رسالة لن تصل إلى حبيبتي

**Abdelrahman** · 20-11-2008 12:17 PM

يا جماعة ايه موضوع الطلاق ده؟
أنا لا حظت اكتر من اخ اشترك في الموضوع وبيقول انه بيمر او مر بنفس الظروف ..
الطلاق انتشر قوي مش بس في مصر ...بس احنا خلينا في مصر

لا حول ولا قوة إلا بالله

**Cilantro** · 20-11-2008 03:18 PM

المشاركة الأصلية كتبت بواسطة Abdelrahman

فرج الله كربك...أستعين بالله ...هو العلي القدير ...هو الرحمن الرحيم

قول يارب من قلبك ...قول واسجد لله

افتكر كل حاجه حلوه في حياتك ...مين ادهالك ....مين انعم عليك بيها؟

ان مع العسر يسرى .....مع ..مش.. بعد ....ربنا معاك

ربنا ينور لك طريق وحياتك.. زي ما نورت ليا طاقة نور بكلامك وتذكيرك ليا
آمين آمين آمين

**Cilantro** · 20-11-2008 05:27 PM

المشاركة الأصلية كتبت بواسطة ehab08

أنا كمان ممكن أسمع وجايز يوضع سره فى أضعف خلقه

أنا متشكر فعلا على وقوفك جنبي
وانت مش أضعف خلقه.. انت كبير بالمقام
جزاك الله خير

**hanystar** · 20-11-2008 05:36 PM

أخى الفاضل Cilantro
قدر الله وما شاء فعل
متضايقش نفسك لأنك مش عارف الخير فين ؟
ومتعرفش نصيبك فين لسه ؟
حاول تتقرب إلى الله فهو المعين لك فى مشكلتك .
حاول أن تشغل نفسك بأى شىء ولا تترك نفسك للأحزان حتى لا تفكر فى الموضوع مرة أخرى .
ممكن تخرج مع أصحابك فهم كفيلين بإخراجك من المود اللى أنت فيه .

**moshams** · 20-11-2008 05:48 PM

el 3asfor el sa3'eer me7tag lel hannan 7awel telem el shaml 3alshan el 3asfoor yeb2a sa3eed. I hope u got my point

**Cilantro** · 21-11-2008 07:19 PM

المشاركة الأصلية كتبت بواسطة MedaSam

أنا مقدر تماما اللي انت فيه ........ أنا مش عارف القصه طبعا بس حاسس بيك من كلامك ...... و نصيحتي ليك ...... بلااااش الأغاني خالص في الحاله دي علشان بجد بتزود الشعور المقرف ده ......... و عايزك تفكر ان محدش عارف الخير فين ...... و الحمد لله على كل شئ

والله يا أخي الكريم الشعور محزن ومؤلم..
عاوز أقول لحضرتك إني فعلا.. فعلا مش قادر أمنع نفسي من سماع الأغنية دي..
تعرف ؟؟؟
أنا من ساعة ما سمعت كلماتها يوم الأربعاء اللي فات، لحد دلوقت... الفترات "الوحيدة" اللي مش بأسمع فيها الأغنية هي لما بأكون بأصلي أو بأكون في الحمام..
الحزن مش حزن مراهق على أول حب له.. الحزن هو حزن راجل مرة بتجربة مريرة (من انفصال وبعد الطفل عن والده) وبعدها ربنا أكرمك بإنسانة هي فعلا مريحة لك وأنت مريح لها
وييجي الأهل يرفضوا دون نقاش لمجرد أنك في نظر المجتمع أصبحت (كمطلق) كارثة تمشي على قدمين

والحمد لله على كل حال

المشاركة الأصلية كتبت بواسطة MedaSam

لو الفراق ده منها أو من ظروف خارجيه خالص ....... يبقى متلومش نفسك و تقعد تفكر كتير ......

الظروف خارجية زي ما وضحت.. وأنا مش بألوم نفسي ولا بألومها
لكن أنا كإنسان بيعز عليا إن لما تلاقي حد اخترته بعد تفكير ونضج تجربة، إنك تلاقي حد يتعسف في مطلب حلال لمجرد أنك تحمل "رتبة" مطلق.. كأني بقيت سوابق !!

المشاركة الأصلية كتبت بواسطة MedaSam

مش عارف اقولك تعمل ايه ....... بس لو تعرف تسافر كام يوم تروق كده يبقى تمام ......... بس الموضوع هيبقى صعب عموما

مع الايام هتحس بنعمه رائعه ....... و هي النسيان ....... و ربنا معانا جميعا

انا فعلا بأفكر في كده.. بس ربنا يسهل وأقدر في أقرب فرصة
بس لحد ما أعمل كده.. مش عارف أعمل إيه.
والله المستعان

أشكر على إحساسك وتفهمك
وربنا يسعد أيامك

**OlaOsman** · 22-11-2008 01:19 AM

أعانك الله في شدتك و عوضك خيرا.

انا بس لية سؤال: هو ايه اللي وصل الموضوع لحب جارف كده قبل ما تعرفوا رأي الأهل؟ مش المفروض الأول كنت تخليها تقول لأهلها كل ظروفك و تعرفوا رأيهم و بعدين تبقوا تقربوا من بعض؟ انا مش قصدي حاجة لا سمح الله.. انما متهيألي انكوا أخطأتوا بالتعلق ببعض اوي كده مع موقف الأهل الرافض بشدة ده.

حاجة تانية كمان، يمكن انت شروطك في البحث عن زوجة ما تتناسبش مع حالتك الاجتماعية، يعني طبيعي ان فيه أهل ما يرضوش يجوزوا بنتهم اللي لسه في العشرينات و آنسة لحد سبق له الزواج و معاه طفل - مش باقول ان ده صح، انما الأغلبية كده. فليه ما تدورش على واحدة ليها نفس ظروفك أو مشابهة ليها؟ يمكن يكون ربنا كاتب لك الخير مع واحدة تانية و يكون ميسر الأمر اكتر من كده و تداووا انتوا الاتنين جراح بعض بدل ما تعذب نفسك كل شوية برفض أهل واحدة تتعلق بيها و تتعلق بيك و بعدين ربنا مايريدش ليكوا الزواج.

ربنا يعوضك خير يا رب و يرزقك بما فيه الخير و يرضيك بيه.

**badblood** · 22-11-2008 03:39 AM

الف اهلا وسهلا في بيتك
ياااااااما الواحد بيحس انه لوحده ومخنوق من كل حاجه الروتين والشغل والبيت والصحاب
كله مع الوقت بيعدي والدنيا ماشيه محدش بيغير المكتوب بس
اوعى تخلي الدنيا تدوس عليك

**Ahmed_Elkhateb** · 23-11-2008 12:46 AM

يا سلنترو انت حلك يا باشا عندى انا
اسألنى انا يا باشا
انت اولا هتصلى على النبى وتوضا وتصلى ركعتين لله تبعد تماما عن الأغانى الحزينه يعنى اسمع شعبى مثلا فريحى كده يعنى
حاول تشغل كل وقتك على قد ما تقدر
ووالله صدقنى من غير ماتحس هتلاقى نفسك بتنسى كل حااااااااجه لوحدها وربنا معاك ياباشا ويااااااااارب محدش يمر بالظروف الرخمه ديه علشان ديه حاجه متعبه اووووووووى

**romeeoo** · 23-11-2008 04:55 PM

واستعينوا بالصبر والصلاة

ايه ياعمنا ماترمى ورا ضهرك بلاش الإكتئاب ده والحمد لله انك عندك بنت عسوله لما تبصلها وتلعب معاها يبقا تظ فى اى حاجة فى الدنيا
وياسلام فعلا على كل الناس المحترمه اللى هنا فعلا الراجل زى محس انه فى بيته
وياجماعة قلبتوها سوداء كده ليه على الراجل اقلب يا اخى وشوف غيره اقوى راجل فى العالم هو اللى يقدر يستغنى وبكل سهوله عن الحريم كلهم لأنهم كلهم مايستاهلوش الا واحده بس اللى انته حاتتجوزها وطالما هيا طلعت سلبيه كده يبقى بديهى ماتستاهلش
مش بتكلم من برج عاجى انا ادبيت مرتين وخلاص انتهت معايا المواضيع الخنقه دى