Aviaticon unique SL synthetic oil

**mr_daredevil** · 26-02-2016 03:52 PM

https://www.finke-oil.de/produkt/avi...nique+sl+5w-40السلام عليكم.

فى زيت المانى اسمه Aviaticon تخليقى 5w40 ..حد سمع عنه اى حاجة

**mr_daredevil** · 26-02-2016 05:17 PM

على فكرة سعره 220 جنيه والناس بتشكر فيه ...
عاوز اعرف رأي الخبراء[/code]

**borio1704** · 26-02-2016 05:45 PM

إيه توصيات كتالوج العربية اللي حضرتك عايز تحطه فيها؟؟؟

التوصيات دي أهم من الزيت نفسه... لإن بناء عليها بنختار الزيت المناسب للعربية.

لما نعرف توصيات الكتالوج.. أقدر أقوللك ساعتها إذا كان الزيت ده كويس لعربيتك ولا لأ... لإن مفيش زيت كويس على الإطلاق كده.

...

**mr_daredevil** · 26-02-2016 08:28 PM

انا بس عاوز اطمن انه حلو وفعلا المكتوب عليه حقيقى لان سعره قليل بالمقارنه بموبيل وشل وكمان صنع وتعبئة المانيا

**mr_daredevil** · 27-02-2016 01:26 PM

مافيش حد سمع عن الزيت ده ولا ايه

**borio1704** · 27-02-2016 01:55 PM

المشاركة الأصلية كتبت بواسطة mr_daredevil

مواصفات كتالوج كيا سيراتو 2010 api sm
sae 5w30 وده ممكن عشان فى 2010 كان api sn لسه مانزلش

مواصفة api sn نزلت في أكتوبر 2010.. ومع ذلك فالمواتير اللي نزلت بعد كده بتنصح بردو بـsm لاعتبارات تانية.. أهمها مستوى الزيوت المتاحة في الأسواق المختلفة.

على سبيل المثال.. عربيتي سيراتو موديل 2014.. والكتالوج بينصح بردو بـمستوى sm

المشاركة الأصلية كتبت بواسطة mr_daredevil

انا بس عاوز اطمن انه حلو وفعلا المكتوب عليه حقيقى لان سعره قليل بالمقارنه بموبيل وشل وكمان صنع وتعبئة المانيا

مبدئيا... الزيت ده غير مناسب لعربيتك لإن درجة اللزوجة بتاعته مش مطلوبة في الكتالوج..

بالنسبة لتقييم الزيت عموما... فالزيت ده تخليقي من أساس معدني.. وهو كويس زيه زي معظم الزيوت التخليقية في السوق...وعمره في موتورك لا يزيد عن 10 آلاف كيلومتر أو 6 شهور.. أيهما أسبق.

مستوى الجودة بتاعه كويس بردو.. Api sn و acea a3... ده غير إنه مطابق لمواصفات شركات أوروبية كتير (مرسيدس - بي إم دبليو - فولزفاجن - رينو - مجموعة بيجو سيتروين)... وهو لازم يبقى كده علشان يقدر يلاقي زباين في أوروبا

مسألة السعر المنخفض ده طبيعي لإن الماركة مش معروفة...مسألة تسويقية بحتة.

في المجمل.. الزيت كويس.. ولو لقيت منه لزوجة 5w-30 تقدر تستخدمه وانت مطمن..

ولو إني ما بنصحش بتغيير أنواع وماركات الزيت باستمرار... الثبات على نوع وماركة واحدة أفضل ... بشرط إنها تكون مطابقة لطلبات الكتالوج.

...

**borio1704** · 27-02-2016 10:51 PM

المشاركة الأصلية كتبت بواسطة mr_daredevil

الف شكر يابشمهندس على المعلومات القيمة دى...بس سؤال هو فى زيت فى مصر لزوجته 5w30 ولو فيه ياريت تقولى عليه
انا على العموم لسة مغير الزيت النهارده ولاحظت تحسن جامد فى سحب العربية وآر بى ام والعربية تحس انها فاقت...
على فكرة هو انت بتحط زيت ايه للسيراتو

الزيوت ال5w-30 موجودة طبعا.. ده كل عربيات كيا وهيونداي طالباها.

هتلاقيه في موبيل 1 وشيل وكاسترول وآمسويل وولفر.. وماركات تانية كتير... وكلها زيوت تخليقية

بالنسبة ليا.. فأنا موجود في السعودية. . وبحط زيت ممتاز هنا اسمه بترومين سوبر سنثتك a-1..
الزيت ده موجود في مصر بس مش منتشر للأسف.

عموما.. ادخل على الموضوع ده هتلاقي تفاصيل كتير عن موضوع الزيت ال5w-30 بالذات.

http://www.nilemotors.net/Nile/476212-5w30.html

...