مقارنة بين سيارتين أودي مستعملين .. أرجو الافادة

**Das.Auto** · 19-09-2015 05:34 PM

م أحمد:

I am waiting for your answer

**م أحمد** · 19-09-2015 08:16 PM

المشاركة الأصلية كتبت بواسطة das.auto

عارف حركة تكسف وتحرج لما يقولي انا مستنيني في القاهرة وانا اجيله من اسكندرية ومعايا استاذ دكتور مهندس من سن جده جاي علشان يساعدني وننتظر اكتر من ساعتين وهو لا عايز يرد على 25 مكالمة ولا الرسايل.

رأيك ايه اللي المفروض اعمله معاه؟

و الله انا مش عايز ادخل فى تفاصيل حاجة زى كدة لاننا هنكون بعدنا عن موضوع العربيات و دخلنا سكك تانية :)

كان فيه واحد قليل الزوق برضه شفت عربيته و طلعنا بيها على بنزينة للكشف المهم الميكانيكى اللى فى البنزينة ربنا يبارك له طلع المستخبى و العربية اتشركت ..و كمان الكشف كان لسه ناقص الفتيس و الكبالن و دا يلزم قيادة العربية...فسألنى انت هتنزل تانى من تمن العربية ..قلت له على حسب الفتيس و الكبالن ممكن السعر ينزل كمان...و انا مشغول مع الميكانيكى لقيته اخد العربية و مشى مع اننا كنا راكبين مع بعض قبل ما دخلنا البنزينة

قلت هكتب اعلان العربية بالظبط بس فيها كل البلاوى بتاعة الكشف بحيث اللى يقرأ الاعلان يفهم ان دول عربية واحدة..و فى الآخر كبرت دماغى...و على فكرة النوعيات دى التدليس بيبقى الغالب على كلامهم...يقول لك فابركية و تلاقى الشاسيه ملحوم و عربيات شقيانة

هو لو كان صادق كان اعتذر بعد الرسايل و المسدات....و حتى لو اعتذر اصرف نظرك عن العربية ....كبر دماغك خالص و هتلاقى اللى يعامله بالمثل

**Das.Auto** · 19-09-2015 09:43 PM

المشاركة الأصلية كتبت بواسطة م أحمد

و الله انا مش عايز ادخل فى تفاصيل حاجة زى كدة لاننا هنكون بعدنا عن موضوع العربيات و دخلنا سكك تانية :)

كان فيه واحد قليل الزوق برضه شفت عربيته و طلعنا بيها على بنزينة للكشف المهم الميكانيكى اللى فى البنزينة ربنا يبارك له طلع المستخبى و العربية اتشركت ..و كمان الكشف كان لسه ناقص الفتيس و الكبالن و دا يلزم قيادة العربية...فسألنى انت هتنزل تانى من تمن العربية ..قلت له على حسب الفتيس و الكبالن ممكن السعر ينزل كمان...و انا مشغول مع الميكانيكى لقيته اخد العربية و مشى مع اننا كنا راكبين مع بعض قبل ما دخلنا البنزينة

قلت هكتب اعلان العربية بالظبط بس فيها كل البلاوى بتاعة الكشف بحيث اللى يقرأ الاعلان يفهم ان دول عربية واحدة..و فى الآخر كبرت دماغى...و على فكرة النوعيات دى التدليس بيبقى الغالب على كلامهم...يقول لك فابركية و تلاقى الشاسيه ملحوم و عربيات شقيانة

هو لو كان صادق كان اعتذر بعد الرسايل و المسدات....و حتى لو اعتذر اصرف نظرك عن العربية ....كبر دماغك خالص و هتلاقى اللى يعامله بالمثل

شكرا جزيلا على الرد. عارف لو كان الموضوع انه سابنا فى بنزينة وكده كنت قولت ماشى انما ده خلاني اسافر من 6 الصبح مع استاذ دكتور مهندس قيمة كبيرة يعني ورجعنا كل واحد بيته الساعة 10 مساءا علشان خاطر ابن الكلب الحيوان ده.

صراحة ناس قالولي علي افكار شر ارد بيها اللي اتعمل ده بزيادة شوية وانا بس بحاول اتمالك اعصابى لكن للامانة انا اليومين اللى فاتوا فضلت احلم بتنفيذ بعضها وانا متأكد ان لو حد مكاني كان حيسببله ضرر فى وقتها علشان يتعلم يبقى راجل ويحترم نفسه ويحترم وقت الاخرين اللى اهم منه ومن اللى خلفوه.

**Das.Auto** · 01-10-2015 02:21 AM

يا جماعة حد عنده راي بخصوص العربية؟ صاحبها لسه بيحاول يبيعها من شهرين لحد دلوقتى وانا مش عارف افحص العربية فين لان حتى التوكيل بكل فروعه رافضين يعملوا فحص لسيارات مستعملة بغرض البيع / الشراء

أنا منتظر ردودكم وياريت اللى عنده معلومة يبعتلي رقمه او يتواصل معايا

**Das.Auto** · 03-10-2015 07:57 AM

أنا منتظر ردودكم

**Das.Auto** · 08-10-2015 12:27 AM

؟؟؟؟

**Dr. Ahmed** · 08-10-2015 01:00 AM

زي ما قالوا الشباب ابعد عن الاودي
انا عايش في المانيا و عارف انها عربيه حلوة جدا بس للاسف في مصر لازم تفكر في حاجات كتير مش بس العربيه. عل ى ايدك مش عارف تكشف عليها فين اظال هتصلحها ازاي و لما تيجي تبعها هتدعي يجيلك واحد غاوي و ساعتها هتكون عربيه بقالها اكتر من 10 سنين و مشاشيه اكتر من 200 الف كيلو يعني انسى تبيعها بتمن معقول.

**Das.Auto** · 08-10-2015 04:02 AM

المشاركة الأصلية كتبت بواسطة dr. Ahmed

زي ما قالوا الشباب ابعد عن الاودي
انا عايش في المانيا و عارف انها عربيه حلوة جدا بس للاسف في مصر لازم تفكر في حاجات كتير مش بس العربيه. عل ى ايدك مش عارف تكشف عليها فين اظال هتصلحها ازاي و لما تيجي تبعها هتدعي يجيلك واحد غاوي و ساعتها هتكون عربيه بقالها اكتر من 10 سنين و مشاشيه اكتر من 200 الف كيلو يعني انسى تبيعها بتمن معقول.

تصدق يا دكتور محمد، كلمة غاوى دى بالضبط زى ما دكتور جامعي قالي عليها فى موضوع اعادة البيع.

والشباب هنا نصحوا بالمرسيدس او البى ام لكن انا مش عارف عجبانى جدا العربية دى ومش عايز ليها بديل.
والدكتور الجامعي ده حلف 100 حلفان ان اى سيارة صينى او ماروتي زيرو احسن من اودي مستعمل ولكن انا مش مقتنع خالص بالكلام ده.

حتي الميكانيكي اللى بصلح عنده لما قولتله يجي بفحص معايا عربية اودي، قالى اوعي والا هنقعد جنبها مش هنعرف لا نجيبلها قطع غيار ولا نصلحها وهي كام ركوبة وانتهى الامر والبيع طبعا مستحيل.

وكنت بتصل بواحد بساله على عربيته الاودي وعلى السعر قالى اخره هينزل 1000 جنية!! بالرغم ان ماحدش جاله ولا هيلاقى اللى حتى يقوله سلام عليكم! وفى النقيض حوالى 4 بياعين اخرين نزلوا فى السعر 20 و 30 الف جنية من مجرد اتصالات ومحادثات تليفونية يعنى لسه ساعة الجد ممكن اكتر.

مش عارف بناءا على كل المعلومات دى ايه اللى المفروض اعمله! محتار جدااااااااااا!