجميل

**Typerr** · 11-09-2015 09:16 PM

المشاركة الأصلية كتبت بواسطة mk3

انا مش عارف اقولك افتح يمكن ربنا كاتبلك رزق
ولا اقولك المجال مهروس
واللى بيبيع كاميرا النهارده بيطلع عيل يركبها
والكاميرا نفسها وصلت ل 150 و 200 جنيه
ده غير طبعا ان فى تركز للمجال ده فى باب اللوق يخلى اللى محتاج ير وح هناك
بالاضافه بقى لحال البلد الجميل

لا يافندم مش الكاميرات الشعبيه بتاعت السوبر ماركت انا قصدي كاميرات بانظمه متقدمه زي اللي بتركب في الانظمه المحترفه زي الشركات الكبيره

**Bassem Youssef** · 11-09-2015 11:50 PM

بالـتوفيق ان شاء الله

بس الحاله الأقتصاديه للبلد مش مستقره

و لو تم تخفيض قيمه العمله المحليه

الأحوال الاقتصاديه هتسوء اكتر

من رأيي تستني لمنتصف السنه الجديده

عشان تكون الرؤيه أتضحت

**mk3** · 12-09-2015 12:57 AM

[QUOTE=Typerr;3876008035]لا يافندم مش الكاميرات الشعبيه بتاعت السوبر ماركت انا قصدي كاميرات بانظمه متقدمه زي اللي بتركب في الانظمه المحترفه زي الشركات الكبيره

المستورد اللى عنده الشعبيه عنده المحترفه وانت هتشترى منه مش هتستورد
معدل تأسيس الشركات الكبيره اد ايه فى مصر النهارده ومعدل الغاء الشركات اد ايه

**ESO101** · 12-09-2015 05:10 AM

من أنجح المجالات
ربنا يوفقك

**elrasy** · 12-09-2015 02:01 PM

بالتوفيق و سيبك من المتشائمين علي طول

**Secret-Man** · 12-09-2015 09:19 PM

اول شيىء لازم تتخص لان IT Solution الناس فاهماه غلط والكاميرات مش مجالها خالص لان الكاميرات مجال Security Solutions و CCTV وهكذا والمجال ده فعلا مهروس لان العميل فى الاخر بيدور على السعر والكاميرات HD بتنزل من الصين رخيصه ومتهربه وسعرها محروق فى السوق وغير انك محتاج Support team ليها وهكذا

اما خدمات IT الخاصه بالتليلفونات VOIP وحلول الشبكات التليفونيه والصوتيه وConference ده حاجه تانى خالص علشان ده Business Model مختلف علشان تتشغل صح

عندك توكيلات محتكره السوق زى AVAYA - CISCO - Huawei لازم تكون موزع معتمد للتوكيلات العالميه ديه ومنتجاتك جودتها عاليه مش هاى كوبى باعتمادات معينه من الشركات ديه للتوزيع والتركيب والدعم الفنى وبتنزل على مواقعهم طبعا انك موزع معتمد وبتاخد درجات سيلفر وجولد وهكذا علشان ثقه العملاء والتوصيه

المجال كبير حدد شغلك علشان افيدك صح لان كده انا شايفك داخل فى مجالات بعيده عن بعض شويه

الموضوع: هفتح شركه جديده ومحتاج أراء الاعضاء

LinkBack

أدوات الموضوع

عرض

هفتح شركه جديده ومحتاج أراء الاعضاء - انشر الموضوع فى :

-

-

-

-

-

-

-

المواضيع المتشابهه

بفكر فى شويه تعديلات فى السيراتو ومحتاج راى الاعضاء معايا

هفتح كار كير ومحتاج اخوانى يقفوا معايا

حاجة جديده عليا ومحتاج رأى الناس القديمه ... افيدونى :d

تحذير من التسويق الشجرى الان شركه جديده بتعمل نفس الموضوع

الاعضاء اللى من الزقازيق المرور عمل اشارات جديده خلوا بالكوا

الكلمات الدلالية لهذا الموضوع

المفضلات

المفضلات

ضوابط المشاركة