الموضوع: ماهو افضل زيت 5w30

المشاركة الأصلية كتبت بواسطة ahmedz310

هو طبعاً زيت
Amsoil Signature series 5w30 ( تخليقي من أساس غير معدني)
افضل بكتير من زيت شيل اللي التوكيل بيحطه (تخليقي من أساس معدني) واللي قولت لحضرتك مواصفاته
عشان كده انا ناوي احطه واثبت عليه عشان التغيير الكتير مش كويس وكمان لانه هيبقي فيه كل متطلبات الكتالوج
بس كنت حابب اعرف من حضرتك الفروق الجوهرية بين
Amsoil Signature series 5w30
و
Amsoil oe 5w30
اللي مش واخد تصنيف ال ACEA وهل احطه لحين وصول ال Segniture ولا اكمل واحط شيل لحين وصول ال Segniture

بشكل عام... مواصفات ACEA أعلى من API... وبالتالي الزيوت اللي عليها كود ACEA يفترض إنها أفضل من الزيوت اللي عليها API وبس.

الصفحة دي بتعمل مقارنة لمواصفات الزيوت المختلفة.. وتقدر تشوف الفرق بينها عن طريق رسم توضيحي جميل جدا..

https://www.lubrizol.com/apps/relperftool/pc.html

وكانت بتحط مواصفات الAPI في المقارنات لحد شهرين فاتوا.. مش عارف ليه شالوها..

المهم.. الصورة دي فيها ملخص لمواصة الAPI




هتلاحظ الفرق الكبير لصالح مواصفات الACEA.


أنا شخصيا أفصل إنك تحط زيت مواصفاته متطابقة مع الكتالوج حتى لو كان معدني.. هيبقى أفضل من التخليقي اللي محقق نص المواصفات بس.


...

المشاركة الأصلية كتبت بواسطة ahmedz310

طب ولو اجتمعت المواصفات اللي طالبها الكتالوج في 3 انواع
نص تخليقي
بتكنولوجيا تخليقية من أساس معدني
تخليقي 100٪ من اساس غير معدني
مش يبقي الافضل احط الاخير (تخليقي من أساس غير معدني)

كلامك كده صح... لما المواصفات تجتمع يبقى ساعتها نشوف زيت الأساس.. وبعدين نشوف الماركة.

بدون شك في الحالة دي الأخير هو الاختيار الأفضل.


...