الموضوع: موقع لبيع المواقع !!!

انت حسب فكره المشروع لو جاهزه اشتغلها Clone افضل واسرعه وريح دماغك

مشاكل ASP.net كتير وعايز حد ايده فيه طول الوقت وسيرفراته مكلفه شويه وBugs كتير زى مانت عارف

ده رايى ولك حريه الاختيار

المشاركة الأصلية كتبت بواسطة khaled_sabry

انا مشكلتى فى انى اشتغل فريلانسر هى اولا ان العميل فى احيان كتير مابيبقاش عارف هو ايه
يعنى مثلا ممكن واحد يقولك عاوز برنام لادارة ال hr فى الشركه بدون ذكر تفاصيل
و بعد ماتطلع عينك يشوف اللى انتا عملته و يقولك تعديلات ممكن تخليك تهد شغلك و تبنيه من اول و جديد
ثانيا مشكلتى فى ال design نفسه ن زوقى وحش فى الالوان
فبالتالى اللى نفسى فيه ابقى شغال فى مشروع واحد كبير بتاعى انا و كل شويه اكبر فيه بمزاجى

طيب ايه هي فكرة المشروع ؟
طبعا بشكل عام مش لازم تقول التفاصيل

اعتقد أي مشروع لازم هتتعامل فيه مع عملاء علشان كدا سالتك عن الفكرة
وكل فكرة بيكون ليها مميزات وعيوب يعني فيه مشاريع بتحتاج راس مال كبير وفيه مشاريع بتحتاج وقت وصبر علشان تحقق هدفك منها وفيه اللي بيكون متعب جدا والأرباح ممكن تكون على المدى الطويل أو القصير حسب تخطيطك وهدفك من المشروع ..الخ
بس مفيش مشروع موقع هيدير نفسه أوتوماتيك غير لما تتعب فيه وتديله وقتك وتديره بنفسك وتصرف عليه

كان فيه زمان موضة طالعة اسمها المنتديات كان كل واحد فاضي يعمل منتدى ويجيب ولاد الحارة يكتبوا فيه مواضيع ويكسب من الإعلانات وممكن الموضوع يضرب معاه والمنتدى يتشهر

لكن دلوقتي علشان التنافس الكبير في المواقع وتقليل أسعار الإعلانات الموضوع دا مبقاش يأكل عيش لازم الموقع يكون مبني على فكرة جديدة ومتخططله كويس جدا وتكون عامل حسابك على راس مال للتسويق وإيجار السيرفر وخلافه

المشاركة الأصلية كتبت بواسطة khaled_sabry

لا الفكره العامه للموقع اللى كانت فى دماغى هو موقع حجز للعيادات الطبيه زى موقع فيزيتا (و الفكره دى كانت فى ذهنى من زمان من قبل ظهور الموقع ده اصلا) بس مع اضافات تانيه زى امكانيه الحجز و عمل روشته و تاريخ مرضى و ارسال sms للمريض لما دوره يقرب
و يبقى المكسب من الموقع هو مبلغ بيدفعه الدكتور نظير اشتراك عيادة فى الموقع

و فيه فكره تانيه لموقع hr & payroll system بس مايبقاش خاص بشركه واحده و يبقى عام كل شركه تسجل فيها موظفينها و مواعيد حضورهم و انصرافهم و من الاعدادات يحددو نظام المرتبات بتاعتهم و نظام التأخيرات و الخصومات و ايام الاجازات ... الخ
و يبقى المكسب من الموقع ده هو مبلغ بتدفعه الشركه شهريا نظير اشتراكهم فى الموقع

هما دول الفكرتين اللى فى دماغى حاليا - لكن لو شوفت فكره افضل و تجيب فلوس احسن و قابله للتطوير اكتر ممكن اشتريها
شكل عام انا مش عاوز حاجه تبقى معتمده فى ربحها على الجوجل ادنس بشكل رئيسى و بحب فكره cloud application

الفكرة جميلة بس مش هينفع تقوم بيها لوحدك

معظم شغلك هيكون على ارض الواقع مش على الإنترنت
يعني هتحتاج مهارة إدارية واجتماعية ويكون تحت ايدك فريق عمل جيد ويكون عندك القدرة على إنشاء ولو حتى مكتب في البداية تقوم بتسجيله ويكون تعاملاتك كلها بعقود موثقة ورسمية مع الجهات اللي هتتعامل معاها
وفوق دا كله اعمل حسابك على مبلغ يسد كل التكاليف اللي هتحتاجها ومبلغ مش قليل

الموقع لو انت محتاج شغل نضيف شوف شركة تكون مهتمة بالمجال دا وتبرمج لك الموقع بالمواصفات اللي انت محتاجها مش هينفع شغل الفريلانسر للمشاريع الضخمة اللي زي كدا
كمان هتحتاج تتعامل مع شركات تانية تقوم بالتسويق والترويج لمشروعك والأمور الأخرى اللازمة

تعاملاتك كلها هتكون مع شركات وجهات رسمية مش مع أفراد علشان كدا مش هينفع تقوم بالموضوع دا بمجهودك الفردي فقط

مش سهل انك بمجرد إنشاء موقع على النت تقدر تجذب العيادات الطبية أو الشركات أو غيرها ويسجلوا ويبعتولك كل التفاصيل دي وكمان يدفعوا اشتراك شهري

لازم يكون عندك مهارة في الإقناع وعلاقات اجتماعية على نطاق واسع ..الخ علشان تقدر تجذبهم والفكرة تنجح

شوف حكاية انك مش عاوز فكرة أرباحها تعتمد على إعلانات ادسنس أو غيرها دا تفكير سليم 100%

وموضوع الإعلانات دا سيء جدا حتى مع شركات أخرى زي حسوب لو تسمع عنها او غيرها بغض النظر عن ان الأرباح بتكون في الغالب قليلة جدا ومش جايبة همها مع المواقع الناشئة إلا انك كمان مش هتقدر تسيطر على الإعلانات المعروضة في الموقع وممكن تظهر أحيانا إعلانات شبه إباحية مثلا ولو منعتها بتظهر في دول تانية ..الخ

لكن انت ممكن تستغل خبرتك في البرمجة بانك تشوف فكرة تعتمد على خبرتك ومش لازم تشتغل فريلانسر انت ممكن تبرمج سكربت بفكرة جديدة وتعمله تسويق كويس كأي منتج وتبيعه على شكل نسخ لأي حد ولو الموضوع نجح تبرمج واحد تاني وتبيع وفي مواقع كتير ممكن تبيع عليها منتجاتك في البرمجة خصيصا او التصميم ..الخ والمجال دا واسع والطلب عليه كبير جدا

وممكن لو ليك خبرة في برمجة تطبيقات الموبايل او برامج للكمبيوتر ..الخ نفس الفكرة اللي فاتت وتطبيقات الموبايل حاليا أرباحها خرافية لو فكرتك جديدة

طبعا مش عايز اقولك أن الأفكار دي أرباحها ممكن توصل لملايين ودا مش مجازا لأني اعرف مبرمجين ومصممين أرباحهم عدت الملايين من بيع منتجاتهم بالفعل

ولو قدرت تجمع فريق عمل مكون من مبرمجين ومصممين بحيث تهتم بالجانب البرمجي والمصمم يهتم بالجانب الشكلي للمنتج دا هيكون افضل ومع الافكار الجديدة لمنتجاتك هتعمل فرقعة جامدة في السوق والف مبروك مقدما

المشاركة الأصلية كتبت بواسطة absaab

الفكرة جميلة بس مش هينفع تقوم بيها لوحدك

معظم شغلك هيكون على ارض الواقع مش على الإنترنت
يعني هتحتاج مهارة إدارية واجتماعية ويكون تحت ايدك فريق عمل جيد ويكون عندك القدرة على إنشاء ولو حتى مكتب في البداية تقوم بتسجيله ويكون تعاملاتك كلها بعقود موثقة ورسمية مع الجهات اللي هتتعامل معاها
وفوق دا كله اعمل حسابك على مبلغ يسد كل التكاليف اللي هتحتاجها ومبلغ مش قليل

الموقع لو انت محتاج شغل نضيف شوف شركة تكون مهتمة بالمجال دا وتبرمج لك الموقع بالمواصفات اللي انت محتاجها مش هينفع شغل الفريلانسر للمشاريع الضخمة اللي زي كدا
كمان هتحتاج تتعامل مع شركات تانية تقوم بالتسويق والترويج لمشروعك والأمور الأخرى اللازمة

تعاملاتك كلها هتكون مع شركات وجهات رسمية مش مع أفراد علشان كدا مش هينفع تقوم بالموضوع دا بمجهودك الفردي فقط

مش سهل انك بمجرد إنشاء موقع على النت تقدر تجذب العيادات الطبية أو الشركات أو غيرها ويسجلوا ويبعتولك كل التفاصيل دي وكمان يدفعوا اشتراك شهري

لازم يكون عندك مهارة في الإقناع وعلاقات اجتماعية على نطاق واسع ..الخ علشان تقدر تجذبهم والفكرة تنجح

شوف حكاية انك مش عاوز فكرة أرباحها تعتمد على إعلانات ادسنس أو غيرها دا تفكير سليم 100%

وموضوع الإعلانات دا سيء جدا حتى مع شركات أخرى زي حسوب لو تسمع عنها او غيرها بغض النظر عن ان الأرباح بتكون في الغالب قليلة جدا ومش جايبة همها مع المواقع الناشئة إلا انك كمان مش هتقدر تسيطر على الإعلانات المعروضة في الموقع وممكن تظهر أحيانا إعلانات شبه إباحية مثلا ولو منعتها بتظهر في دول تانية ..الخ

لكن انت ممكن تستغل خبرتك في البرمجة بانك تشوف فكرة تعتمد على خبرتك ومش لازم تشتغل فريلانسر انت ممكن تبرمج سكربت بفكرة جديدة وتعمله تسويق كويس كأي منتج وتبيعه على شكل نسخ لأي حد ولو الموضوع نجح تبرمج واحد تاني وتبيع وفي مواقع كتير ممكن تبيع عليها منتجاتك في البرمجة خصيصا او التصميم ..الخ والمجال دا واسع والطلب عليه كبير جدا

وممكن لو ليك خبرة في برمجة تطبيقات الموبايل او برامج للكمبيوتر ..الخ نفس الفكرة اللي فاتت وتطبيقات الموبايل حاليا أرباحها خرافية لو فكرتك جديدة

طبعا مش عايز اقولك أن الأفكار دي أرباحها ممكن توصل لملايين ودا مش مجازا لأني اعرف مبرمجين ومصممين أرباحهم عدت الملايين من بيع منتجاتهم بالفعل

ولو قدرت تجمع فريق عمل مكون من مبرمجين ومصممين بحيث تهتم بالجانب البرمجي والمصمم يهتم بالجانب الشكلي للمنتج دا هيكون افضل ومع الافكار الجديدة لمنتجاتك هتعمل فرقعة جامدة في السوق والف مبروك مقدما

سيسيتم الحجوزات الطبيه كامل وجاهز للتركيب اهو

ABS | Home

المشاركة الأصلية كتبت بواسطة khaled_sabry

ماهى دى بالظبط اتجاهى
بس عاوز اعملها على الويب الاول لانه مجال خبرتى
و فى الخطه انى اعمل نسخه اخرى على الاندرويد لانى اعرف مبادئ بسيطه البرمجه فيه بالاضافه الى معرفه عمل api اللى بتاخد بيها الداتا من السيرفر


موقع اكثر من ممتاز
بس مشكلته انه مش موضح تفاصيله التقنيه رغم انه عارض السورس للبيع

الموقع كله مبنى على PHP -JS Query - Cake PHP framework

المشاركة الأصلية كتبت بواسطة khaled_sabry

هو معلشى بس ازاى اعمل Clone لمشروع ؟
مافهمتش اول سطر ده تقصد بيه ايه

انا مشكلتى فى انى اشتغل فريلانسر هى اولا ان العميل فى احيان كتير مابيبقاش عارف هو ايه
يعنى مثلا ممكن واحد يقولك عاوز برنام لادارة ال hr فى الشركه بدون ذكر تفاصيل
و بعد ماتطلع عينك يشوف اللى انتا عملته و يقولك تعديلات ممكن تخليك تهد شغلك و تبنيه من اول و جديد
ثانيا مشكلتى فى ال Design نفسه ن زوقى وحش فى الالوان
فبالتالى اللى نفسى فيه ابقى شغال فى مشروع واحد كبير بتاعى انا و كل شويه اكبر فيه بمزاجى

بص على اللنك ده لمشاريع قائمه ومعمول ليها Clone وانت هتفهم قصدى

https://www.agriya.com/products