ضروورري ... معروض عليا سيفيك 2000 lxi و محتاج رأيكم بسرررعة

**Viper911** · 15-09-2015 06:09 PM

السلام عليكم يا شباب
أنا هدخل في النوضوع على طول عشان مطولش عليكم ...
أنا معايا شيفروليه لانوس 2011 من الزيره و محافظ عليها و موطيها و جنوط و شكمان متعدل بالكامل و صيانة في التوكيل و كله تمام .... بس ليا جاري مسافر و معاه سيفيك سيدان موديل مانيوال 2000 عارضها للبيع عشان عايز الفلوس ... و هو كان جايبها من سنتين و تقريبا غير فيها كل حاجه على ايدي لانه كان بياخد رأي ( موتور جديد استيراد 1500 d15z9 - عفشه كامله استيراد بالكامل و سليمه جدا - دواخل فبريكه بالكامل - رشه خوارج ميتالك بدون خدوش نهائي - جنوط سبور 15 وكاوتش جديد - صالون فبريكه و نضيف جدا ) من الاخر حالة ممتازة جدا و متأكد منها
هو طالب فيها 65 و ممكن أتكلم معاه في 62 أو 63 ...
رأيكم أبيع اللانوس عشانها و لا لأ ... تاني حاجة سعرها ايه النظام فيه
( ملحوظة أنا بحب السواقة و بحب الركوبة و الشد و الثبات في العربيات عشان كده مش حابب اللانوس بس خايف اني أسيب الزيرو و أركب قديم )
الرجااااااااااء ساعدوني انا لازم أخد قرار بسرعة عشان هو مستني ردي

**Viper911** · 15-09-2015 06:13 PM

نسيت أقول كمان انوا كان جايب 4 أبواب ازاز كهرباء و شنطه استيراد ياباني فيها فوانيس كريستال الياباني الأصلي و كل ده كان لنهم نفس لون العربية بالظبط (يعني مترشوش دواخل عشان نفس اللون) و فوانيس أمامية استعمال ياباني و المكنه بقفلة بلدها و التكييف تمام و العربية مش محتاجه مصروف و مش ملعوب فيها ( ستوك بره و جوه )

**adel1212** · 16-09-2015 12:03 AM

لو فعلا مالي ايدك من الهوندا دوووووس ركوبة تانية خااااالص
بس السعر مقدرش افيدك فيه
تمنياتي بحسن الاختيار

**SAMEH_FOUAD** · 16-09-2015 10:59 AM

مع الاحترام للانوس , بس لا وجهة للمقارنة

السعر ممتاز , دوس ياباشا

**SAMEH_FOUAD** · 16-09-2015 10:55 PM

الفئة المعروضة قدامك دية ال lxi وهو عدلها ,انت بتقول ان العربية نظيفة تمام , سواء خدتها ب 62- 65 يبقى تمام مش مشكلة

بالنسبة للمحرك حاجتة متوفرة لان مواتير الهوندا من 92-2000 , 90% قطع الغيار زى بعض بدون اى اختلاف فكلها موجودة ماتقلقش , والمحرك دة ممتاز وجميل جداا وماشاء الله ممتاز وتسارع واداء عالى محرك بقوة 115 حصان