مولد كهربا غاز اعتقد الحل المثالى لعلاج فاتورة الكهربا

**الفجر** · 27-09-2015 08:16 PM

لية لو قكرنا اننا نستعمل مولد غاز لان الغاز مهما كان سعرة اقل بكتير من مولدات البنزين والسولار والجاز ...ألخ

بس المشكلة هل شركات الغاز ممكن تدى وصلة لمولد الغاز ؟؟ واية تصاريح والامان اللازم

كمان الغاز فى كل بيت وانضف وملوش ريحة ز ى مولدات التانية
وبكدة عالجنا مشكلة فاتورة الكهرباء العالية

منتظر ارائكم؟؟

**Hussein_Ramdan** · 27-09-2015 08:37 PM

للاسف ياباشا سئلت عليه اقل مولد صغير ب 40 الف ولازم يكون فى مكان مفتوح يعنى يكون عندك جنينه او فوق السطوح وهل شركه الغاز هتوافق ولاة لاء

**الفجر** · 27-09-2015 08:53 PM

المشاركة الأصلية كتبت بواسطة hussein_ramdan

للاسف ياباشا سئلت عليه اقل مولد صغير ب 40 الف ولازم يكون فى مكان مفتوح يعنى يكون عندك جنينه او فوق السطوح وهل شركه الغاز هتوافق ولاة لاء

حتى ولو باربعين الف ارخص برضة من تكلفة خلايا الطاقة الشمسية ومن عدم توفر البنزين و السولار

بس السوال هل فية عوادم كثيرة ولا نضيف للبيئة وملوش ريحة ؟؟

وهل حضرتك لما سالت لاقيتة بيعمل ضوضاء كتيرة ولا عادى ؟؟

**Hussein_Ramdan** · 27-09-2015 09:00 PM

وزارة البترول: لن نسمح بأى تجاوز ووضع الطاقة فى مصر لا يحتمل
عبد الرحمن : توصيل الغاز لـ 800 الف وحدة سكنية خلال العام الجارى

ظهرت فى مصر خلال الفترة الجارية شركة تسمى"بيج رينتال" وقد اعلنت عن بيع مولدات كهربائية امريكية للمستهلك المنزلى والصناعى فى تعمل بالغاز الطبيعى اواسطوانات البوتاجاز .

وقال خالد عبد البديع رئيس الشركة القابضة للغازات "أيجاس" ان قيام اى من المواطنين باستخدام خطوط الغاز المتواجده بالمنزل فى تشغيل مولد كهربائى يعرض العميل للمساءلة القانونية ومن قام بالتركيب يحاسب جنائياً، لان لا يسمح الا بتوصيل الغاز لجهازى البوتاجاز والسخان فقط بالنسبة للمستهلك المنزلى .

وبالنسبة للمستهلك الصناعى فى حالة ثبوت اى حالة توصيل غاز لمولد كهربائى يعمل بالغاز سيتم اتخاذ اجراءات صارمة مع المصنع، ولن نسمح باى تجاوز ووضع الطاقة فى مصر لا يحتمل .

ولفت محمد عبد الرحمن مساعد رئيس شركة غاز مصر ان بيع مولدات تعمل بالغاز الطبيعى او البوتاجاز يمثل كارثه تهدد المواطن قبل الوطن لان خطوط الغاز المنزلية اذا قام اى من الافراد بتوصيل مولد عليه لن تتحمل ذلك وستعرض كل من يقوم بهذا العمل للخطر .

واشار الى ان الشركة تقوم بصيانة دورية لتوصيلات الغاز بالمنازل وفى حالة قيام اى عميل بتوصيل مولد على خط الغاز سيتم قطع الغاز عنه وتحويله للمسائلة القانونية .

وتسائل مسئول بارز بوزارة البترول كيف سمحت مصلحة الجمارك بدخول مولدات كهربائية تعمل بالغاز الطبيعى او البوتاجاز فى ظل الانخفاض الشديد فى انتاج الغاز وعجز الحكومة فى توفير السيولة المالية لاستيراد البوتاجاز والغاز ايضاً .

وقال ان الحكومة تستهدف توصيل الغاز الطبيعى لنحو 800 الف وحدة سكنية بنهاية العام الجارى، بالاضافة لنحو 6 ملايين وحدة تم التوصيل لهم حتى الان

**Hussein_Ramdan** · 27-09-2015 09:01 PM

أنسى

**الفجر** · 27-09-2015 10:13 PM

المشاركة الأصلية كتبت بواسطة hussein_ramdan

أنسى

حتى الغاز اتقفل !!!

اول مرة اعرف القرار دة

طيب مش اكتشفنا غاز والعملية بدئت تكون كويسة ونرتاح شوية ؟

**Hussein_Ramdan** · 27-09-2015 10:16 PM

مش عارف الدنيا هترسى على ايه بس السنه الى جايه الكهربا هتغلى تانى

**rotanamasoud** · 27-09-2015 10:29 PM

شوف يا باشا فى حل انا شغال فيه انا لسه فى بدايه الطريق وقدرت فعلا اشغل المحرك دقيقتين لاكن لسه فى عقبات وتحديات وبالصبر ربنا يهون
انا بدئت بالمولد بتاعى وشغال فى المشروع مع استاذ ياسر
http://www.nilemotors.net/Nile/46711...l-wetcell.html

**الفجر** · 28-09-2015 12:38 AM

المشاركة الأصلية كتبت بواسطة rotanamasoud

شوف يا باشا فى حل انا شغال فيه انا لسه فى بدايه الطريق وقدرت فعلا اشغل المحرك دقيقتين لاكن لسه فى عقبات وتحديات وبالصبر ربنا يهون
انا بدئت بالمولد بتاعى وشغال فى المشروع مع استاذ ياسر
http://www.nilemotors.net/nile/46711...l-wetcell.html

طمنا عليك وعلى مستقبل المخترعين فى مصررررررر