نوبيرا ابيض فتحة سقف جابت مكنة لوحدها لإهماله بعدم تزويد المية و عدم تغير الريداتير

**Nfs Rivals** · 28-09-2015 03:49 AM

واد حبيبي اوى معاه
د.نوبيرا ابيض فتحة سقف مو2001 منوال
عربيتو جابت مكنة ﻻنة ناسي خالص تزويد القربة كل يوم زى ما كان متعود
ومشترك معانا في المنتدى وخليته يقرأ المواضيع
في تحذيري مرارا وتكرارا من نقص مياة قربة مياة سياراتنا بالمنتدى
وقالى انه قرأ موضوعى والمواضيع الى بتحذر من المشي بالعربية وقربة
المية ناقصة واﻻهمال فى الحتة دى.. ودة مفيش فايدة فية
قالى انا من قبل العيد بجمعة
ماجيتش نحية القربة والكبوت بعد تغير الزيت
بيقولى وهو ماشي عالسريع وجاى من مصر وداخل عالمنصورة
والدته بتقوله انت لحقت تفول ما احنا لسه مفولين العربية وطالعين بيها
و عينها هى عالداد الله يسترها مفكراه فول العربية من العداد
اتاريها شايفة عداد البنزين في عداد الحرارة و عقرب مقاس الحرارة جاى
على هوت h
بقولى ببص عالعداد ﻻقيتة عالهوت ولمبة الزيت منورة شغالة
وابطل وادور العربية تدور ولمبة الزيت منورة مع انه مغير زيت قبلها بيومين
على كﻻمة.. بيقولى
قمت مهدى ونا عالسريع وبفتح الكبوت مفيش تنفيس وﻻ بخار مية
ومروحة التبريد جايبة اخرها في الهواء بقوة شديدة قمت مبطل العربية عشان تهدى بتاع نص ساعة
بيقولى قممت جايب خمس ازايز مية عادية مالحنفية
وبدور العربية عشان ازود مية وهى دايرة.. ﻻحيل الله مفيش
المكنة مش عاوزة تنطق زى مايكون قاطعة سير كاتينة بالظبط
بيقولى بكشف على فبرة الكاتينة ﻻقيت كاوتش سير الكاتينة زى ماهو
وخدت شحن من بطارية وهو عالسريع والطريق عليهم ضلمة بالليل
مفيش فايدة بيدور وهو بياخد كهربا من واصلة بطارية من عربية معاه
العربية بتدور والمكنة بتجيب معاه عادى جدا بس مش بتنطق وتدور
المهم الى كان بيعطى اه وصلة شحن بطارية
جابلة رقم عربية ونش عشان تشيل العربية للبيت
تانى يوم الصبح مانامش ومطبق اليوم كله جاب مكانيكى لحد بيتو وكهربائي
قالهم عالحوار الى حصل ققالوله العربية
جابت شورت بلوك عدا وش السلندر
وفعﻻ كان شكله ماشي بالمقاس دة كتير ﻻنه مشي بتاع 3ساعات على كدة وﻻ ايه الله اعلم
المهم جر عربيته بتاكسي
والمكتة اتحلت
بيقولى اسمع التقيل بقي
السبايك بطقم الشنابر براس البساتم بعمود الكرنك بالبلوكة بالسﻻمة
اتشيعت والشمايز المكانيكى حسس على جدار اﻻسطوانات او الشمايز
لقاها معتبة جامد
المهم جاب من الحسينية مع المكانيكى بتاعو شورت بلوك من تحت
ووش السلندر زى ماهو بس الجوان بالسﻻمة ..
جه يركب الشورت بلوك من تحت وركبو خراطيم التغذية وكل حاجة تمام
جه المكانيكى يقلب وش السلندر على ضهره ﻻقاها
مقفع جامد وعاوز يروح للمخرطة وقاله هات
كنة استيراد كله شاكب راكب بجوان سلندر بﻻدها بشنابر بﻻدها
بس فتحات مجارى المية في وش السلندر سليمة مية وزى الفل
يعنى مش متاكلة وﻻ مصدية من بارومة مياة الحنفية
زى كدة مثﻻ

o o o o o o o
( ) ( ) ( ) ( )
o o o o o o o

المهم جاب مكنة استيراد ب2500ج بعد فصال
بحساساتها عدا مارش ودينامو وبلية تكيف
بطرمباتها زيت ومية وباور وتكيف

المهم خد منها بليتين الكاتينة و ط. المية وبلية شداد المجموعة

وركب المكنة والصﻻة عالنبي صوتها ناعم وهادى وبيقولى بخﻻف القديمة الى كانت معاه كانت خشنة وصوتها عالى عالسﻻنسية وهى واقفة

قلتله انت تستاهل ضرب النار في دماغك دى
العربية كدة كانت عايزة يا شجرة مية يا ريداتير يا في تنفيس وتسريب من
اى خرطوم معفن وخﻻص تنتهى من قصة نقصان قربة المية ﻻخرها
زى ما كان بيحصل عندى في النوبيرا ووضحت النقطة الهامة الخطيرة دى
عشان الكل عارف ان عربيته روحها في المية والزيت وبس
عشان المكنة تعمر معاك .. انت مهمل ومستهتر بنعمة ربنا
وعندك ﻻ مباﻻه واضرابنا مع بعض يومها

خﻻصة القول يا جماعة .. بالله عليكم ناخد بالنا من عدمممممم نقصان المية
ولو لنص القربة او بتزودها بوق او قدر كوباية
مفيش حاجة اسمها كدة يا جماعة
زى اكﻻن العربية للبنزين والزيت او ترشيح ونقصان الزيت
:: معاناه ::
يبقي نقصان مقاس المية عن الماكس دة كدة فية تسريب وتهريب للمية
من مكنة لخرطوم لشجرة مية
لثقب في الريداتير مالهاش تالت
وﻻبد من تغيرة بواحد جديد بالشئ الفﻻنى ميهمش
ابعدوا عن ريداتيرات اﻻستيراد اﻻستعمال ﻻنها مش مضمونة وعن تجربة

واخيرا
ناخد بالنا ياجماعة ونتاكد ان مفيش حاجة اسمها احنا قي الحر
والمكنة بتعطش زى ما بيقولو المكانيكية .. ودة جهل منه
طب مانا المكانيكى بتاعى قالى اتحداك ان الريداتير بتاعك مش مخروم
وعاوز يتغير.. عشان القربة مش تنقص خالص مع الضغط والكبس الداخلى
وسمعت كﻻمو وجبت ريداتير صينى ﻻنه 2 ماسورة
وماشاء الله تبارك الله.. وعملت دورة مية تمام والمية الخضرا التمام
في الشتا
و مية تكيف فترة الصيف من مايو ل اكتوبر

و جرب بنفسك مش هتندم ابدا